1 Te̱se̱lo̱ni̱ka̱ 2:9 - Tennet

⁹ Gotonogga wak tu̱we̱nta̱, a̱a̱da̱nnu̱ ri̱t niga bu̱k li̱ngli̱ngo̱n bali gon a̱ppwe̱ kapirnanna wazin ki ba̱a̱li̱n do̱o̱k kar iróng ka̱ggi̱ddu̱ng kaale cik een da̱i̱ne̱t ngati kamitanekkung kaviyak cik abunna Ta̱mu̱ta̱dde̱no̱.

1 Te̱se̱lo̱ni̱ka̱ 2:9 ပူးပေါင်းရင်းမြစ်များ

Lu̱ka̱ 18:7

Kar iróng atin Ta̱mu̱ta̱dde̱n etted lo̱ki̱ko̱ ju̱rru̱m cik ol cik atahalai, ol cik a̱lu̱we̱k nonno wazin ki ba̱a̱li̱n? Okko gon atin enne abure lo̱ki̱ko̱ cinne̱ng?

Lu̱ka̱ 2:37

kar zin kize enne boya kizeto e̱rki̱nya̱ ciginnek moten tu̱rge̱ ki we̱c. Ngen enne kutungek Ce̱e̱z wa Ta̱mu̱ta̱dde̱no̱ lo̱o̱c i̱i̱te̱n imma, abarik ala Ta̱mu̱ta̱dde̱n kaal tu̱p, i̱ya̱ye̱ kar kalawo.

Buk wa To̱ni̱a̱u̱ 18:3

eci bali enne een e̱e̱t ci adiman ti̱te̱t ru̱u̱ma̱ni̱ne̱ ki nege, a̱vvu̱to̱ ki nogo kar zin ki̱li̱ngli̱nge̱t bu̱k.

Buk wa To̱ni̱a̱u̱ 20:24

Abarik zin anna iróng karik zinin zoz ci atin okko i̱i̱na̱k baiz cinanni, ming kedeca anna li̱ngli̱ngo̱n bali aanya Manyi Ye̱su̱ ke̱, kar kuwahek ol kaviyak cik abunna anyak deten ci Ta̱mu̱ta̱dde̱no̱.

Buk wa To̱ni̱a̱u̱ 20:31

U̱zu̱tte̱ zin e̱le̱tti̱ ciggo̱k, a̱a̱dda̱ zin e̱rki̱nya̱ balik een i̱i̱yo̱ ke̱, ngen anna kibiliz ti̱lo̱wi̱ne̱t i̱ge̱t ba̱a̱li̱n ki wazin ki ti̱la̱lo̱ eberene.

Roma 1:1

Annita Pa̱u̱lo̱ wa ke̱e̱ni̱ du̱ca̱i̱t ci Ye̱su̱ Ki̱ri̱sto̱ ci keheri waraga cu, atahala Ta̱mu̱ta̱dde̱n annit kize to̱ni̱a̱t kar kuwahek ol kaviyak cik abunna.

Roma 15:16

Ahalana Ta̱mu̱ta̱dde̱n kar abunna ka̱li̱ngli̱nge̱k Ye̱su̱ Ki̱ri̱sto̱ kize tuwayoit orgene ci ol wak iróng een Ya̱u̱d, kar ki̱ye̱le̱k nogo kaviyak cik abunna. Ogon Ta̱mu̱ta̱dde̱n niko kar ol wak iróng een Ya̱u̱d kumucet Ta̱mu̱ta̱dde̱n, bak elemi enne muci ci aanyik nogo Vongizi ci A̱li̱le̱.

Roma 15:19

Ku̱tu̱gu̱ra̱ anna nogo kaale cik a̱vu̱la̱ ogon Ye̱su̱ Vongize ci A̱li̱le̱. Kuwaheya nogo kaviyak cik abunna Ki̱ri̱sto̱, kakane Jerusalema kuk rok lo̱o̱c ci een zara Illyricum.

1 Ko̱ri̱nto̱ 4:12

Ka̱li̱ngli̱ngnya̱ naga oroot azzine cigga̱k. Kar gon ming otoryet ol, ka̱ma̱yu̱ka̱ nogo; ming a̱gi̱dde̱t ol, kanimnya gi̱de̱ne̱t cinne̱ng.

1 Ko̱ri̱nto̱ 9:15

Abarik zin, ngen anna ki̱jji̱n e̱e̱t imma gi̱i̱ ci korongi ki ming a̱du̱wa̱ zoz ci Ta̱mu̱ta̱dde̱no̱ ko̱. Iróng anna keheri waraga cu kar aanycang kaal cik korongi. Ma nu̱nu̱n ming ka̱da̱i̱, iróng wo̱ye̱ ka̱jji̱nni̱ gi̱i̱ imma ci korongi udut kar e̱e̱ti̱ imma ki̱ki̱ya̱ kodong ele zo̱ze̱ necu.

1 Ko̱ri̱nto̱ 9:18

Karuba zin atin anna nya? Karuba zin atin gool ci kuwaheke kaviyak cik abunna ki̱zzi̱ rok gi̱i̱ ci a̱ru̱we̱ka̱ ol annita. Iróng zin anna Ka̱jji̱nni̱ nogo kar kanyca nege annit kaal cik agano ming aanya nege.

1 Ko̱ri̱nto̱ 9:4

Abunna ming aanyet ol da̱i̱ne̱t.

2 Ko̱ri̱nto̱ 11:27

Ka̱li̱ngli̱ngi̱ gon oroot kipira, ki̱zze̱c rok ungnyak. Kowo kodok keng kak i̱llo̱i̱ rok maam cik kaudi. Audda gon lajo oroot eci i̱llo̱i̱ ru̱u̱m ci kabungenne.

2 Ko̱ri̱nto̱ 11:9

Baling kabak ki i̱ge̱t ke̱, ming i̱zzi̱ gi̱i̱ imma to ngatinanni, iróng anna kalayyung. Anyak de̱de̱ ollik Ta̱mu̱ta̱dde̱no̱ lo̱o̱ce̱ ci Macedonia cik aanyya o̱ro̱bi̱ya̱ cik kadayinne. Iróng zin anna ka̱a̱nyu̱ng elem cinanni i̱ge̱t udut.

2 Ko̱ri̱nto̱ 6:5

i̱i̱te̱n imma a̱ru̱kke̱t ol, kokoltet lagam, kar koole ki̱gi̱dde̱tta̱, ka̱li̱ngli̱ngnya̱ naga oroot, i̱llo̱i̱ rok da̱i̱ne̱t ki ungnyak bu̱k.

Vilipia 4:16

Ma̱i̱je̱ ming ngen anna kaave o̱rge̱ ci Te̱se̱lo̱ni̱ka̱ ke̱, i̱tto̱na̱kka̱ng niga annita muci cuggo̱k odohize odohize ming koronga gi̱i̱ imma.

1 Te̱se̱lo̱ni̱ka̱ 1:3

Ka̱a̱da̱nnu̱ng gon lawinte ci kalayya Ta̱mu̱ta̱dde̱n Be̱e̱ti̱nna̱ zo̱ze̱ ci li̱ngli̱ngo̱n wa ogonnu niga ko̱ ngati a̱tu̱yyu̱ nonno, kar inimet no̱ngi̱tto̱n ngati arikku zi̱nze̱tti̱ Manyitinna Ye̱su̱ Ki̱ri̱sto̱.

1 Te̱se̱lo̱ni̱ka̱ 2:2

A̱gga̱yyu̱ ri̱t bo̱do̱k niga niko baling ngen ki̱vi̱ta̱u̱ng Te̱se̱lo̱ni̱ka̱, i̱gi̱dde̱t ol o̱rge̱ ci een Vilipi kar bo̱do̱k kodomtetta. Baling aburnnet ol ne̱ke̱ nu̱nu̱n, aanyyet Ta̱mu̱ta̱dde̱n zi̱nze̱tti̱ cik okkomi kar kuwakteya nogo kaviyak cik abunna a̱vvu̱ ngatinne.

1 Te̱se̱lo̱ni̱ka̱ 2:6

Iróng ba̱li̱ye̱ naga korongnya ol u̱gge̱ icima i̱ge̱t kecebtet ceremi. Ming nu̱nu̱n ke̱e̱ggi̱nna̱ to̱ni̱a̱k cik Ki̱ri̱sto̱, iróng korongnya kaanycung nga̱bo̱lo̱ ci e̱le̱me̱tti̱ cigga̱k.

1 Te̱se̱lo̱ni̱ka̱ 3:10

Kalayya gon Ta̱mu̱ta̱dde̱n tu̱p kaal zi̱nze̱tti̱nne̱ cik a̱wu̱ce̱ kar kaanyyet gool ci ki̱vo̱nnu̱ng abunna ming kedemezung ti̱lo̱wi̱nte̱ ci Ta̱mu̱ta̱dde̱no̱ ci a̱zze̱ tu̱we̱nte̱ cunno̱ng ko̱.

1 Ti̱mo̱te̱yo̱ 1:11

orkor ki kaviyak cik abunna Ta̱mu̱ta̱dde̱no̱ manyi ma̱yu̱we̱ne̱t balik i̱lo̱ti̱ka̱ enne annit ke̱.

1 Ti̱mo̱te̱yo̱ 4:10

Imma zin zo̱ze̱ cu, ka̱li̱ngli̱ng oroot, eci karikka zi̱nze̱tti̱ baiz ci Ta̱mu̱ta̱dde̱no̱, wa een Ti̱ri̱zo̱i̱t wa ollu do̱o̱k, ommogje ol wak a̱tu̱ nonno.

1 Ti̱mo̱te̱yo̱ 5:5

Aarike ngaa ci boye a̱zze̱ rok e̱e̱t co̱de̱ ci eela to zinin cinne Ta̱mu̱ta̱dde̱n, ala nonno tu̱p kaal.

2 Ti̱mo̱te̱yo̱ 1:3

Kanyik zany Ta̱mu̱ta̱dde̱n wa ka̱li̱ngli̱nge̱k anna ko̱ zinine ci voori ki baling ogon ji̱ji̱ti̱ga̱nni̱k bu̱k. Kala gon Ta̱mu̱ta̱dde̱n tu̱p kaal ngati ka̱a̱da̱ni̱n.