1 Te̱se̱lo̱ni̱ka̱ 3:12 - Tennet

¹² Kala bo̱do̱k Manyi Ye̱su̱ kar ka̱a̱nyu̱ng irezzit e̱le̱tti̱ cuggo̱k ki ol do̱o̱k oroot ki i̱yo̱ko̱ ming kirezzung ko̱.

1 Te̱se̱lo̱ni̱ka̱ 3:12 ပူးပေါင်းရင်းမြစ်များ

Ma̱te̱yo̱ 22:39

Imma ti̱lo̱wi̱ne̱t ci een rama riili bo̱do̱k ko̱, azi ne, ‘Irez e̱e̱t ci locariyo ki i̱yo̱ko̱ ming irezi i̱nna̱ ele cunne ko̱.’

Ma̱te̱yo̱ 7:12

“Imma kaale do̱o̱k, u̱tu̱gu̱zze̱k ol kaal cik abunna orongnyu niga ku̱tu̱gu̱ze̱u̱ng nege i̱ge̱ta̱. Een ne̱ko̱ zo̱zzo̱k cik aruma lo̱ti̱nno̱k cik Musesi do̱o̱k ki zoz ci a̱ri̱tto̱u̱.

Lu̱ka̱ 17:5

A̱nne̱k to̱ni̱a̱ha̱ Manyi ne, “Anyik tu̱we̱ne̱t cinna kize a̱ppwa̱!”

Roma 13:8

Ru̱k ngabolet cigunnek olle do̱o̱k. Ogon rezinet ki ci kanyak naga nga̱bo̱lo̱, abunna zin kirez naga ol do̱o̱k, ming irez e̱e̱ti̱ imma gooni, azunne enne lo̱ti̱nno̱k cik Ta̱mu̱ta̱dde̱no̱.

2 Ko̱ri̱nto̱ 9:10

Aanyik Ta̱mu̱ta̱dde̱n ol wak e̱e̱vye̱ i̱nyo̱mo̱ kar keevtto, kar bo̱do̱k kaanyik da̱i̱ne̱t, kar kotor bunnat ci anyakku niga kize a̱ppwa̱.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Ga̱la̱ti̱a̱ 5:6

Ming ke̱e̱ggi̱n ol wak ka̱tu̱ Ye̱su̱ Ki̱ri̱sto̱, i̱llo̱i̱ gi̱i̱ ci kamuda ming ketted wucic vi̱ca̱vi̱ca̱, icima iróng kettedi. Tu̱we̱ne̱t zin ci aanyyet kirezit ol.

Vilipia 1:9

Een necu lawinet cinanni kalawe Ta̱mu̱ta̱dde̱n abunna rezinet cunno̱ng ngatinne kotore oroot kar a̱gga̱c zoz cinne ju̱rru̱m,

1 Te̱se̱lo̱ni̱ka̱ 2:8

Ngiwa kirezzung oroot, iróng ba̱li̱ye̱ korongnya koobteung kaviyak cik Ta̱mu̱ta̱dde̱no̱ abunna do̱, abarik ki̱ti̱ri̱yye̱u̱ng baiz cinna̱ng do̱o̱k.

1 Te̱se̱lo̱ni̱ka̱ 4:1

Ma zin i̱yo̱ko̱ vu̱rrte̱ ci waraga cu, gotonogga ki ngonogga tu̱we̱nta̱, kedemezteung ri̱t gool ci abakku ju̱rru̱m katal Ta̱mu̱ta̱dde̱n. Ma̱i̱je̱ zin i̱yo̱ko̱ kilalekkung ki̱lo̱tu̱ng zare cik Manyi Ye̱su̱ kar abait ki ol labak kommog baiz necu.

1 Te̱se̱lo̱ni̱ka̱ 5:15

Ma acacannu kaal cik gerzek ogonekku̱ng ol, abarik u̱tu̱gu̱zze̱k ol do̱o̱k kaal cik abunna.

2 Te̱se̱lo̱ni̱ka̱ 1:3

Gotonogga ki ngonogga tu̱we̱nta̱, kaanyika Ta̱mu̱ta̱dde̱n zany ngati a̱tu̱we̱nu̱ kar bo̱do̱k rezinet ci irezonnu e̱le̱tti̱ ju̱rru̱m.

Je̱mi̱s 1:17

A̱kku̱ muci ci abunna ta̱mu̱-kenga, ngati Baba bali eenyca kaal cik e̱e̱ggi̱n vooriten do̱o̱k ta̱mu̱-kenga. Iróng Ta̱mu̱ta̱dde̱n ukce kiwagon mu̱hu̱ri̱te̱ni̱ ming i̱ki̱ya̱ vooriteni.

2 Peturu 1:7

Kar bo̱do̱k otortek zoz ci arikku zoz ci Ta̱mu̱ta̱dde̱no̱ zi̱nze̱tti̱ ko̱ zoz ci eelannu gonoggu wak a̱tu̱we̱ ki niga, kar bo̱do̱k otortek rezinet zoz ci eelannu ol cik a̱tu̱we̱ ko̱.

2 Peturu 3:18

Abarik e̱me̱dda̱ niga abait baiz ci abunna gi̱i̱ye̱ wa a̱a̱nyu̱ng Manyitinna Ti̱ri̱zo̱i̱t Ye̱su̱ Ki̱ri̱sto̱ i̱ge̱t deten cinne ki zoz ci a̱gga̱yyu̱ nonno. Abunna ka̱di̱ngdi̱nga̱n zar cik Manyi udut. Nonno nenen.