1 Te̱se̱lo̱ni̱ka̱ 4:4 - Tennet

⁴ Anyik gon ngengene kalam ele cinne ngati okkoye ngaane, a̱gga̱mi̱t e̱le̱tti̱ ki̱li̱le̱c kar kirezzttung ol.

1 Te̱se̱lo̱ni̱ka̱ 4:4 ပူးပေါင်းရင်းမြစ်များ

Buk wa To̱ni̱a̱u̱ 9:15

A̱nne̱k zin Manyi Ananiyas ne, “Tinga je̱e̱na̱ bito! Een Sauli e̱e̱t ci katahala anna kize e̱e̱t ci uwahek i̱do̱ngi̱ ki alaat cigge̱k ki ol cik Israilo kaviyak cigannik abunna.

Roma 1:24

Utungek zin Ta̱mu̱ta̱dde̱n nogo ku̱tu̱gu̱zzo̱ kaal cik gerzek irez zi̱nze̱tti̱ cigge̱k, a̱wu̱l e̱le̱tti̱, ottodo kiwagon elegje.

Roma 12:1

Gotonogga ki ngonogga tu̱we̱nta̱, eci Ta̱mu̱ta̱dde̱n i̱ti̱ri̱zze̱t bunnate cinne, kilalekkung zin aanycik e̱le̱tti̱ ciggo̱k do̱o̱k nonno, aanycik kizeto caale kar kubunnta ki wawa cik kapahek Ta̱mu̱ta̱dde̱n kar enne katalo ngatinno̱ng. Een necu gool ci a̱di̱ngdi̱nga̱nnu̱ niga Ta̱mu̱ta̱dde̱n.

Roma 6:19

Katubuzei anna zoz necu niko ko̱, eci ngen niga e̱e̱ggi̱nnu̱ tarbale ngen a̱gga̱c zoz imma. Anyikku niga e̱le̱tti̱ ciggo̱k kizeto du̱cca̱k kaale cik gerzek, ngati abarik weete anyikku e̱le̱tti̱ ciggo̱k kizeto du̱cca̱k cik bunnat ci Ta̱mu̱ta̱dde̱no̱ kar izet dooli ciginnek a̱li̱le̱.

1 Ko̱ri̱nto̱ 6:15

Iróng niga a̱gga̱yyu̱ e̱e̱ggi̱n e̱le̱tti̱ cuggo̱k cik Ki̱ri̱sto̱? Kadima anna wo̱ye̱ ele ci ize ci Ki̱ri̱sto̱ kar kurumte ki a̱li̱ya̱i̱t? Iróng een niko udut!

1 Ko̱ri̱nto̱ 7:2

Abarik zin anyak a̱li̱ya̱kze̱t ci a̱ppwe̱ oroot, anyik e̱e̱t kuruco kanyak ngaa cinne, anyik bo̱do̱k ngaa kanyak mac cinne.

1 Ko̱ri̱nto̱ 7:9

Ma̱i̱je̱ ming iróng nege azunne e̱le̱tti̱ cigge̱k zo̱ze̱ ci ngaanu, anyik nogo kurucco, abunna ming aruce e̱e̱ti̱ kar kabak baiz ci abunna, gerza ming abak e̱e̱ti̱ baiz ci amanik enne ngaai.

2 Ko̱ri̱nto̱ 4:7

Imma li̱ngli̱ngo̱ni̱ ci aanyyet Ta̱mu̱ta̱dde̱n ko̱, atubo ki gi̱i̱ ci riili. Kar bo̱do̱k ol ne̱k anyak gi̱i̱ ci riili ko̱, ogon ki i̱jjo̱nyya̱ cik adimanai todowaca, a̱li̱be̱ wo̱ye̱ ataman. Ogon Ta̱mu̱ta̱dde̱n ki i̱yo̱ko̱ abunna ming a̱gga̱ ol a̱kku̱ doiz ci uhu ol ko̱ ngati Ta̱mu̱ta̱dde̱no̱, iróng een doiz cinna̱ng.

Vilipia 4:8

Gotonogga ki ngonogga tu̱we̱nta̱, aartik zi̱nze̱tti̱ zoz ci een de̱de̱, zoz ci caale, zoz ci okko ṯop, zoz ci a̱li̱le̱, ki zoz ci abunna, icima zoz ci a̱zi̱ze̱ orong zi̱nze̱tti̱, ki zoz ci abunna kinnat naga. Ma abilizzu i̱no̱ni̱ne̱t kaal ne̱ko̱ do̱o̱k.

I̱bu̱ru̱ 13:4

Niga ol wak urucou, abunna ming azunnu keer ci rucento, abunna iróng e̱e̱ti̱ ci maci aaz ngaa icima enne aaz e̱e̱t, anyik baiz cinne̱ng kize caala ne paz. Edez atin Ta̱mu̱ta̱dde̱n odot icima ngaai wak orooto ki ol.

1 Peturu 3:7

Anycik ol cik macik go̱o̱le̱ necu bu̱k ko̱to̱ngo̱o̱ltte̱ ngaai cigge̱k ming abakku bu̱k ko̱, i̱ti̱ri̱zze̱t nogo labak kizeto ngaai, kar niga do̱o̱k ozolit ruget ci aave udut, ki bali amuccu̱ng Ta̱mu̱ta̱dde̱n i̱ge̱ta̱ rugeta ko̱, kar atin i̱llo̱i̱ gi̱i̱ imma ci alam lawinet cunno̱ng ngati Ta̱mu̱ta̱dde̱no̱.