1 Te̱se̱lo̱ni̱ka̱ 3:11 - Tennet

¹¹ Kala Ta̱mu̱ta̱dde̱n wa een Be̱e̱ti̱nna̱ ele ki Manyi Ye̱su̱ kidiman gool kubunna kar naga ki̱vi̱ta̱ ki̱vo̱nttu̱ng.

1 Te̱se̱lo̱ni̱ka̱ 3:11 ပူးပေါင်းရင်းမြစ်များ

Ma̱te̱yo̱ 6:14

Ming alalnekku niga ol cik ogonekku̱ng gi̱i̱ ci gerze, okko atin Baatunne wa aave ta̱mu̱-kenga alalnekkung i̱ge̱t bu̱k ba̱ci̱no̱we̱.

Ma̱te̱yo̱ 6:18

kar abunna iróng ol a̱gga̱ ming i̱ya̱ye̱ i̱nna̱. Abarik Ta̱mu̱ta̱dde̱n acin gi̱i̱ ci ogone lo̱mu̱k, amucci atin enne i̱nne̱ta̱.

Ma̱te̱yo̱ 6:26

Icinnet iballi cik a̱ku̱l ko̱, iróng nege e̱e̱vi̱ye̱ icima etteda labi icima arik kaal de̱he̱rwa̱, abarik ngen Baba wa aave ta̱mu̱-kenga adaiz nogo dee niko. Iróng niga ol cik diirik riile kommogit iballi?

Ma̱te̱yo̱ 6:32

Eci ol wak iróng a̱gga̱ Ta̱mu̱ta̱dde̱n a̱vi̱r vu̱rrte̱ ci kaal ne̱ko̱, imma Baatunne wa aave ta̱mu̱-kenga a̱gga̱ kaal cik orongnyu niga do̱o̱k.

Ma̱te̱yo̱ 6:4

abunna zin gi̱i̱ ci anyike i̱nna̱ e̱e̱t ci amati ko̱ go̱o̱le̱ ci iróng ol a̱gga̱we̱ ming amuci i̱nna̱ e̱e̱t ci amati. A̱gga̱ Baatunne zoz ci ogoni i̱nna̱ lo̱mu̱k ko̱, okko atin enne a̱mu̱yu̱ki̱n.

Ma̱te̱yo̱ 6:6

Abarik ming ala i̱nna̱ Ta̱mu̱ta̱dde̱n, bit ce̱e̱za̱ ca̱a̱to̱, unyuga tatug, kar laa Baatunne lo̱mu̱k ngati iróng ol acinnin. A̱gga̱ Ta̱mu̱ta̱dde̱n gi̱i̱ ci abunna ogoni i̱nna̱ lo̱mu̱k, amuci atin enne i̱nne̱ta̱.

Marko 1:3

“Egereny mului ci e̱e̱to̱ balale ci gi̱da̱ngi̱, azi ne, ‘Idimantek Manyi gool, idimantek nonno gool ci abile ṯop.’”

Lu̱ka̱ 12:30

Eci ol cik iróng a̱gga̱ zoz ci Ta̱mu̱ta̱dde̱no̱ a̱vi̱r nege vu̱rrte̱ ci kaal ne̱ko̱, a̱gga̱ Be̱e̱ti̱nno̱ng wa aave ta̱mu̱-kenga ming orongnyu niga kaal ne̱ko̱.

Lu̱ka̱ 12:32

“Ma o̱ngo̱o̱li̱nnu̱ gi̱i̱ imma, niga demezyaha cikidik ko̱, eci Be̱e̱ti̱nno̱ng wa aave ta̱mu̱-kenga atalne oroot ngati a̱a̱nyu̱ng ba̱a̱li̱ne̱t cinne.

Kaviyak wak Abunna Ta̱mu̱ta̱dde̱no̱ eher Joni 20:17

Izek Ye̱su̱ nonno ne, “Ma odoknonikan, ngen zin bu̱k anna ki̱mi̱re̱ kuk ngati Baba. Bit abarik ngati gotonogga kar zin izek ne, ka̱mi̱re̱ kokko ngati Baba wa bo̱do̱k een be̱e̱ti̱nno̱ng bu̱k, Ta̱mu̱ta̱dde̱n wa nanni kar bo̱do̱k kize Ta̱mu̱ta̱dde̱n cinne̱ng.”

Roma 1:3

Een kaviyaha ne̱k a̱li̱le̱ ko̱ zoz ci obod ki Ngerinne wa a̱rri̱ta̱i̱ kize e̱e̱t ci diiri tatuge ci alaan wa een Da̱vi̱de̱.

2 Ko̱ri̱nto̱ 6:18

Kiize anna be̱e̱ti̱nno̱ng, kar zin niga e̱e̱ggi̱nnu̱ atin dooli cigannik, ka̱du̱wa̱ anna Manyi Ta̱mu̱ta̱dde̱n wa anyak Komiz do̱o̱k.”

Ga̱la̱ti̱a̱ 1:4

A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱.

Kolosiya 1:2

Keherya waraga cu keherika ol wak a̱li̱le̱ Ta̱mu̱ta̱dde̱no̱ abak o̱rge̱ ci een Kolosiya, e̱e̱ggi̱n nege bo̱do̱k gotonogget wak a̱tu̱ Ki̱ri̱sto̱. Anyik deten ki gano ci Ta̱mu̱ta̱dde̱no̱ Be̱e̱ti̱nna̱ ka̱vvu̱ baize cunno̱ng.

1 Te̱se̱lo̱ni̱ka̱ 3:13

Ma̱i̱je̱ go̱o̱le̱ neci a̱a̱nyu̱ng Ta̱mu̱ta̱dde̱n elemit ol ko̱, a̱a̱nyu̱ng atin okkomit tu̱we̱nta̱ bu̱k, kar izet ol cik i̱llo̱i̱ rok ba̱ci̱nno̱k ngu̱me̱ ci Ta̱mu̱ta̱dde̱n Be̱e̱ti̱nna̱, ming okko Ye̱su̱ Manyi oboda, orkora atin ki ollinne wak a̱li̱le̱ do̱o̱k.

1 Te̱se̱lo̱ni̱ka̱ 4:16

Eci Manyi Ye̱su̱ eliya alucak lo̱o̱c ta̱mu̱-kenga kar ddi̱ki̱ryo̱i̱ti̱ ci anjilonyau kozoz muluwe ci a̱bu̱le̱, kar zin ol kiziyet ture ci Ta̱mu̱ta̱dde̱no̱ ming abuwe. Ma̱i̱je̱ ol balik a̱da̱i̱to̱ ngati elemtta zoz ci Ki̱ri̱sto̱ ke̱, ingazi atin daiza kuruget.

1 Te̱se̱lo̱ni̱ka̱ 5:23

Kala Ta̱mu̱ta̱dde̱n manyi gano ka̱a̱nyu̱ng abait labak, kidimanung izet caale udut. Ka̱a̱nyu̱ng baiz ki vongiz cunno̱ng do̱o̱k ki̱zze̱c ba̱ci̱no̱wa̱ zee kobodak Manyitinna Ye̱su̱ Ki̱ri̱sto̱ lo̱o̱c.

2 Te̱se̱lo̱ni̱ka̱ 2:16

Kalayya Manyi Ye̱su̱ Ki̱ri̱sto̱ ele ki Ta̱mu̱ta̱dde̱n Be̱e̱ti̱nna̱ wa irezet kar kaanyyet deten ci aave udut, kar ke̱re̱yye̱ zoz ci abunna a̱kku̱ loza,

2 Te̱se̱lo̱ni̱ka̱ 3:16

I̱yo̱ko̱ zin, kala zin Manyi wa anyaha gano, ka̱a̱nyu̱ng gano odohize go̱o̱lo̱we̱ do̱o̱k.

2 Te̱se̱lo̱ni̱ka̱ 3:5

Kala Manyi ka̱a̱nyu̱ng kar a̱gga̱c rezinet ol ki Ta̱mu̱ta̱dde̱n, kar zin bo̱do̱k kalaltung zi̱nze̱tti̱ ki nimenet zoz ci Ki̱ri̱sto̱.

1 Jon 3:1

A̱ppwa̱ rezinet ci irezet Baba oroot, awuyet zin ol agit kizetta dooli cik Ta̱mu̱ta̱dde̱no̱, ke̱e̱ggi̱n naga dooli cik Ta̱mu̱ta̱dde̱no̱ de̱de̱. Kar zin zoz ci iróng olli lo̱o̱tu̱ a̱gga̱yye̱t ko̱ icu, iróng nege a̱gga̱ nonno.

O̱no̱zzo̱k 21:3

Kar anna kizik muluk ci a̱bu̱le̱ a̱kku̱ lecera, azi ne, “I̱yo̱ko̱ aave nginti abahe Ta̱mu̱ta̱dde̱n olle, kar atin enne kabak ki nogo. Ovvo atin nege e̱e̱ggi̱n ol ciginnek, okko atin Ta̱mu̱ta̱dde̱n eliya abak ki nogo kar enne kize Ta̱mu̱ta̱dde̱n cinne̱ng.