1 Te̱se̱lo̱ni̱ka̱ 4:16 - Tennet

¹⁶ Eci Manyi Ye̱su̱ eliya alucak lo̱o̱c ta̱mu̱-kenga kar ddi̱ki̱ryo̱i̱ti̱ ci anjilonyau kozoz muluwe ci a̱bu̱le̱, kar zin ol kiziyet ture ci Ta̱mu̱ta̱dde̱no̱ ming abuwe. Ma̱i̱je̱ ol balik a̱da̱i̱to̱ ngati elemtta zoz ci Ki̱ri̱sto̱ ke̱, ingazi atin daiza kuruget.

1 Te̱se̱lo̱ni̱ka̱ 4:16 ပူးပေါင်းရင်းမြစ်များ

Lu̱ge̱z 19:16

Imma nge̱rre̱t i̱i̱nya̱we̱ wa een i̱i̱yo̱, a̱ju̱l ta̱mu̱ kar kabad, anyak di̱i̱zo̱c ci a̱ri̱re̱ biya ta̱dde̱na̱, kar kanyak ture ci abuwe. A̱bba̱ri̱te̱t ol do̱o̱k nyaperita.

Lu̱ge̱z 20:18

Baling iziyyet ol ture ming abuwe ki ta̱mu̱ ming a̱ju̱li̱ kar kicinnet borowoc biya ta̱dde̱na̱ ming anyak bbu̱rre̱t, a̱bba̱ri̱te̱t zin nege oroot ngo̱li̱nta̱. A̱vvu̱to̱ zin reena

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Ma̱te̱yo̱ 25:31

“Ming okko Ngerrti E̱e̱to̱ a̱kku̱ di̱ngdi̱ngo̱nte̱ cinne ki anjilonya cik Ta̱mu̱ta̱dde̱no̱ do̱o̱k, okko atin enne aave lecere wa alaanzetinu, di̱ngdi̱ngo̱nte̱ ci a̱kku̱ ta̱mu̱-kenga.

Ma̱te̱yo̱ 26:64

O̱bo̱de̱k zin Ye̱su̱ nonno, a̱nne̱k ne, “I̱i̱ny, ogon ki i̱yo̱ko̱ ming a̱du̱wa̱ i̱nna̱ ko̱. Abarik ka̱du̱wa̱kku̱ng, acinnang atin annita Ngerrti E̱e̱to̱ aave a̱tte̱ ci a̱zzo̱ Ta̱mu̱ta̱dde̱no̱, nginti anyak doiz, kar koboda di̱i̱za̱ ta̱mu̱-kenga.”

Buk wa To̱ni̱a̱u̱ 1:11

Azi nege ne, “Ol cik Ga̱li̱li̱, abillu ette ngatu angamniku ta̱mu̱-keng nya? Ye̱su̱ cu ele, ci odonge ngatinno̱ng uk ta̱mu̱-kenga ko̱, okko atin oboda go̱o̱le̱ ci acinnu niga nonno ming okko ta̱mu̱-kenga ko̱.”

1 Ko̱ri̱nto̱ 15:18

Kar ol wak a̱da̱i̱to̱ zo̱ze̱ ci Ki̱ri̱sto̱, e̱de̱nyce̱ nege do̱o̱k.

1 Ko̱ri̱nto̱ 15:20

Abarik itingawe Ta̱mu̱ta̱dde̱n Ki̱ri̱sto̱ de̱de̱ daiza. I̱ye̱le̱kke̱t ingazi atin ol balik a̱da̱i̱to̱ ke̱ daiza bu̱k kuruget.

1 Ko̱ri̱nto̱ 15:23

Ogone atin kaala ne̱ko̱ i̱i̱nya̱we̱ cik aavtte do̱ do̱ olle do̱o̱k. Ki̱ri̱sto̱ bali ci ingazi daiza oowa, ovvo zin ol ciginnek a̱tu̱ nonno ko̱ ingazi daiza ming okko enne obodak lo̱o̱c.

1 Te̱se̱lo̱ni̱ka̱ 1:10

ngati e̱re̱yyu̱ Ye̱su̱ Ngerinne, wa atin obodak lo̱o̱c ta̱mu̱-kenga, bali ingane enne daiza. Eelannet atin agit do̱o̱k kar kilittet mozinet ci Ta̱mu̱ta̱dde̱no̱ ci atin okko enne edeze ol cik abure iróng a̱tu̱ zoz ci Ye̱su̱.

1 Te̱se̱lo̱ni̱ka̱ 3:11

Kala Ta̱mu̱ta̱dde̱n wa een Be̱e̱ti̱nna̱ ele ki Manyi Ye̱su̱ kidiman gool kubunna kar naga ki̱vi̱ta̱ ki̱vo̱nttu̱ng.

2 Te̱se̱lo̱ni̱ka̱ 1:7

A̱a̱nyu̱ng atin Ta̱mu̱ta̱dde̱n abait yahe niga ol ne̱k a̱gi̱ddu̱ng ol ko̱, ogonekket agit bu̱k ming okko Manyi Ye̱su̱ alucak lo̱o̱c ta̱mu̱-kenga ki anjilonya ciginnek.

2 Te̱se̱lo̱ni̱ka̱ 2:1

Imma zo̱ze̱ ci okko atin Manyitinna Ye̱su̱ Ki̱ri̱sto̱ obodak lo̱o̱c ki lutenet cinna, ka̱jji̱nnu̱ng i̱ge̱t gotonogget ki ngonogget tu̱we̱nta̱,

2 Peturu 3:10

Abarik atin i̱i̱te̱ni̱ ci Manyi a̱kku̱ kiwagon ogoryaiti, iróng e̱e̱ti̱ imma a̱gga̱. Okko i̱i̱te̱ne̱ neci a̱zze̱ atin ta̱mu̱-kengi ne dakdak. Imma koor ki nye̱lo̱k ki munyuny atuze gwo̱o̱ya̱ ne lai. Atuze atin looci ki kaal do̱o̱k wak aavtte lo̱o̱ta̱ ngatu ko̱ ne lai, kar kaala do̱o̱k ki̱ye̱lta̱i̱.

Ju̱da̱ 1:9

Odom rok Maikol wa een alaan ci anjilonyau ta̱mu̱-kenga ko̱, ngen enne kodom lo̱rye̱ni̱t i̱i̱te̱ne̱ bali adangone ki nonno zo̱ze̱ ci obod ki ele ci Musesi ke̱. Abarik wazin neci a̱nne̱k enne nonno ne, “Edezi atin Manyi Ta̱mu̱ta̱dde̱n i̱nne̱ta̱.”

O̱no̱zzo̱k 1:10

Imma i̱i̱te̱ne̱ ci alawe ol cik a̱tu̱we̱ Manyi Ye̱su̱, i̱ki̱ya̱ha̱ Vongizi ci Ta̱mu̱ta̱dde̱no̱ o̱no̱zo̱we̱, kar anna kizik vu̱rrte̱ cinanni muluk ci a̱ppwe̱ oroi ki ture ci abuwe,

O̱no̱zzo̱k 1:7

Icinnet, orkora enne ki di̱i̱z, kar ebere do̱o̱k kicinnet atin nonno, acin rok ol balik akati nonno; anyak atin olli lo̱o̱tu̱ do̱o̱k u̱lu̱wa̱ zo̱ze̱ cinne. De̱de̱, ogone atin! Amen.

O̱no̱zzo̱k 14:13

Kiziya zin anna muluk ci a̱kku̱ ta̱mu̱-kenga azi ne, “Teher zoz necu: A̱ma̱yu̱kte̱ ol balik a̱da̱i̱to̱ zo̱ze̱ ci anuwe nege Manyi, akane i̱yo̱ko̱ kuk.” Azi Vongizi ci Ta̱mu̱ta̱dde̱no̱ ne, “I̱i̱ny, i̱ye̱be̱z atin nege li̱ngli̱ngo̱ne̱ bali abunna u̱tu̱gu̱zzo̱ nege ke̱, annu atin nogo kaala cik u̱tu̱gu̱zzo̱ nege baize cinne̱ng.”

O̱no̱zzo̱k 8:13

Kicina zin anna o̱no̱zo̱we̱, kiziya zin anna u̱du̱va̱ni̱t ci a̱ku̱l ta̱dde̱na̱ awe muluwe ci a̱ppwe̱, ize ne, “Izeto nonga o̱lle̱, izeto nonga o̱lle̱! Izeto nonga o̱lle̱ ngati olli lo̱o̱tu̱, eci ovvo anjilonya cik e̱e̱ggi̱n i̱i̱yo̱ ko̱ ovvo abu turet cigge̱k.”

O̱no̱zzo̱k 8:2

Kar anna kicin anjilonya turgerem cik abile ngu̱me̱ ci Ta̱mu̱ta̱dde̱no̱, kar kanycozik nogo tureta turgerem cik abu nege.