1 Te̱se̱lo̱ni̱ka̱ 2:3 - Tennet

³ Iróng gool bali kuwahekkung kar a̱gga̱c zoz ci Ta̱mu̱ta̱dde̱no̱ ke̱ een volong, icima ki ci ka̱lu̱ta̱nu̱ng kar kalabtaung gi̱i̱ imma ci uturi.

1 Te̱se̱lo̱ni̱ka̱ 2:3 ပူးပေါင်းရင်းမြစ်များ

Buk wa To̱ni̱a̱u̱ 13:15

Baling e̱de̱cca̱ nege ke̱bi̱ne̱t lo̱ti̱nno̱k cik Musesi ki a̱ri̱tto̱k, kar zin ol wak abal Ce̱e̱z wa Lawinto ko̱ ku̱du̱kta̱k nogo zoz ci azi ne, “Gotonogget, ming anyakku ti̱lo̱wi̱ne̱t ci i̱lo̱ttu̱ ol, i̱vi̱ta̱ ozozit labak.”

Buk wa To̱ni̱a̱u̱ 4:36

Imma da̱ e̱e̱ti̱ imma ci een Yosevo ci boor ci Le̱vi̱, a̱rri̱ta̱i̱ ngati aburuk maama een Cyprus. Akannek da̱ to̱ni̱a̱ha̱ nonno kize Barnabas, azi ungec ci zar ne̱ko̱ ne, ngerrti e̱e̱t wa i̱lo̱t ol.

2 Ko̱ri̱nto̱ 11:13

Iróng ol ne̱ke̱ e̱e̱ggi̱n to̱ni̱a̱k cik Ki̱ri̱sto̱ de̱de̱. Alaba nege ol azi ne ke̱e̱ggi̱nna̱ to̱ni̱a̱k cik Ye̱su̱.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 4:2

Kodola zin anna abunna ka̱li̱ngli̱ng zi̱nze̱tti̱nne̱ cik voorik kaale do̱o̱k. Kar bo̱do̱k iróng kogonna gi̱i̱ imma ci gerze, kar kaanyyet ko̱to̱ngo̱o̱ltte̱ ol. Iróng naga korongnyya ku̱lu̱ttu̱ng ki genyizi ci anyakku ko̱, ki i̱yo̱ko̱ ming ogon ol uggak ko̱. Iróng korongnyya kutuhuyya zoz ci Ta̱mu̱ta̱dde̱no̱ ki ol uggak. Abarik kedemezza ol zoz ci een de̱de̱ obod ki Ye̱su̱ Ki̱ri̱sto̱. Ka̱gga̱yya̱ niko acinnet Ta̱mu̱ta̱dde̱n kaale ne̱k kogon zi̱nze̱tti̱nne̱ cik alali ko̱ do̱o̱k, i̱llo̱i̱ zin e̱e̱t imma ci wo̱ye̱ azi ne kedemezza naga ol zoz ci gerze.

2 Ko̱ri̱nto̱ 4:5

Imma zin go̱o̱le̱ necu, ming kovvo naga kedemeza ol zoz ci obod ki e̱le̱tti̱ cigga̱k. Abarik, kedemezung zoz ci een Ye̱su̱ Ki̱ri̱sto̱, Manyi. Ke̱e̱ggi̱nna̱ du̱cca̱k cuggo̱k zo̱ze̱ cinne.

2 Ko̱ri̱nto̱ 6:8

Ma̱i̱je̱ go̱o̱le̱ ci a̱di̱ngdi̱nga̱ne̱tta̱ icima otoryyetta, a̱du̱wa̱ ol uggak kogonna naga zoz ci abunna kar uggak ku̱du̱kta̱ zoz ci gerze; kogon zoz ci abunna, ming nu̱nu̱n azi ol uggak ne ke̱e̱ggi̱nna̱ naga volongnyok.

2 Ko̱ri̱nto̱ 7:2

Abunna ming irezettu niga agit zi̱nze̱tti̱nne̱ cuggo̱k do̱o̱k, eci ngen naga ku̱tu̱gu̱zza̱ e̱e̱t imma gerzet. Ngen bo̱do̱k kalabta e̱e̱t imma gi̱i̱ cinne.

1 Te̱se̱lo̱ni̱ka̱ 2:11

A̱gga̱yyu̱ bo̱do̱k ming kuzutung naga i̱ge̱ta̱ kiwagon ming a̱gga̱m be̱e̱ti̱ ollu dooli ciginnek.

1 Te̱se̱lo̱ni̱ka̱ 4:7

Eci Ta̱mu̱ta̱dde̱n adimannet ba̱li̱ye̱ iróng orongnyet ku̱tu̱lle̱, abarik orongnyet kabait baiz ci caale paz.

2 Te̱se̱lo̱ni̱ka̱ 2:11

Eci zin zo̱ze̱ necu utungek Ta̱mu̱ta̱dde̱n nogo do̱ kar atin nege ku̱tu̱we̱t zoz ci volongo

2 Peturu 1:16

Baling ku̱du̱wa̱u̱ng zoz ci doiz ki we̱t ci okko Manyitinna Ye̱su̱ Ki̱ri̱sto̱ obodane ko̱, iróng ka̱du̱wa̱kku̱ng nga̱ri̱de̱t cik genyizak akana e̱e̱ti̱ imma. Abarik naga kicinnta eberene cigga̱k doiz cinne a̱ddi̱ki̱re̱ de̱de̱.