1 Te̱se̱lo̱ni̱ka̱ 2:8 - Tennet

⁸ Ngiwa kirezzung oroot, iróng ba̱li̱ye̱ korongnya koobteung kaviyak cik Ta̱mu̱ta̱dde̱no̱ abunna do̱, abarik ki̱ti̱ri̱yye̱u̱ng baiz cinna̱ng do̱o̱k.

1 Te̱se̱lo̱ni̱ka̱ 2:8 ပူးပေါင်းရင်းမြစ်များ

Lu̱ka̱ 7:2

Anyak da̱ ddi̱ki̱ryo̱i̱ti̱ ci aciiru Romi du̱ca̱i̱t ci irez enne oroot, odoyai kize daizoit.

Roma 1:1

Annita Pa̱u̱lo̱ wa ke̱e̱ni̱ du̱ca̱i̱t ci Ye̱su̱ Ki̱ri̱sto̱ ci keheri waraga cu, atahala Ta̱mu̱ta̱dde̱n annit kize to̱ni̱a̱t kar kuwahek ol kaviyak cik abunna.

Roma 10:1

Gotonogga ki ngonogga tu̱we̱nta̱, orong zinin cinanni kar kalawek olli Israilo Ta̱mu̱ta̱dde̱n kar nege kurubta ti̱ri̱ze̱ne̱t.

Roma 15:29

Ka̱gga̱ ming kokko ki̱vo̱nnu̱ng, a̱ma̱yu̱kke̱t atin Ki̱ri̱sto̱ agit do̱o̱k.

2 Ko̱ri̱nto̱ 12:15

Korongi zin ka̱a̱nyu̱ng i̱ge̱t kaal ne̱k kanyai anna ke̱ do̱o̱k rok ele cinanni bu̱k. Ming kirezzung anna i̱ge̱t oroot ke̱, iróng wo̱ye̱ niga irezang annit bu̱k?

2 Ko̱ri̱nto̱ 6:1

Imma gi̱i̱ye̱ wa ka̱li̱ngli̱ngo̱ni̱kka̱ naga Ta̱mu̱ta̱dde̱n, kilalekkung zin zo̱ze̱ cu: Abunna ming a̱li̱ngli̱ngnyu̱ bunnate ci Ta̱mu̱ta̱dde̱no̱ ju̱rru̱m.

Ga̱la̱ti̱a̱ 4:19

Eeh, dooli cigannik tu̱we̱nta̱, kapirna zo̱ze̱ cunno̱ng kiwagon ngaa ci anyakce a̱u̱ce̱ do̱le̱c ngati orong ukcane. Kapirna zo̱ze̱ necu zee kar zoz ci Ki̱ri̱sto̱ ka̱vvu̱ zi̱nze̱tti̱nne̱ cuggo̱k.

Vilipia 1:8

A̱gga̱ Ta̱mu̱ta̱dde̱n bu̱k korongi anna ki̱vo̱nnu̱ng kar kirezung ki i̱yo̱ko̱ ming irez Ye̱su̱ Ki̱ri̱sto̱ ol ko̱.

Vilipia 2:17

Een tu̱we̱ne̱t cunno̱ng wawac ci li̱ngli̱ngo̱n ci Ta̱mu̱ta̱dde̱no̱, ming a̱ddu̱te̱ bi̱ye̱ta̱ cigannik wawac neci, katalne anna kar niga bu̱k ataltto ki anna.

Vilipia 2:20

I̱llo̱i̱ e̱e̱t imma ngatu ci kaavtiya bu̱k ci anyak zinin ci abunna ki Ti̱mo̱te̱yo̱, nonno do̱ niko ci azunne baiz cunno̱ng.

Vilipia 4:1

Gotonogga ki ngonogga wak zinino, korongi gon anna kar kurumte ki i̱ge̱ta̱, eci gon aanyang niga annita talninet kar bo̱do̱k anna kodong ele ngatinno̱ng. Ibilet zin ju̱rru̱m ngati Manyi.

Kolosiya 1:28

Kuwaheka zin naga ol zoz ci Ki̱ri̱sto̱, ki̱lo̱tta̱ ol kar bo̱do̱k kedemezta nogo kaal cik aanyik nogo genyiz, kar atin ol cik meelek ka̱gga̱c Ta̱mu̱ta̱dde̱n ju̱rru̱m zo̱ze̱ ci Ki̱ri̱sto̱.

Kolosiya 1:7

Aziknnu niga zoz necu arrak oowa ngati e̱e̱t ci een zara Epaphras, e̱e̱t ci kireza naga ka̱li̱ngli̱ngnya̱ bu̱k ki nonno, een enne e̱e̱t ci a̱li̱ngli̱ng zoz ci Ki̱ri̱sto̱ ngatinna,

Kolosiya 4:12

I̱tto̱na̱kku̱ng zin bo̱do̱k e̱e̱ti̱ ci een zara Epaphras zawinet cinne i̱ge̱ta̱, een enne e̱e̱t ci orog cunno̱ng kar kize du̱ca̱i̱t ci a̱li̱ngli̱ng zoz ci Ye̱su̱ Ki̱ri̱sto̱. Alawekkung gon enne i̱ge̱t Ta̱mu̱ta̱dde̱n odohize kar ibilet ju̱rru̱m tu̱we̱nta̱ zo̱ze̱ ci Ta̱mu̱ta̱dde̱no̱, ngati ogonnu zoz ci orong enne i̱ge̱t u̱tu̱gu̱z do̱o̱k.

Vilomene 1:1

Ki̱tto̱na̱ waraga cu anna Pa̱u̱lo̱ wa kecebje lagama zo̱ze̱ ci Ye̱su̱ Ki̱ri̱sto̱. Keherya waraga cu anna ki Ti̱mo̱te̱yo̱ gotonet tu̱we̱nta̱. Keherika Vilomene gotonet tu̱we̱nta̱ kar bo̱do̱k ka̱li̱ngli̱ngnya̱ bu̱k zo̱ze̱ ci Ta̱mu̱ta̱dde̱no̱.

I̱bu̱ru̱ 13:17

O̱to̱ngo̱o̱ltte̱ lo̱ddi̱ki̱re̱ cuggo̱k, u̱tu̱gu̱z zoz ci a̱du̱wa̱ nege. Een li̱ngli̱ngo̱ni̱ cinne̱ng ci ebekkung nege i̱ge̱ta̱ ju̱rru̱m, ming iróng ebekkung ju̱rru̱m, okko atin Ta̱mu̱ta̱dde̱n a̱jji̱n nogo kaale cik ogon nege do̱o̱k. Ma anyike nogo komozte ming ogon li̱ngli̱ngo̱n cinne̱ng. Anyik nogo katalto. U̱zzu̱tte̱, abunna atin nege eelannung.

1 Jon 3:16

Gool zin ci ka̱gga̱we̱ naga rezinet ci een de̱de̱ ko̱ necu: A̱da̱i̱ Ye̱su̱ Ki̱ri̱sto̱ zo̱ze̱ cinna. Abunna zin naga bu̱k baize cinna ming ka̱da̱i̱ zo̱ze̱ ci gotonogget ki ngonogget tu̱we̱nta̱.