1 Te̱se̱lo̱ni̱ka̱ 4:14 - Tennet

¹⁴ Ming kelemi naga zoz ci a̱da̱kne̱ Ye̱su̱ kar zin kitinga daiza, obodane atin Ta̱mu̱ta̱dde̱n ol ne̱ke̱ daiza kuruget bu̱k ki Ye̱su̱ nga̱to̱de̱.

1 Te̱se̱lo̱ni̱ka̱ 4:14 ပူးပေါင်းရင်းမြစ်များ

Kananet 49:19

Gad, ooryi atin mo̱ddo̱ i̱nne̱ta̱, ma̱i̱je̱ atin i̱nna̱ ooryi nogo zoone cigge̱k.

Ma̱te̱yo̱ 24:31

Kar zin atin enne ki̱tto̱nna̱ anjilonya ciginnek kar nege ta̱mu̱-kenga kutubuwet tuuret, kar kulutet ol balik atahala Ta̱mu̱ta̱dde̱n lo̱o̱co̱we̱ do̱o̱k ki ta̱mu̱-kenga ke̱.”

Roma 14:9

Eci zin zo̱ze̱ necu, a̱da̱k Ki̱ri̱sto̱ kar kitinga daiza kurug, kar enne kize Manyi ci olli daizo ki ci olli rugeto.

Roma 8:11

Imma Vongizi ci Ta̱mu̱ta̱dde̱no̱ bali ingane Ye̱su̱ daiza abak ngatinno̱ng do̱o̱k, nonno ci ingane Ki̱ri̱sto̱ daiza, a̱a̱nyu̱ng atin enne baiz ci een jor e̱le̱tti̱ne̱ cik daizak ko̱, Vongize cinne.

1 Te̱se̱lo̱ni̱ka̱ 3:13

Ma̱i̱je̱ go̱o̱le̱ neci a̱a̱nyu̱ng Ta̱mu̱ta̱dde̱n elemit ol ko̱, a̱a̱nyu̱ng atin okkomit tu̱we̱nta̱ bu̱k, kar izet ol cik i̱llo̱i̱ rok ba̱ci̱nno̱k ngu̱me̱ ci Ta̱mu̱ta̱dde̱n Be̱e̱ti̱nna̱, ming okko Ye̱su̱ Manyi oboda, orkora atin ki ollinne wak a̱li̱le̱ do̱o̱k.

1 Te̱se̱lo̱ni̱ka̱ 4:13

Gotonogga ki ngonogga tu̱we̱nta̱, korongnyung a̱gga̱c zoz ci een de̱de̱ obod ki ol wak a̱tu̱we̱ a̱da̱i̱to̱. Iróng korongnyung i̱ge̱t u̱tu̱lu̱z ki ol wak iróng arike zi̱nze̱tti̱ zoz ci baiz wa ovvo ol wak a̱da̱i̱to̱ obodane.

1 Te̱se̱lo̱ni̱ka̱ 4:17

Imma naga ol ne̱k ngen karuge ko̱, i̱rra̱ne̱t atin gi̱i̱ imma lo̱o̱ta̱ koot kurumto ki Ye̱su̱ di̱i̱zo̱ca̱. Kar koot kabait ki Manyi udut.

2 Te̱se̱lo̱ni̱ka̱ 2:1

Imma zo̱ze̱ ci okko atin Manyitinna Ye̱su̱ Ki̱ri̱sto̱ obodak lo̱o̱c ki lutenet cinna, ka̱jji̱nnu̱ng i̱ge̱t gotonogget ki ngonogget tu̱we̱nta̱,

O̱no̱zzo̱k 1:18

Ke̱e̱ni̱ anna e̱e̱t ci karugi, ka̱da̱ha̱ ba̱li̱ye̱, i̱yo̱ko̱ karugi udut, kanyai a̱tte̱ cinanni jooro cik daizak ki nginti daizo.”

O̱no̱zzo̱k 14:13

Kiziya zin anna muluk ci a̱kku̱ ta̱mu̱-kenga azi ne, “Teher zoz necu: A̱ma̱yu̱kte̱ ol balik a̱da̱i̱to̱ zo̱ze̱ ci anuwe nege Manyi, akane i̱yo̱ko̱ kuk.” Azi Vongizi ci Ta̱mu̱ta̱dde̱no̱ ne, “I̱i̱ny, i̱ye̱be̱z atin nege li̱ngli̱ngo̱ne̱ bali abunna u̱tu̱gu̱zzo̱ nege ke̱, annu atin nogo kaala cik u̱tu̱gu̱zzo̱ nege baize cinne̱ng.”