1 Te̱se̱lo̱ni̱ka̱ 4:8 - Tennet

⁸ Ming abure e̱e̱ti̱ imma de̱mzi̱ne̱t necu, iróng abure e̱e̱t ci diiri, abure abarik Ta̱mu̱ta̱dde̱n wa aanyik ol Vongiz ci A̱li̱le̱.

1 Te̱se̱lo̱ni̱ka̱ 4:8 ပူးပေါင်းရင်းမြစ်များ

Lu̱ge̱z 16:8

A̱nne̱k zin bo̱do̱k Musesi nogo ne, “Ovvo atin niga a̱gga̱yyu̱ Ta̱mu̱ta̱dde̱n ba̱li̱ye̱ ci a̱a̱nyu̱ng i̱di̱ng ci adakku yo̱mo̱na̱ ko̱, ki da̱i̱ne̱t cik nge̱rre̱ti̱nu̱ orongnyu niga ko̱, eci izik enne u̱lu̱wa̱ cunno̱ng a̱lu̱we̱kku̱ niga nonno. Ke̱e̱ggi̱nna̱ naga nya? Iróng niga a̱lu̱we̱ke̱ttu̱ agita, abarik u̱tu̱lu̱ze̱k Manyi.”

Lu̱ka̱ 10:16

“Okko e̱e̱ti̱ ci aziye zoz cunno̱ng aziye zoz cinanni; kar e̱e̱ti̱ ci abure zoz cunno̱ng abure enne zoz cinanni; ma̱i̱je̱ e̱e̱ti̱ ci aburna annita abure enne e̱e̱t bali i̱tto̱na̱na̱ ke̱.”

Kaviyak wak Abunna Ta̱mu̱ta̱dde̱no̱ eher Joni 12:48

Imma e̱e̱ti̱ ci iróng elemna annit kar kutubur zoz cinanni, etted atin zoz neci abure enne ke̱ lo̱ki̱ko̱ cinne ming kokko anna Ye̱su̱ obodak lo̱o̱c i̱i̱te̱ne̱ ci uṯuroi looci.

Buk wa To̱ni̱a̱u̱ 13:41

“‘Izikto niga wak aminyu ol ko̱, u̱ku̱lte̱k je̱e̱n kar a̱da̱i̱to̱, eci anna Ta̱mu̱ta̱dde̱n kokko kogonni gi̱i̱ imma i̱i̱nya̱we̱ ne̱ko̱ iróng atin niga a̱tu̱yyu̱, ming u̱du̱wa̱u̱ng e̱e̱ti̱ imma i̱ge̱t nu̱nu̱n.’”

Roma 5:5

Iróng zoz ci karike naga zi̱nze̱tti̱ Ta̱mu̱ta̱dde̱n ko̱ unyaneta, eci Ta̱mu̱ta̱dde̱n aanyyet agit rezinet cinne zi̱nze̱tti̱nne̱ cigga̱c go̱o̱le̱ ci Vongiz ci A̱li̱le̱, ci aanyet enne agita.

1 Ko̱ri̱nto̱ 2:10

I̱ye̱le̱i̱t zin Ta̱mu̱ta̱dde̱n agit zoz ci a̱lu̱gnye̱ Vongize cinne. Orongnye Vongizi orong kaal do̱o̱k, orong rok kaal cik riilik Ta̱mu̱ta̱dde̱no̱.

1 Ko̱ri̱nto̱ 7:40

Ma̱i̱je̱ i̱no̱ni̱nte̱ cinanni, atalne ngaa neci oroot ngati weda iróng a̱ti̱ye̱ bo̱do̱k. Imma zin zoz necu ka̱du̱wa̱ anna ko̱, ka̱du̱wa̱ ngati kanyahe Vongiz ci Ta̱mu̱ta̱dde̱no̱.

2 Ko̱ri̱nto̱ 1:22

Aarik zin enne bo̱do̱k Vongiz ci A̱li̱le̱ ka̱vvu̱ baize cinna, kize baayenit ci a̱gga̱we̱ ol ke̱e̱ggi̱n naga ol cik Ta̱mu̱ta̱dde̱no̱, kar abunna ka̱gga̱, kurubta atin zoz ci u̱du̱wa̱ enne obod ki agit do̱o̱k.

Ga̱la̱ti̱a̱ 4:6

I̱yo̱ko̱ zin, eci naga ke̱e̱ggi̱n dooli cik Ta̱mu̱ta̱dde̱no̱, i̱tto̱na̱ zin enne Vongiz wa Ngerinne ka̱vvu̱ zi̱nze̱tti̱nne̱ cigga̱c. Okko Vongizi neci aanyyet kutuwet Ta̱mu̱ta̱dde̱n kize, Be̱e̱ti̱nna̱.

1 Peturu 1:12

I̱ye̱lto̱zi̱k nogo iróng nege a̱li̱ngli̱nge̱k e̱le̱tti̱ cigge̱k abarik a̱li̱ngli̱ngngo̱ni̱kku̱ng. Uwakteung nege kaviyak cik abunna Ta̱mu̱ta̱dde̱no̱ i̱ge̱ta̱ komize ci Vongiz ci A̱li̱le̱ bali i̱tto̱na̱i̱ ta̱mu̱-kenga. Orongit anjilonya bu̱k kicinnet kaal ne̱ke̱.

2 Peturu 1:21

Eci i̱llo̱i̱ a̱ri̱to̱i̱t ci ozoz kaal cik akana enne o̱o̱we̱ cinne do̱. Abarik zin Ta̱mu̱ta̱dde̱n ozozek zoz cinne a̱ri̱tto̱k go̱o̱le̱ ci Vongiz ci A̱li̱le̱.

1 Jon 3:24

Ming ko̱ngo̱o̱le̱ naga lo̱ti̱nno̱k cik Ta̱mu̱ta̱dde̱no̱, kaavtte naga ki nonno zi̱nze̱tti̱nne̱, okko enne aave ki agit bu̱k. Kovvo naga ka̱gga̱ aave enne ngatinna Vongize bali aanyet enne agit ke̱.

Ju̱da̱ 1:8

Kar zin go̱o̱le̱ necu bu̱k, egerzanit ol wak anyak o̱no̱zzo̱k ko̱ e̱le̱tti̱ cigge̱k, abure nege alaanzet ci Manyi kar kodomit kaal cik aruge ta̱dde̱na̱.