1 Te̱se̱lo̱ni̱ka̱ 3:2 - Tennet

² Ki̱tto̱ntta̱ gotonet Ti̱mo̱te̱yo̱ wa ka̱li̱ngli̱ngnya̱ bu̱k zo̱ze̱ ci Ta̱mu̱ta̱dde̱no̱ ngati kuwaheka ol kaviyak cik abunna, kar ki̱ki̱ya̱ ki̱ti̱lo̱u̱ng zo̱ze̱ ci Ki̱ri̱sto̱ kar bo̱do̱k keelaung ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱.

1 Te̱se̱lo̱ni̱ka̱ 3:2 ပူးပေါင်းရင်းမြစ်များ

Buk wa To̱ni̱a̱u̱ 16:1

Oot Pa̱u̱lo̱ ki Silas rok orog ci een Derbe kar bo̱do̱k koot rok orog ci een Lystra abahe nuyaiti ci een zara Ti̱mo̱te̱yo̱, een yaatinne Ya̱u̱d kar bo̱do̱k a̱tu̱we̱, okko baatinne een Gi̱ri̱k.

Buk wa To̱ni̱a̱u̱ 16:5

Ovvo zin ol cik a̱tu̱we̱ okkomi kak tu̱we̱nta̱, kar ol kotorte ke̱le̱ci̱a̱nya̱i̱ odohize kizeto meele.

Buk wa To̱ni̱a̱u̱ 18:5

Baling i̱vi̱ta̱ ciko Silasi ki Ti̱mo̱te̱yo̱ lo̱o̱ce̱ ci een Macedonia, uwahek Pa̱u̱lo̱ olli Ya̱u̱do̱ zoz ci Ta̱mu̱ta̱dde̱no̱ odohize, a̱nne̱k ne, een bali Ye̱su̱, Ki̱ri̱sto̱.

Roma 16:21

Izayung Ti̱mo̱te̱yo̱ wa ka̱li̱ngli̱ngnya̱ bu̱k ko̱. Izayung bo̱do̱k ol wagannik een Ya̱u̱d, Lucius ki Jason ki Sosipater.

1 Ko̱ri̱nto̱ 3:10

Imma detente ci Ta̱mu̱ta̱dde̱no̱ ko̱, aanya annit kize e̱e̱t ci ka̱li̱ngli̱ngi̱ ki i̱yo̱ko̱ e̱e̱ti̱ ci eenyet ce̱e̱z ko̱, kogonni zin anna ki i̱yo̱ko̱ e̱e̱ti̱ ci adawek ce̱e̱z lo̱o̱c go̱o̱le̱ ci abunna kodok kak, kar e̱e̱ti̱ imma ki̱ki̱ya̱ keteeheny ce̱e̱z neci kuk ta̱dde̱na̱. Abunna zin e̱e̱ti̱ ming azunne gool ci eenycine enne ko̱ ju̱rru̱m.

1 Ko̱ri̱nto̱ 4:17

Imma zin zo̱ze̱ necu ki̱tto̱na̱kku̱ng anna i̱ge̱t Ti̱mo̱te̱yo̱ wa een ngeranni tu̱we̱nta̱, kirezi anna nonno eci alali zinin zo̱ze̱ ci Manyi. A̱du̱wa̱kku̱ng atin enne i̱ge̱t baiz cinanni ngati Ki̱ri̱sto̱ Ye̱su̱, a̱du̱wo̱ baizi cinanni ki de̱mzi̱ne̱t ci kedemeze anna ol ke̱le̱ci̱a̱nya̱i̱ lo̱o̱co̱we̱ do̱o̱k.

2 Ko̱ri̱nto̱ 1:1

Annita Pa̱u̱lo̱ ci bali atahala Ta̱mu̱ta̱dde̱n kize to̱ni̱a̱t ci Ye̱su̱ Ki̱ri̱sto̱, kar ki̱li̱ngli̱ng zoz cinne, keheri waraga cu ki Ti̱mo̱te̱yo̱ wa een gotonet tu̱we̱nta̱. Keherika waraga cu ol wak ke̱le̱ci̱a̱k o̱rge̱ ci een Ko̱ri̱nto̱, ki ol wak a̱tu̱ zoz ci Ta̱mu̱ta̱dde̱no̱ lo̱o̱ce̱ ci Achaia.

2 Ko̱ri̱nto̱ 1:19

Eci annit ki Ti̱mo̱te̱yo̱ ki Silas cik kuwahekkung zoz ci Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ wa een zoz cinne de̱de̱, iróng abaci. Ogon zoz ci een de̱de̱, iróng anyak zi̱nze̱tti̱ ram.

2 Ko̱ri̱nto̱ 2:12

Baling kuwa o̱rge̱ ci een Troas kar kuwahek ol kaviyak cik abunna Ki̱ri̱sto̱, oo zin Manyi zi̱nze̱tti̱ cik ol ne̱ke̱ kar kuwahek ol kaviyak waginnek,

2 Ko̱ri̱nto̱ 2:13

ngen annit odoi zinin eci ngen kuruba Ti̱to̱ gotona tu̱we̱nta̱ nginatu. Baling ka̱a̱vu̱ do̱yo̱i̱t, kizzawa ol wak a̱tu̱we̱, kar keronnak lo̱o̱c ci Macedonia.

2 Ko̱ri̱nto̱ 8:23

Katahala anna Ti̱to̱ wagon ka̱li̱ngli̱ngnya̱ bu̱k kar ki̱ti̱ri̱zzu̱ng. Imma ol wak een rama ko̱, i̱tto̱na̱ ol cik ke̱le̱ci̱a̱nya̱i̱. Irez ol zoz ci Ki̱ri̱sto̱ go̱o̱le̱ ci ogone nege kaal.

Kolosiya 1:1

Annita Pa̱u̱lo̱ ci keheri waraga cu, ki Ti̱mo̱te̱yo̱ wa een gotona tu̱we̱nta̱, atahala annit Ta̱mu̱ta̱dde̱n kar kize to̱na̱i̱t ci Ye̱su̱ Ki̱ri̱sto̱.

Kolosiya 1:7

Aziknnu niga zoz necu arrak oowa ngati e̱e̱t ci een zara Epaphras, e̱e̱t ci kireza naga ka̱li̱ngli̱ngnya̱ bu̱k ki nonno, een enne e̱e̱t ci a̱li̱ngli̱ng zoz ci Ki̱ri̱sto̱ ngatinna,

Kolosiya 4:12

I̱tto̱na̱kku̱ng zin bo̱do̱k e̱e̱ti̱ ci een zara Epaphras zawinet cinne i̱ge̱ta̱, een enne e̱e̱t ci orog cunno̱ng kar kize du̱ca̱i̱t ci a̱li̱ngli̱ng zoz ci Ye̱su̱ Ki̱ri̱sto̱. Alawekkung gon enne i̱ge̱t Ta̱mu̱ta̱dde̱n odohize kar ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱, ngati ogonnu zoz ci orong enne i̱ge̱t u̱tu̱gu̱z do̱o̱k.

Kolosiya 4:9

Orkora enne ki Onesimos, een enne e̱e̱t ci abunna kar kize gotonet ci kireza, een enne e̱e̱t cunno̱ng. A̱du̱wa̱kku̱ng atin nege kaal do̱o̱k cik ogone ngatinna̱ng ngatu.

1 Te̱se̱lo̱ni̱ka̱ 3:13

Ma̱i̱je̱ go̱o̱le̱ neci a̱a̱nyu̱ng Ta̱mu̱ta̱dde̱n elemit ol ko̱, a̱a̱nyu̱ng atin okkomit tu̱we̱nta̱ bu̱k, kar izet ol cik i̱llo̱i̱ rok ba̱ci̱nno̱k ngu̱me̱ ci Ta̱mu̱ta̱dde̱n Be̱e̱ti̱nna̱, ming okko Ye̱su̱ Manyi oboda, orkora atin ki ollinne wak a̱li̱le̱ do̱o̱k.

1 Te̱se̱lo̱ni̱ka̱ 3:5

Gi̱i̱ ci zin bali ki̱tto̱na̱ne̱ Ti̱mo̱te̱yo̱ ko̱ nenen necu, baling ommoga zoz ci kengerone u̱u̱mu̱c, okko atin enne acinnung ogonnu ku̱ tu̱we̱nte̱ ci a̱tu̱yyu̱ Ye̱su̱ wa atahalai. A̱wu̱ce̱ gon zinin kazi ne icima lo̱rye̱nti̱ alabaung i̱ti̱ku̱ng tu̱, kar kumurya li̱ngli̱ngo̱ni̱ bali nang ke̱.

2 Te̱se̱lo̱ni̱ka̱ 2:17

kar ki̱ti̱lo̱u̱ng ka̱a̱nyu̱ng komiz odohize kar u̱tu̱gu̱z kaal icima a̱du̱wa̱nnu̱ zoz ci abunna.