1 Te̱se̱lo̱ni̱ka̱ 2:15 - Tennet

¹⁵ U̱ru̱we̱t zin ba̱li̱ye̱ Ya̱u̱di̱ uggak a̱ri̱tto̱k wak zoz ci Ta̱mu̱ta̱dde̱no̱, kar kurumttek ki Manyi Ye̱su̱ vu̱rrta̱. I̱yo̱ko̱ amartoitta kar zin kottoktetta. Kar kanycik kutuburret nong kar bo̱do̱k kamartoi ol do̱o̱k,

1 Te̱se̱lo̱ni̱ka̱ 2:15 ပူးပေါင်းရင်းမြစ်များ

Ma̱te̱yo̱ 23:37

Ilal Ye̱su̱ azi ne, “Olli Jerusalemi, olli Jerusalemi, ol cik u̱ru̱we̱t a̱ri̱tto̱k cik zoz ci Ta̱mu̱ta̱dde̱no̱ kar bo̱do̱k kovoccit du̱cca̱k biyene! Korongi gon ba̱li̱ye̱ kulut dooli ciggo̱k nga̱to̱de̱ kiwagon tuulici ming aluttek jooro ciginnek ṯaba, abarik iróng niga elemnyyu.

Ma̱te̱yo̱ 27:25

Egerenyit zu̱we̱ do̱o̱k, izeto ne, “Anyik bi̱ye̱ ciginnek kadaktet ki dooli cigga̱k!”

Ma̱te̱yo̱ 5:12

Ataltto, eci atin Ta̱mu̱ta̱dde̱n amuccu̱ng i̱ge̱t ta̱mu̱-kenga, ogon ki bali ming a̱gi̱d ol a̱ri̱tto̱k balik a̱vvu̱ o̱o̱we̱ cunno̱ng ke̱.

Lu̱ka̱ 24:20

A̱gga̱mi̱t zin alaata cik olli wawaco ko̱ nonno kar kaanycik kuk ku̱ru̱we̱ ka̱da̱k, kar kotodoyyek nonno keet ci een ta̱la̱ke̱c;

Buk wa To̱ni̱a̱u̱ 12:3

Baling okko enne acin atalne olli Ya̱u̱do̱, odola zin orong ka̱gga̱m Peturu bu̱k. A̱gga̱m zin nonno i̱i̱te̱ne̱ wa adahe olli Ya̱u̱do̱ kwo̱o̱r wa Umunet wak iróng Amukcari.

Buk wa To̱ni̱a̱u̱ 2:23

Anyonikkung e̱e̱ti̱ cu i̱ge̱ta̱, a̱kku̱ ngati Ta̱mu̱ta̱dde̱no̱ zo̱ze̱ ci odola enne, kar niga ki olli mu̱nye̱nu̱ adaya nonno, kar zin niga u̱ru̱we̱t nonno ka̱da̱k ngati ododikku nonno keet ci een ta̱la̱ke̱c.

Buk wa To̱ni̱a̱u̱ 3:15

U̱ru̱kttu̱ abarik e̱e̱t wa aanyik ol ruget ka̱da̱k, ma̱i̱je̱ Ta̱mu̱ta̱dde̱n itingawe nonno daiza, ke̱e̱ggi̱nna̱ zin bbacak bu̱k zo̱ze̱ necu.

Buk wa To̱ni̱a̱u̱ 4:10

A̱gga̱yyu̱ niga ki olli Israilo do̱o̱k zoz cu: Abile e̱e̱ti̱ cu ngatu kubunna ko̱ zo̱ze̱ ci zar cik Ye̱su̱ Ki̱ri̱sto̱ wa Nazereti, wa bali ododikku niga ta̱la̱ke̱c ka̱da̱k, ma̱i̱je̱ Ta̱mu̱ta̱dde̱n itingai nonno daiza.

Buk wa To̱ni̱a̱u̱ 5:30

Itingawe Ta̱mu̱ta̱dde̱n wa ji̱ji̱ti̱gga̱c Ye̱su̱ daiza, bali a̱ru̱kku̱ niga nonno ka̱da̱k keete ci een ta̱la̱ke̱c.

Buk wa To̱ni̱a̱u̱ 7:52

Anyak de̱de̱ da̱ a̱ri̱to̱i̱t ci ngen ji̱ji̱tu̱ggo̱k ki̱gi̱de̱t? U̱ru̱we̱t abarik nege a̱ri̱tto̱k wak a̱du̱wa̱ zoz ci a̱kku̱nne̱ E̱e̱ti̱ wa Abunna O̱de̱ ṯok. I̱yo̱ko̱ zin adayau niga nonno kar bo̱do̱k u̱ru̱we̱t nonno ka̱da̱k,

1 Ko̱ri̱nto̱ 10:5

Abarik zin kaale ne̱ko̱ do̱o̱k, iróng zin Ta̱mu̱ta̱dde̱n atalne ngati ol cik meelek ngatinne̱ng; imma zin zo̱ze̱ necu, a̱da̱i̱to̱ zin wazin neci ol cik meelek kazantozik e̱le̱tti̱ cigge̱k balal.

2 Ko̱ri̱nto̱ 11:26

Ming keeroni gon kokko o̱ro̱gjo̱we̱, kabaza gon anna ele cinanni. Kamuda pirnanet ngati kettede nyatapar ci a̱ddi̱ki̱re̱, karumona gon ki ogoryak wak aam ol kaal. I̱i̱te̱n imma karumona ki ol wagannik e̱le̱tti̱ cik aanya pirnanet. I̱i̱te̱n imma olli Ya̱u̱do̱ e̱le̱tti̱ cik orong a̱ru̱ka̱ annita icima i̱do̱ngi̱ cik iróng een Ya̱u̱d. Kabaza ele o̱ro̱gjo̱we̱, ki balala, ki liila, ki bo̱do̱k ngati ol wak alaba ol azi ne ke̱e̱ggi̱nna̱ olli Ta̱mu̱ta̱dde̱no̱.