1 Te̱se̱lo̱ni̱ka̱ 1:8 - Tennet

⁸ Eci a̱tu̱we̱nu̱ niga zo̱ze̱ ci Manyi Ye̱su̱, iróng zin zoz neci atakuza lo̱o̱c ci Macedonia ki ci Achaia do̱, abarik edera lo̱o̱c do̱o̱k zo̱ze̱ ci a̱tu̱yyu̱ niga zoz ci Ta̱mu̱ta̱dde̱no̱, ki̱zzi̱ rok zoz imma ci ka̱du̱wa̱kka̱ nogo.

1 Te̱se̱lo̱ni̱ka̱ 1:8 ပူးပေါင်းရင်းမြစ်များ

Lu̱ge̱z 18:9

Atalo zin Jethro kaale cik abunna u̱tu̱gu̱we̱k Manyi olli Israilo ngati angarane nogo azzine cik olli Masiro.

Buk wa To̱ni̱a̱u̱ 18:12

Baling ize Gallio ddi̱ki̱ryo̱i̱t ci gaala ci lo̱o̱c ci een zara Achaia, urumte olli Ya̱u̱do̱ nga̱to̱de̱ kar ka̱gga̱mi̱t Pa̱u̱lo̱ kar kanyaktak lo̱ki̱ko̱.

Roma 1:8

Arrak oowa, kanyike anna Ta̱mu̱ta̱dde̱n zany zare cik Ye̱su̱ Ki̱ri̱sto̱ zo̱ze̱ cunno̱ng ol wak a̱tu̱we̱ Roma; eci ol do̱o̱k lo̱o̱co̱we̱ ozoz tu̱we̱ne̱t cunno̱ng.

Roma 15:26

Oowa ol cik a̱tu̱we̱ lo̱o̱co̱we̱ cik Macedonia ki Achaia kaal cik i̱tto̱ni̱k ol wak a̱tu̱we̱ amati Jerusalema.

Roma 16:19

Iziyyet ol wak a̱tu̱we̱ do̱o̱k zoz ci azunnu niga zoz ci Ta̱mu̱ta̱dde̱no̱, katalne zin anna oroot ngatinno̱ng zo̱ze̱ necu; abarik korongnyung abunna ming egenyyu zo̱ze̱ ci een de̱de̱, abunna bo̱do̱k ming edewannu e̱le̱tti̱ zo̱ze̱ ci gerze.

1 Ko̱ri̱nto̱ 14:36

Iróng zoz ci Ta̱mu̱ta̱dde̱no̱ akane ngatinno̱ng, amire ki i̱ge̱t do̱ cik uzucaung zoz ci Ta̱mu̱ta̱dde̱no̱.

2 Ko̱ri̱nto̱ 2:14

Ming ngen ku̱du̱wa̱ zoz imma bo̱do̱k, korongi ku̱du̱wa̱u̱ng, katalne ngati Ta̱mu̱ta̱dde̱no̱ kanyike zany zo̱ze̱ ci ogon enne ko̱. Anyike ol wak a̱li̱ngli̱ng ki nonno komiz ci ommoge lo̱rye̱ni̱t, eci naga karume ki Ki̱ri̱sto̱. Kar kaanyyet ke̱de̱me̱zi̱t ol zoz cinne wa ongooli laala.

2 Ko̱ri̱nto̱ 3:4

Ka̱du̱wa̱kku̱ng zoz ci een de̱de̱ karike anna zinin, eci naga karikka zi̱nze̱tti̱ Ta̱mu̱ta̱dde̱n ngati Ki̱ri̱sto̱.

Kolosiya 3:16

Aanycik zoz ci Ki̱ri̱sto̱ kabak zi̱nze̱tti̱nne̱ cuggo̱k oroot ming i̱lo̱ttu̱ niga e̱le̱tti̱ do̱o̱k genyiza, ki be̱ni̱ne̱t be̱ni̱nno̱k cik a̱di̱ngdi̱nga̱nnu̱ Ta̱mu̱ta̱dde̱n, anyikku nonno zany be̱ni̱no̱we̱ zi̱nze̱tti̱nne̱ cuggo̱k do̱o̱k.

2 Te̱se̱lo̱ni̱ka̱ 1:4

Eci gon kinnatung ol wak a̱tu̱we̱ ce̱e̱zi̱nne̱ cik alawe ol Ta̱mu̱ta̱dde̱n lo̱o̱co̱we̱ do̱o̱k. Ka̱du̱wa̱kka̱ nogo zoz ci animnyu no̱ngi̱tto̱n zo̱ze̱ ci akannung ol go̱o̱le̱ ci obod ki zoz ci Ta̱mu̱ta̱dde̱no̱, ki bo̱do̱k tu̱we̱ne̱t ci a̱tu̱yyu̱ Ta̱mu̱ta̱dde̱n ming nu̱nu̱n a̱gi̱ddu̱ng ol.

2 Te̱se̱lo̱ni̱ka̱ 3:1

Gotonogga wak tu̱we̱nto̱, korongnyung alayettu Ta̱mu̱ta̱dde̱n kar kanyik zoz wa Manyi kuzuca ol u̱gge̱ ataman, ki baling azucanung kar o̱to̱ngo̱o̱ltte̱ zoz cinne ke̱.

1 Ti̱mo̱te̱yo̱ 2:8

Korongi ol do̱o̱k wak a̱tu̱we̱ kabanycek azzin cik a̱li̱le̱ Ta̱mu̱ta̱dde̱n ngati alawine, ci iróng nege abure nong icima adango.

2 Ti̱mo̱te̱yo̱ 2:9

Kapirna zo̱ze̱ ci kuwaheke ol kaviyak cik abunna ko̱. Kecebje lagama kiwagon mu̱ju̱li̱, iróng zin zoz ci Ta̱mu̱ta̱dde̱no̱ bu̱k e̱ce̱bje̱.

3 Jon 1:12

Ozoz ol do̱o̱k zoz ci abunna obod ki e̱e̱t ci een zara Demetrius, i̱ye̱la̱ zoz ci een de̱de̱ bu̱k bunnat cinne. Kozozi zin anna bu̱k zoz ci abunna zo̱ze̱ cinne, a̱gga̱yyu̱ niga zoz ci kozozi anna ko̱ een de̱de̱.

O̱no̱zzo̱k 14:6

Kicina zin anna anjilo imma. A̱ku̱l anjilo neci ta̱mu̱-kenga. Anyak kaviyak cik abunna abak udut kar kuwahek ol wak lo̱o̱tu̱ ki ol wak aavtte u̱tu̱ge̱tti̱ do̱ do̱ ki booryyok ki ol do̱o̱k lo̱o̱co̱we̱.

O̱no̱zzo̱k 22:17

Ize Vongizi ci Ta̱mu̱ta̱dde̱no̱ ki nyatiran ci Nyoono ne, “I̱jja̱!” Anyik e̱e̱t ci aziye kize ne “I̱jja̱.” Ming anyak e̱e̱t ci a̱ru̱k koor, anyik nonno ki̱ki̱ya̱; kar ming orong e̱e̱ti̱ imma maam, anyik nonno kidima muci ci maam cik rugeto ollin.