1 Te̱se̱lo̱ni̱ka̱ 1:4 - Tennet

⁴ Gotonogga ki ngonogga tu̱we̱nta̱, ka̱gga̱yya̱ niko ming irezzung Ta̱mu̱ta̱dde̱n, kar katahalaung izet ol ciginnek.

1 Te̱se̱lo̱ni̱ka̱ 1:4 ပူးပေါင်းရင်းမြစ်များ

Roma 1:7

Keherik anna waraga cu ol cik a̱li̱le̱ irez Ta̱mu̱ta̱dde̱n abak lo̱o̱ce̱ ci Romi, kar bo̱do̱k Ta̱mu̱ta̱dde̱n katahala nogo kizeto ol ciginnek. Anyik Ta̱mu̱ta̱dde̱n Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng i̱ge̱t do̱o̱k gano ki deten.

Roma 9:25

Azi Manyi buwe ci a̱ri̱to̱i̱t ci zoz cinne, een zara Hoseyya ne, “Kawu atin anna nogo kizeto ‘ol cigannik’ ming iróng nege e̱e̱ggi̱n ol cigannik nu̱nu̱n, kawu atin anna nonno ‘e̱e̱t co̱de̱ ci kirezi’ ming iróng enne een e̱e̱t co̱de̱ ci kirezi anna,”

Evesos 1:4

Atahalait enne agit la̱du̱n baling ngen looci keteehenyai, kar kizet ol cik a̱li̱le̱ ki̱zze̱c mu̱nye̱na̱ ngu̱me̱ cinne kar naga kabait rezinta.

Kolosiya 3:12

I̱yo̱ko̱ zin, ki ming atahalaung Ta̱mu̱ta̱dde̱n kar izet ol ciginnek a̱li̱le̱ ko̱, irezung zin enne i̱ge̱ta̱. Abunna zin ming amanikku ol, anyait bunnat, izet ol cik gununik, kar inimet no̱ngi̱tto̱n.

1 Te̱se̱lo̱ni̱ka̱ 1:3

Ka̱a̱da̱nnu̱ng gon lawinte ci kalayya Ta̱mu̱ta̱dde̱n Be̱e̱ti̱nna̱ zo̱ze̱ ci li̱ngli̱ngo̱n wa ogonnu niga ko̱ ngati a̱tu̱yyu̱ nonno, kar inimet no̱ngi̱tto̱n ngati arikku zi̱nze̱tti̱ Manyitinna Ye̱su̱ Ki̱ri̱sto̱.

2 Te̱se̱lo̱ni̱ka̱ 2:13

Gotonogga ki ngonogga wak irezzu Manyi, kanyikka Ta̱mu̱ta̱dde̱n zany odohize eci enne atahalaung i̱ge̱t abunna ming amudannu ti̱ri̱ze̱ne̱t kar izet ol cik a̱li̱le̱ go̱o̱le̱ ci Vongiz ci A̱li̱le̱ ki tu̱we̱ne̱t zo̱ze̱ ci een de̱de̱.

1 Peturu 1:2

E̱e̱ggi̱n ne̱ko̱ ol balik atahaltai ngati odola Ta̱mu̱ta̱dde̱n Be̱e̱ti̱nna̱, ahalai li̱ngli̱ngo̱ne̱ ci Vongiz ci A̱li̱le̱, ngati o̱ngo̱o̱li̱nne̱ nege Ye̱su̱ Ki̱ri̱sto̱ ki bi̱ye̱ balik azaconik ol ke̱. Anyik deten ki gano ka̱vvu̱ ngatinno̱ng oroot.

2 Peturu 1:10

I̱yo̱ko̱ zin gotonogga ki ngonogga tu̱we̱nta̱, abunna ming a̱li̱ngli̱ngnyu̱ oroot kar a̱gga̱c ilem Ta̱mu̱ta̱dde̱n zo̱ze̱ ci awuyyung ki ci ahalanung. Eci ming ogonnu niga kaal ne̱ko̱, iróng atin a̱yu̱we̱nu̱.