1 Te̱se̱lo̱ni̱ka̱ 2:2 - Tennet

² A̱gga̱yyu̱ ri̱t bo̱do̱k niga niko baling ngen ki̱vi̱ta̱u̱ng Te̱se̱lo̱ni̱ka̱, i̱gi̱dde̱t ol o̱rge̱ ci een Vilipi kar bo̱do̱k kodomtetta. Baling aburnnet ol ne̱ke̱ nu̱nu̱n, aanyyet Ta̱mu̱ta̱dde̱n zi̱nze̱tti̱ cik okkomi kar kuwakteya nogo kaviyak cik abunna a̱vvu̱ ngatinne.

1 Te̱se̱lo̱ni̱ka̱ 2:2 ပူးပေါင်းရင်းမြစ်များ

Buk wa To̱ni̱a̱u̱ 14:3

A̱vvu̱to̱ Pa̱u̱lo̱ ki Barnabas nginati i̱i̱nya̱ cik meelek, uwahek nege ol zoz ci Manyi Ye̱su̱, aanyik enne nogo ku̱tu̱gu̱zzo̱ kaal cik a̱vu̱la̱ meelek giir, i̱ye̱la̱ necu een kaviyaha ciginnek de̱de̱.

Buk wa To̱ni̱a̱u̱ 14:5

Ozoza ol wak e̱e̱ggi̱n i̱do̱ngi̱ ki Ya̱u̱d, ki lo̱ddi̱ki̱re̱ cigge̱k nga̱to̱de̱ zoz ci adawe nege Pa̱u̱lo̱ ki Barnabas, orong kar kovoccit nogo biyene.

Buk wa To̱ni̱a̱u̱ 16:12

Imma nginati ko̱o̱tta̱ o̱rge̱ ci een zara Philippi, ngin bali aavtte ol cik een Roma orog ci a̱ddi̱ki̱re̱ aave lo̱o̱ce̱ ci Macedonia. Ka̱vvu̱ta̱ nginati i̱i̱nya̱ u̱gge̱.

Buk wa To̱ni̱a̱u̱ 16:19

Baling iróng ma̱ci̱gi̱ du̱ca̱i̱t ci nga̱a̱ye̱ ko̱ ngen aruba o̱ro̱bi̱ya̱, a̱gga̱mi̱t Pa̱u̱lo̱ ki Silas kar ko̱o̱tte̱ ngati lo̱ddi̱ki̱re̱ baala.

Buk wa To̱ni̱a̱u̱ 16:37

Ma̱i̱je̱ Pa̱u̱lo̱ izek nonno ne: “I̱bi̱cce̱t ol agita zu̱wa̱ ci ngen kettedit lo̱ki̱ko̱ cinna, ming nu̱nu̱n ke̱e̱ggi̱nna̱ naga olli Romi, kar ku̱ju̱kte̱t lagam. Orong i̱yo̱ko̱ nege koogtaita agit lo̱mu̱k? Iróng een niko! Anyik nogo e̱le̱tti̱ne̱ ki̱vi̱ta̱ ki̱nya̱ma̱nte̱ta̱.”

Buk wa To̱ni̱a̱u̱ 17:1

Eronit zin Pa̱u̱lo̱ ki Silas, iyok o̱rge̱ ci een Amphipolis ki Apollonia ku̱lu̱ce̱ koot o̱rge̱ ci een Te̱se̱lo̱ni̱ka̱ nginti anyak Ce̱e̱z wa Lawinto Ya̱u̱do̱.

Buk wa To̱ni̱a̱u̱ 17:17

Uk Ce̱e̱ze̱ wa Lawinto, ozozo ki olli Ya̱u̱do̱ ki ol cik iróng e̱e̱ggi̱n Ya̱u̱d cik o̱ngo̱o̱le̱ Ta̱mu̱ta̱dde̱n, ki ngin wa utene ol kaal, ozoz enne odohize ki ol wak aavtte nginati.

Buk wa To̱ni̱a̱u̱ 19:8

I̱tto̱ Pa̱u̱lo̱ Ce̱e̱z wa Lawinto kar kuwahek ol zoz ci Ta̱mu̱ta̱dde̱no̱ kokkom oo kak nyelowi i̱i̱yo̱, a̱du̱wa̱k ol zoz ci obod ki ba̱a̱li̱ne̱t ci Ta̱mu̱ta̱dde̱no̱.

Buk wa To̱ni̱a̱u̱ 4:13

Ma baling icinnet nege Peturu ki Jon ming ngen keteherto, ol cik labak, a̱gga̱c zin nege ming a̱vvu̱to̱ ol ne̱ko̱ ba̱li̱ye̱ ki Ye̱su̱.

Buk wa To̱ni̱a̱u̱ 4:20

Iróng wo̱ye̱ naga kaavtiya li̱i̱m zo̱ze̱ bali kicinnta kar kizikta naga ko̱.”

Buk wa To̱ni̱a̱u̱ 4:31

Baling alayo nege, otomowe ce̱e̱z bali arumene nege ke̱. Kar Vongizi ci A̱li̱le̱ ki̱ta̱k nogo do̱o̱k kar zin nege kozozit zoz ci Ta̱mu̱ta̱dde̱n mazeta.

Buk wa To̱ni̱a̱u̱ 5:41

Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.

Roma 1:1

Annita Pa̱u̱lo̱ wa ke̱e̱ni̱ du̱ca̱i̱t ci Ye̱su̱ Ki̱ri̱sto̱ ci keheri waraga cu, atahala Ta̱mu̱ta̱dde̱n annit kize to̱ni̱a̱t kar kuwahek ol kaviyak cik abunna.

2 Ko̱ri̱nto̱ 3:12

Ki i̱yo̱ko̱ karike naga zi̱nze̱tti̱ zoz ci kedemez ko̱, iróng naga ko̱ngo̱o̱li̱na̱ gi̱i̱ imma.

Kolosiya 2:1

Korongi anna abunna ming a̱gga̱yyu̱ ka̱li̱ngli̱ngi̱ anna kipira zo̱ze̱ cunno̱ng ki ol wak a̱tu̱we̱ abak lo̱o̱ce̱ ci een Laodicea, ki ol cik ngen anna kicin bu̱k.

1 Te̱se̱lo̱ni̱ka̱ 1:5

Ma̱rri̱t baling kanyaktaung kaviyak cik abunna Ta̱mu̱ta̱dde̱no̱ obod ki zoz ci Ye̱su̱ wa atahalai. Iróng ba̱li̱ye̱ een kaviyak cik ku̱du̱kta̱ zar ulla ci a̱a̱nyu̱ng elemtta zoz ci Ye̱su̱, een abarik komize ci Ta̱mu̱ta̱dde̱no̱ ki Vongiz ci A̱li̱le̱ ci bali a̱li̱ngli̱ng orgene cinna. A̱gga̱yyu̱ ri̱t bo̱do̱k niga bu̱k niko baiz cinna̱ng baling kabak ki i̱ge̱t ke̱.

2 Ti̱mo̱te̱yo̱ 1:12

I̱yo̱ko̱ a̱gi̱dda̱ ol zo̱ze̱ necu, iróng kanyai a̱li̱ya̱n, ma̱rri̱t ming ka̱tu̱ Ye̱su̱ wa atahalai. Ka̱gga̱ niko ming kazunne li̱ngli̱ngo̱n cinne bali aanya ke̱ zee ki̱ki̱ya̱ i̱i̱te̱ni̱ ci atin okko enne obodane.

Ju̱da̱ 1:3

Gotonogga ki ngonogga wak zinino, korongi anna de̱de̱ ketehereung zoz ci obod ki ti̱ri̱ze̱ne̱t ci Ta̱mu̱ta̱dde̱no̱ kozol naga ko̱, abarik korongi ketehereung kilalekkung abunna ming keleno ki tu̱we̱ne̱t ci a̱kku̱ lak co̱de̱ ko̱, aanyik Manyi ol wak a̱tu̱we̱ ko̱.