1 Te̱se̱lo̱ni̱ka̱ 2:5 - Tennet

⁵ A̱gga̱yyu̱ bo̱do̱k niko iróng ba̱li̱ye̱ kovolongnya zoza, icima ka̱ru̱ka̱ talaben kar kalabtaung da̱i̱ne̱t. Ta̱mu̱ta̱dde̱n do̱ niko ci een bbacait cinna̱ng.

1 Te̱se̱lo̱ni̱ka̱ 2:5 ပူးပေါင်းရင်းမြစ်များ

Ma̱te̱yo̱ 22:16

I̱tto̱ntta̱k zin nege Ye̱su̱ nuyak cigge̱k ki olli alaan He̱ro̱di̱. I̱jji̱nne̱t zin nonno, “De̱me̱zo̱i̱t, ka̱gga̱yya̱ e̱e̱ni̱ i̱nna̱ e̱e̱t ci abunna, edemezi i̱nna̱ ol zoz ci Ta̱mu̱ta̱dde̱no̱ go̱o̱le̱ wa een de̱de̱, eci iróng i̱nna̱ edeconik zoz ci ollu.

Ma̱te̱yo̱ 23:13

“O̱lle̱ ciggo̱k ol wak een de̱me̱zzo̱k wak lo̱ti̱nno̱k wak Musesi ki olli Varacis ko̱, niga ol cik a̱ru̱kku̱ talaben! Unygtu niga ba̱a̱li̱ne̱t ci ta̱mu̱-kengo ngati acine ol cik diirik. Iróng atin niga bu̱k e̱le̱tti̱ne̱ cuggo̱k i̱zzo̱yu̱, icima anyikku ol ne̱k orong ki̱tto̱zo̱ ko̱.

Buk wa To̱ni̱a̱u̱ 20:33

Ngen anna katamatek ziik cik ataltali icima dhahab icima ru̱u̱ma̱ni̱ cik e̱e̱t imma.

Roma 1:9

A̱gga̱ Ta̱mu̱ta̱dde̱n ming kalawekku̱ng anna i̱ge̱t Ta̱mu̱ta̱dde̱n zinine cinanni do̱o̱k odohize, kuwahek ol kaviyak cik abunna obod ki Ngerinne.

Roma 16:18

Iróng ol ne̱k ogon niko ko̱ a̱li̱ngli̱nge̱k Manyitinna Ki̱ri̱sto̱, abarik a̱li̱ngli̱ng gi̱i̱ ci orong zi̱nze̱tti̱ cigge̱k. A̱lu̱t ol zo̱ze̱ ci a̱ru̱we̱ nege muluk lo̱o̱c kar ku̱lu̱te̱t ol wak iróng a̱gga̱ zoz.

Roma 9:1

Kozozi anna zoz ci een de̱de̱ zare cik Ye̱su̱ Ki̱ri̱sto̱, iróng ka̱du̱wa̱ zoz ci een volong, eci Vongizi ci A̱li̱le̱ i̱ye̱le̱ka̱ zoz wa een de̱de̱.

2 Ko̱ri̱nto̱ 12:17

Ku̱tu̱gu̱ anna zoz necu de̱de̱? I̱llo̱i̱! Iróng anna ba̱li̱ye̱ ki̱tto̱na̱kku̱ng ol balik ke̱ kar ki̱vi̱ta̱ kalabtaung o̱ro̱bi̱ya̱.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 4:2

Kodola zin anna abunna ka̱li̱ngli̱ng zi̱nze̱tti̱nne̱ cik voorik kaale do̱o̱k. Kar bo̱do̱k iróng kogonna gi̱i̱ imma ci gerze, kar kaanyyet ko̱to̱ngo̱o̱ltte̱ ol. Iróng naga korongnyya ku̱lu̱ttu̱ng ki genyizi ci anyakku ko̱, ki i̱yo̱ko̱ ming ogon ol uggak ko̱. Iróng korongnyya kutuhuyya zoz ci Ta̱mu̱ta̱dde̱no̱ ki ol uggak. Abarik kedemezza ol zoz ci een de̱de̱ obod ki Ye̱su̱ Ki̱ri̱sto̱. Ka̱gga̱yya̱ niko acinnet Ta̱mu̱ta̱dde̱n kaale ne̱k kogon zi̱nze̱tti̱nne̱ cik alali ko̱ do̱o̱k, i̱llo̱i̱ zin e̱e̱t imma ci wo̱ye̱ azi ne kedemezza naga ol zoz ci gerze.

2 Ko̱ri̱nto̱ 7:2

Abunna ming irezettu niga agit zi̱nze̱tti̱nne̱ cuggo̱k do̱o̱k, eci ngen naga ku̱tu̱gu̱zza̱ e̱e̱t imma gerzet. Ngen bo̱do̱k kalabta e̱e̱t imma gi̱i̱ cinne.

Ga̱la̱ti̱a̱ 1:20

Ki̱tto̱ni̱k Ta̱mu̱ta̱dde̱n, een zoz ci ka̱du̱wa̱kku̱ng ko̱ de̱de̱, iróng een volong.

1 Te̱se̱lo̱ni̱ka̱ 2:10

E̱e̱ggi̱nnu̱ niga ki Ta̱mu̱ta̱dde̱n bu̱k bbacak go̱o̱le̱ ci abunna ka̱li̱ngli̱ngnya̱ naga kaal ne̱ko̱, baling elemttau zoz ci Ye̱su̱ kabaito bu̱k ke̱, kabaka go̱o̱le̱ ci atali Ta̱mu̱ta̱dde̱n, i̱llo̱i̱ rok ba̱ci̱.

1 Ti̱mo̱te̱yo̱ 3:3

Gerza ming een e̱e̱t ci een bba̱kco̱i̱t, gerza ming avaraci gaganiko. Abunna abarik ming een e̱e̱t ci gununi. Kar zin iróng irez o̱ro̱bi̱ya̱.

1 Ti̱mo̱te̱yo̱ 3:8

Abunna zin bo̱do̱k ol wak een kuye Ce̱e̱ze̱ wa Ta̱mu̱ta̱dde̱no̱ ming e̱e̱ggi̱n ol cik abak baiz ci a̱zi̱ze̱. Gerza ming etted ebere, icima a̱bu̱re̱ merta. Gerza ming a̱bu̱re̱ o̱ro̱bi̱ya̱i̱.

Ti̱to̱ 1:7

Abunna ming abak baiz ci emede eci enne een tuwayoit ci Ta̱mu̱ta̱dde̱no̱. Gerza ming idica zinin, gerza ming een bba̱kco̱i̱t, gerza ming een e̱e̱t ci jo̱o̱re̱ttu̱, gerza ming anyak zinin ci a̱ppwe̱ o̱ro̱bi̱ya̱i̱.

1 Peturu 5:2

Ki i̱yo̱ko̱ tuwayoiti ko̱, u̱zu̱tte̱ ol cik Ta̱mu̱ta̱dde̱no̱ a̱a̱nyu̱ng enne ko̱, abunna ming azunnu nogo. U̱tu̱gu̱z li̱ngli̱ngo̱n necu zi̱nze̱tti̱nne̱ cik alali ki ming orong Ta̱mu̱ta̱dde̱n. U̱zu̱tte̱ nogo ci iróng een zoz ci orongnyu o̱ro̱bi̱ya̱, abarik aanycik kize li̱ngli̱ngo̱n ci a̱kku̱ zi̱nze̱tti̱nne̱ ciggo̱k.

2 Peturu 2:18

Odong nege e̱le̱tti̱ gaganiko, ozoz zoz ci ilabane ol wak amuje o̱o̱tti̱ orong kaal cik lo̱rye̱nta̱k.

2 Peturu 2:3

Anyak atin ol ne̱ke̱ zi̱nze̱tti̱ cik a̱ppi̱nte̱k kaale, ozoziku̱ng u̱tu̱ge̱tti̱ne̱ cik emede. Ettedik Ta̱mu̱ta̱dde̱n nogo lo̱ki̱ko̱ zo̱ze̱ necu, iróng zin enne adunge.

Ju̱da̱ 1:11

Ize nonga o̱lle̱ ngatinne̱ng, eci nege unuwet zoz ci Kaini, wa bali amuny gotoni ke̱. Ogon nege kaal cik gerzek ki i̱yo̱ko̱ bali e̱e̱ti̱ wa een zara Balaam ke̱, kar kurubtai nege o̱ro̱bi̱ya̱. Atubo bo̱do̱k nege ki e̱e̱t wa azi zar ne Korah bali aburnek Ta̱mu̱ta̱dde̱n nong ke̱, adita atin Ta̱mu̱ta̱dde̱n nogo ki baling a̱ru̱k Korah ke̱.