1 Te̱se̱lo̱ni̱ka̱ 1:6 - Tennet

⁶ I̱ye̱zte̱ttu̱ ba̱li̱ye̱ baize cinna̱ng ki baiz ci Manyi Ye̱su̱ bu̱k. Ming apirnannu tu̱we̱nta̱ zo̱ze̱ ci Ye̱su̱ niko, elemttau labak, ma̱i̱je̱ Vongizi ci A̱li̱le̱ a̱a̱nyu̱ng talninet zo̱ze̱ cinne ngati animnyu no̱ngi̱tto̱n.

1 Te̱se̱lo̱ni̱ka̱ 1:6 ပူးပေါင်းရင်းမြစ်များ

Ma̱te̱yo̱ 16:24

Iizek zin Ye̱su̱ nuyak ne, “Ming orong e̱e̱ti̱ kize to̱ni̱a̱t cinanni, anyik kutungek kaal cik lo̱o̱tu̱ irez enne ko̱, do̱o̱k, kar zin kodong ta̱la̱ke̱c cinne piryanzeto kar zin kunuwan.

Kaviyak wak Abunna Ta̱mu̱ta̱dde̱no̱ eher Joni 8:12

Ozozik bo̱do̱k Ye̱su̱ nogo, a̱nne̱k ne, “Ke̱e̱ni̱ anna tukulec ci lo̱o̱tu̱. Imma ming annuya e̱e̱ti̱ iróng atin owo ngati mu̱hu̱ri̱, abarik atin enne anyak tukulec ci rugeto.”

Buk wa To̱ni̱a̱u̱ 13:52

Anyait zin nuyaha talninet ki Vongiz ci A̱li̱le̱.

Buk wa To̱ni̱a̱u̱ 5:41

Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.

Buk wa To̱ni̱a̱u̱ 9:31

A̱vvu̱to̱ ol wak a̱tu̱we̱ labak lo̱o̱ce̱ ci Ju̱de̱ya̱, Ga̱li̱li̱, ki Samariya. Okkom ke̱le̱ci̱a̱ ne kak, aanyik Vongizi ci A̱li̱le̱ nogo komiz, otorte zin nege izeto meele kar zin nege kabaito ngati o̱ngo̱o̱li̱nne̱ Manyi.

Roma 15:13

Anyik bai Ta̱mu̱ta̱dde̱n wa karike naga zi̱nze̱tti̱ ko̱ ka̱a̱nyu̱ng talninet ki gano gi̱i̱ye̱ ci a̱tu̱yyu̱ niga nonno ko̱, kar zin niga aartik zi̱nze̱tti̱ cuggo̱k nonno komize ci Vongiz ci A̱li̱le̱.

1 Ko̱ri̱nto̱ 11:1

Abunna ming anuyang annit kaale wak gon kogonni anna ko̱, ki i̱yo̱ko̱ ming kanu anna kaal cik ogon Ki̱ri̱sto̱ ko̱.

1 Ko̱ri̱nto̱ 11:2

Katalne anna ngatinno̱ng oroot, go̱o̱le̱ ci aadanang niga annit ko̱, kar bo̱do̱k u̱zu̱tte̱ de̱mzi̱ne̱t bali kedemezung anna i̱ge̱t ke̱ do̱o̱k.

1 Ko̱ri̱nto̱ 4:16

I̱yo̱ko̱ zin, kilalekkung anna, i̱ye̱zta̱ng annita baize cunno̱ng.

2 Ko̱ri̱nto̱ 6:10

Ming kapirna naga nu̱nu̱n, kaavtte naga talninta. Ming kamati niko, izeto ol bo̱to̱ro̱ ngati kuwaheka kaviyak cik Ye̱su̱. Ming nu̱nu̱n, iróng kanyak kaal, e̱e̱ggi̱n kaala ne̱ko̱ do̱o̱k cigga̱c.

2 Ko̱ri̱nto̱ 8:5

Iróng zin nege ogon ki bali ki̱no̱n naga ke̱, abarik aanyik e̱le̱tti̱ cigge̱k arrak Manyi kar bo̱do̱k agit ngati azunne nege zoz ci Ta̱mu̱ta̱dde̱no̱.

Ga̱la̱ti̱a̱ 5:22

Ma̱i̱je̱ baizi Vongiza, een rezinet, ki talninet, ki baiz yahe, ki niimenet no̱ngi̱tto̱n, ki i̱rrke̱ne̱t, ki bunnat, ki tu̱we̱ne̱t Ta̱mu̱ta̱dde̱n,

Evesos 5:1

I̱yo̱ko̱ zin zo̱ze̱ ci e̱e̱ggi̱nnu̱ niga dooli cik Ta̱mu̱ta̱dde̱no̱ irezung enne ko̱, abunna zin ming i̱ye̱zu̱ nonno kaale cik abunna ogon enne.

Vilipia 3:17

Gonogga tu̱we̱nta̱ do̱o̱k, abunna ming annuyu zoz cinanni, kar edemezta zoz ngati ol wak annu baiz ci karikka naga kize cunno̱ng ko̱.

2 Te̱se̱lo̱ni̱ka̱ 1:4

Eci gon kinnatung ol wak a̱tu̱we̱ ce̱e̱zi̱nne̱ cik alawe ol Ta̱mu̱ta̱dde̱n lo̱o̱co̱we̱ do̱o̱k. Ka̱du̱wa̱kka̱ nogo zoz ci animnyu no̱ngi̱tto̱n zo̱ze̱ ci akannung ol go̱o̱le̱ ci obod ki zoz ci Ta̱mu̱ta̱dde̱no̱, ki bo̱do̱k tu̱we̱ne̱t ci a̱tu̱yyu̱ Ta̱mu̱ta̱dde̱n ming nu̱nu̱n a̱gi̱ddu̱ng ol.

2 Te̱se̱lo̱ni̱ka̱ 3:7

Abunna ming a̱li̱ngli̱ngnyu̱ ki bali gon naga ke̱. Iróng ba̱li̱ye̱ naga ke̱e̱ggi̱nna̱ gu̱u̱rwa̱, baling kaavtte bu̱k ke̱.

2 Te̱se̱lo̱ni̱ka̱ 3:9

Kaburnna wo̱ye̱ da̱ naga li̱ngli̱ngo̱n kar ka̱vvu̱tta̱ gaganiko, korongnyya zin ba̱li̱ye̱ ki̱ye̱ltte̱u̱ng baiz ci abahe ol wak a̱tu̱we̱. U̱tu̱gu̱z ki naga ko̱.

2 Ti̱mo̱te̱yo̱ 4:2

Uwahek ol zoz ci Ta̱mu̱ta̱dde̱no̱; abunna ming uwahek ol zoz ci Ta̱mu̱ta̱dde̱no̱ odohize, kar tu̱gu̱ra̱ o̱o̱tti̱ cik ollu, ti̱lo̱ ol ngati ogone kaal cik gerzek, kar gon zozek ol, demez nogo zinine ci voori.

I̱bu̱ru̱ 10:34

Ippirttau niga ki ol wak e̱ce̱bje̱ lagama, kar bo̱do̱k kaamttaung i̱jjo̱ cuggo̱k, abunna ming anyakku zi̱nze̱tti̱nne̱ cik alali. A̱gga̱yyu̱ niga a̱a̱nyu̱ng atin Ta̱mu̱ta̱dde̱n i̱jjo̱ cik abunna aavtte udut.

1 Peturu 1:6

Imma zin zo̱ze̱ necu, atalninnu niga oroot, kar zin i̱yo̱ko̱ ovvo niga apirnannu do̱yo̱i̱t kaale do̱o̱k cik atimannung ol.

1 Peturu 1:8

Ming ngen niga icinnet nonno nu̱nu̱n, irezzu niga nonno; ming iróng niga nu̱nu̱n acinnu nonno i̱yo̱ko̱, a̱tu̱yyu̱ niga nonno kar ngatu anyakku talninet ci a̱ppwe̱ ngatinne,

1 Peturu 3:13

Ngene ci ogonekku̱ng gi̱i̱ ci gerze ming orongnyu oroot u̱tu̱gu̱z zoz ci abunna?

3 Jon 1:11

Goona wa zinino, ma uhu zoz ci mu̱nye̱nu̱ kize zoz ci abunna. Imma e̱e̱ti̱ ci ogon zoz ci abunna een enne e̱e̱t ci Ta̱mu̱ta̱dde̱no̱, imma e̱e̱ti̱ ci ogon mu̱nye̱n iróng enne a̱gga̱ Ta̱mu̱ta̱dde̱n.