1 Te̱se̱lo̱ni̱ka̱ 5:14 - Tennet

¹⁴ Gotonogga ki ngonogga tu̱we̱nta̱, kilalekkung egerenycek ol cik e̱e̱ggi̱n gu̱u̱rwa̱. I̱ti̱lo̱z ol cik o̱ngo̱o̱le̱ zoz kokkomit zi̱nze̱tti̱. Eelta icima u̱zu̱tte̱ ol cik apirna kar bo̱do̱k inimet ol do̱o̱k.

1 Te̱se̱lo̱ni̱ka̱ 5:14 ပူးပေါင်းရင်းမြစ်များ

Ma̱te̱yo̱ 12:20

Eela atin enne ol wak ogon ki yaya cik u̱mu̱rgu̱lte̱, iróng atin enne egerzan e̱e̱t ci u̱tu̱gu̱ ki gwa̱a̱ ci okko adite, abarik eela atin ol kar ku̱tu̱gu̱we̱ zoz ci een de̱de̱.

Lu̱ka̱ 22:32

Ma̱i̱je̱ anna kalawei i̱nne̱t Ta̱mu̱ta̱dde̱n, Si̱mo̱ne̱, kar wo̱ye̱ tu̱we̱ne̱t cunne iróng a̱zze̱. Kar ming okko i̱nna̱ uukce, eela gotonoggu tu̱we̱nta̱ kokkomit kak.”

Buk wa To̱ni̱a̱u̱ 20:27

Eci anna ku̱du̱wa̱u̱ng i̱ge̱t zoz do̱o̱k kaviyahe cik abunna Ta̱mu̱ta̱dde̱no̱.

Buk wa To̱ni̱a̱u̱ 20:31

U̱zu̱tte̱ zin e̱le̱tti̱ ciggo̱k, a̱a̱dda̱ zin e̱rki̱nya̱ balik een i̱i̱yo̱ ke̱, ngen anna kibiliz ti̱lo̱wi̱ne̱t i̱ge̱t ba̱a̱li̱n ki wazin ki ti̱la̱lo̱ eberene.

Buk wa To̱ni̱a̱u̱ 20:35

Imma kaale cik kogonni anna do̱o̱k, ki̱ye̱le̱u̱ng anna i̱ge̱t gool ci ka̱li̱ngli̱nge̱ naga oroot kar keelta ol cik amati, ka̱a̱da̱ zoz ci a̱du̱wa̱kke̱t Manyi Ye̱su̱ enne ele, azi ne: ‘A̱ma̱yu̱we̱ e̱e̱ti̱ ci aanyik e̱e̱t gi̱i̱ kommog e̱e̱t ci a̱gga̱ma̱ gi̱i̱ neci.’”

Roma 12:1

Gotonogga ki ngonogga tu̱we̱nta̱, eci Ta̱mu̱ta̱dde̱n i̱ti̱ri̱zze̱t bunnate cinne, kilalekkung zin aanycik e̱le̱tti̱ ciggo̱k do̱o̱k nonno, aanycik kizeto caale kar kubunnta ki wawa cik kapahek Ta̱mu̱ta̱dde̱n kar enne katalo ngatinno̱ng. Een necu gool ci a̱di̱ngdi̱nga̱nnu̱ niga Ta̱mu̱ta̱dde̱n.

Roma 14:1

Elemtta e̱e̱t ci anyak tu̱we̱ne̱t ci dici, ma adangnyu nonno eci enne i̱no̱n kaal cik aavtte do̱ ngati kaal cik i̱no̱nnu̱ niga.

1 Ko̱ri̱nto̱ 4:14

Iróng anna keherakkung zin i̱ge̱t zo̱zzo̱k ne̱ko̱ ko̱ kar kadaung a̱li̱ya̱ni̱, abarik ki̱lo̱tu̱ng, eci niga e̱e̱ggi̱nnu̱ dooli cigannik kirezung.

1 Ko̱ri̱nto̱ 8:7

Ma̱i̱je̱ i̱yo̱ko̱, iróng ol do̱o̱k a̱gga̱ zoz necu. Ngen ol uggak irez to̱do̱yyo̱k wak adimanai azzine kize ta̱mu̱ta̱dde̱ne̱t cigge̱k, ming ovvo adak da̱i̱ne̱t cigge̱k, i̱no̱n nege apahek ta̱mu̱ta̱dde̱ne̱t cik aruge. A̱gga̱ zi̱nze̱tti̱nne̱ cigge̱k abaccit nege, eci ngen i̱no̱ni̱ cinne̱ng iróng okkomi.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Evesos 4:2

Ma odongnyu e̱le̱tti̱ cuggo̱k, izet gunune. Aanycik zi̱nze̱tti̱ kalalit. Abait ki ol rezinta.

Evesos 4:32

Abunna abarik ming irezonu niga do̱o̱k, abunna ming anyakku eezet zi̱nze̱tti̱nne̱, alaltek ol, ki i̱yo̱ko̱ ming alalnek Ta̱mu̱ta̱dde̱n ol zo̱ze̱ ci Ki̱ri̱sto̱ ko̱.

Kolosiya 1:28

Kuwaheka zin naga ol zoz ci Ki̱ri̱sto̱, ki̱lo̱tta̱ ol kar bo̱do̱k kedemezta nogo kaal cik aanyik nogo genyiz, kar atin ol cik meelek ka̱gga̱c Ta̱mu̱ta̱dde̱n ju̱rru̱m zo̱ze̱ ci Ki̱ri̱sto̱.

2 Te̱se̱lo̱ni̱ka̱ 3:15

Ma zin anyikku ku̱tu̱gu̱zzo̱ ki mo̱ddo̱, abarik i̱ti̱lo̱zzo̱ ki ming i̱lo̱ttu̱ ol u̱gge̱ ko̱.

1 Ti̱mo̱te̱yo̱ 3:3

Gerza ming een e̱e̱t ci een bba̱kco̱i̱t, gerza ming avaraci gaganiko. Abunna abarik ming een e̱e̱t ci gununi. Kar zin iróng irez o̱ro̱bi̱ya̱.

1 Ti̱mo̱te̱yo̱ 6:11

Imma i̱nna̱ e̱e̱ti̱ ci Ta̱mu̱ta̱dde̱no̱, liit no̱ngi̱tto̱n ne̱ko̱ do̱o̱k. Abarik tu̱gu̱ kaal cik abunna, zuute zoz ci Ta̱mu̱ta̱dde̱no̱, nyak tu̱we̱ne̱t zo̱ze̱ ci Ta̱mu̱ta̱dde̱no̱, irez ol, ize gunun kar zin niim pirnanet.

2 Ti̱mo̱te̱yo̱ 4:2

Uwahek ol zoz ci Ta̱mu̱ta̱dde̱no̱; abunna ming uwahek ol zoz ci Ta̱mu̱ta̱dde̱no̱ odohize, kar tu̱gu̱ra̱ o̱o̱tti̱ cik ollu, ti̱lo̱ ol ngati ogone kaal cik gerzek, kar gon zozek ol, demez nogo zinine ci voori.

Ti̱to̱ 1:10

Anyak ol cik meelek ibbez de̱mzi̱ne̱t wa een de̱de̱, edemez nege ol de̱mzi̱ne̱t ci een darace kar ku̱lu̱te̱t ol. Een zoz necu de̱de̱ ngati ollik Ya̱u̱do̱ wak orong ol kettedit wucic vi̱ca̱vi̱cce̱t kar kurubta ti̱ri̱ze̱ne̱t.

Ti̱to̱ 1:6

Abunna e̱e̱ti̱ ci een nyakangan ming ogon kaal cik abunna. Abunna ming o̱de̱ nonno ngaa ṯok niko. Abunna dooli ciginnek ming a̱tu̱ Ye̱su̱, kar bo̱do̱k iróng a̱vi̱r o̱o̱tti̱.

I̱bu̱ru̱ 12:12

I̱yo̱ko̱ zin, ma alacannu e̱le̱tti̱, abunna ming anyikku zi̱nze̱tti̱ kokkomit tu̱we̱nta̱.

I̱bu̱ru̱ 13:3

Eelta ol cik e̱ce̱bje̱ lagama, u̱tu̱gu̱z ki ci een i̱ge̱t e̱le̱tti̱ne̱ cik e̱ce̱bi̱nnu̱ lagama. Eelta ol wak a̱gi̱d ol, ogon ki i̱yo̱ko̱ a̱gi̱ddu̱ng ol i̱ge̱t e̱le̱tti̱ne̱.