1 Te̱se̱lo̱ni̱ka̱ 1:10 - Tennet

¹⁰ ngati e̱re̱yyu̱ Ye̱su̱ Ngerinne, wa atin obodak lo̱o̱c ta̱mu̱-kenga, bali ingane enne daiza. Eelannet atin agit do̱o̱k kar kilittet mozinet ci Ta̱mu̱ta̱dde̱no̱ ci atin okko enne edeze ol cik abure iróng a̱tu̱ zoz ci Ye̱su̱.

1 Te̱se̱lo̱ni̱ka̱ 1:10 ပူးပေါင်းရင်းမြစ်များ

Kananet 49:18

Korongi anna ti̱ri̱ze̱ne̱t cunne, Manyi Ta̱mu̱ta̱dde̱n.

Ma̱te̱yo̱ 1:21

Imma atin vu̱rrta̱, ming i̱ti̱rya̱i̱, a̱ka̱tte̱k do̱le̱c zar cik azi ne Ye̱su̱, eci okko atin enne eela ol ciginnek mu̱nye̱ne̱.”

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 16:28

Ka̱du̱wa̱kku̱ng zoz ci een de̱de̱, anyak ol u̱gge̱ cik kabile bu̱k ngatu ki i̱ge̱ta̱, iróng atin nege a̱da̱i̱ ming ngen kicinnet Ngerrti E̱e̱to̱ ming a̱kku̱ alaanzete cinne.”

Ma̱te̱yo̱ 3:7

I̱vi̱tta̱k ol cik een Varacis ki Saddocis cik meelek nonno kar ka̱gga̱mto̱zi̱k ba̱ti̱ti̱mo̱ nogo bu̱k. Abarik zin Joni a̱nne̱k nogo ne, “Niga cik ogonnu ki uwanya ko̱! Nya ci a̱a̱nyu̱ng utuhuyek Ta̱mu̱ta̱dde̱n bo̱i̱ci̱ kar i̱vi̱re̱t lo̱ki̱ko̱ cinne ko̱?

Lu̱ka̱ 2:25

Anyak ba̱li̱ye̱ e̱e̱t imma Jerusalema ci een zara Si̱mo̱ne̱, e̱e̱t ci abunna kar karik zinin zoz ci Ta̱mu̱ta̱dde̱no̱. Ere da̱ enne Ti̱ri̱zo̱i̱t ci olli Israilo, aave zin da̱ Vongizi ci A̱li̱le̱ ngatinne.

Lu̱ka̱ 3:7

A̱nne̱k Joni zu̱we̱ ne, iyokta i̱vi̱ta̱ a̱gga̱mi̱t ba̱ti̱ti̱mo̱ cinne, “Niga dooli cik uwanyau! Ngene ci a̱du̱wa̱kku̱ng kar i̱vi̱re̱t de̱zi̱ne̱t ci atin a̱kku̱ ke̱?

Buk wa To̱ni̱a̱u̱ 1:11

Azi nege ne, “Ol cik Ga̱li̱li̱, abillu ette ngatu angamniku ta̱mu̱-keng nya? Ye̱su̱ cu ele, ci odonge ngatinno̱ng uk ta̱mu̱-kenga ko̱, okko atin oboda go̱o̱le̱ ci acinnu niga nonno ming okko ta̱mu̱-kenga ko̱.”

Buk wa To̱ni̱a̱u̱ 17:31

Eci aarik enne i̱i̱te̱n ci okko atin enne ettede lo̱ki̱ko̱ ju̱rru̱m ngati E̱e̱t wa atahala enne. Okko atin E̱e̱ti̱ bali atahala enne ke̱ etted lo̱ki̱ko̱ neci, kar zin Ta̱mu̱ta̱dde̱n ki̱ye̱le̱k ol do̱o̱k ming een zoz neci de̱de̱, ngati ingane enne E̱e̱t neci daiza.”

Buk wa To̱ni̱a̱u̱ 2:24

Abarik zin Ta̱mu̱ta̱dde̱n itingai nonno daiza, aara wu̱ce̱z ci daizo ngatinne, eci daizi iróng anyak doiz ci a̱gga̱me̱ nonno.

Buk wa To̱ni̱a̱u̱ 2:32

Itingawe zin Ta̱mu̱ta̱dde̱n Ye̱su̱ daiza de̱de̱. I̱yo̱ko̱ zin naga do̱o̱k kizetta bbacak zo̱ze̱ necu.

Buk wa To̱ni̱a̱u̱ 3:15

U̱ru̱kttu̱ abarik e̱e̱t wa aanyik ol ruget ka̱da̱k, ma̱i̱je̱ Ta̱mu̱ta̱dde̱n itingawe nonno daiza, ke̱e̱ggi̱nna̱ zin bbacak bu̱k zo̱ze̱ necu.

Buk wa To̱ni̱a̱u̱ 3:21

Irahek arrak atin ta̱mu̱-kenga zee ki̱vi̱ta̱ arrak atin kaala do̱o̱k kidimante kize jor ki bali ming u̱du̱wa̱ Ta̱mu̱ta̱dde̱n go̱o̱le̱ ci a̱ri̱tto̱k wak a̱li̱le̱ balik abak bali reena ke̱.

Buk wa To̱ni̱a̱u̱ 4:10

A̱gga̱yyu̱ niga ki olli Israilo do̱o̱k zoz cu: Abile e̱e̱ti̱ cu ngatu kubunna ko̱ zo̱ze̱ ci zar cik Ye̱su̱ Ki̱ri̱sto̱ wa Nazereti, wa bali ododikku niga ta̱la̱ke̱c ka̱da̱k, ma̱i̱je̱ Ta̱mu̱ta̱dde̱n itingai nonno daiza.

Roma 1:4

I̱ye̱la̱ Vongizi ci Ta̱mu̱ta̱dde̱no̱ een Ye̱su̱ Ki̱ri̱sto̱, Manyitinna Ngerrti Ta̱mu̱ta̱dde̱no̱ bali itingawe enne nonno daiza.

Roma 2:7

Aanyik atin enne baiz ci aave udut e̱e̱t wa anime no̱ngi̱tto̱n, ogon kaal cik abunna, kar atin enne ki̱tto̱ di̱ngdi̱ngo̱n ci Ta̱mu̱ta̱dde̱no̱, ki baiz ci aave udut.

Roma 4:25

Aanyyet Ta̱mu̱ta̱dde̱n Ye̱su̱ kar ka̱da̱k mu̱nye̱ne̱ cigga̱c, kar kitingawe nonno daiza, kar naga kizet ol cik abunna ngu̱me̱ ci Ta̱mu̱ta̱dde̱no̱.

Roma 8:34

Baling a̱da̱k Ye̱su̱ Ki̱ri̱sto̱, kitinga daiza kar naga ka̱vvu̱ta̱ labak zo̱ze̱ ci ettedekket Ta̱mu̱ta̱dde̱n lo̱ki̱ko̱, ngene wo̱ye̱ ci anyak komiz ci edezetta? Iróng Ye̱su̱ a̱da̱i̱ zo̱ze̱ cinna do̱, abarik itinga daiza kar ka̱vvu̱ a̱tte̱ ci a̱zzo̱ Ta̱mu̱ta̱dde̱no̱, ngati anyahe enne komiz, alawakket Ta̱mu̱ta̱dde̱n.

1 Ko̱ri̱nto̱ 1:7

I̱yo̱ko̱ zin, i̱llo̱i̱ ma̱yu̱we̱ne̱t imma ci iróng niga anyakku ngati e̱re̱yyu̱ niga de̱de̱ Manyi Ye̱su̱ Ki̱ri̱sto̱ kar kobodak lo̱o̱c.

Ga̱la̱ti̱a̱ 3:13

Ma̱i̱je̱ i̱yo̱ko̱ zin, eelawet Ki̱ri̱sto̱ to̱ri̱nte̱ ci anyaha lo̱ti̱nno̱wa̱ cik Musesi. Ogon enne zoz necu go̱o̱le̱ ci a̱da̱kne̱ enne keete wa een ta̱la̱ke̱c zo̱ze̱ ci gerze kogon naga, eci e̱he̱rye̱ lo̱ti̱nno̱we̱, azi ne, “Otore e̱e̱ti̱ ci a̱ru̱we̱k ol keet ci een ta̱la̱ke̱c.”

Vilipia 3:20

Ma̱i̱je̱ naga ke̱e̱ggi̱n ol cik ta̱mu̱-kengo. Kere zin naga oroot Ti̱ri̱zo̱i̱t Manyi Ye̱su̱ Ki̱ri̱sto̱ ci atin a̱kku̱ ta̱mu̱-kenga.

Kolosiya 1:18

Kar zin i̱yo̱ko̱, nonno ci een oo ci eliyo veelek ki ke̱le̱ci̱a̱; nonno ci akanane kaala kar kize a̱bu̱ ci ol cik a̱da̱i̱to̱, kar enne kanyak doiz ci abale kaal do̱o̱k.

1 Te̱se̱lo̱ni̱ka̱ 1:7

Izetu ol cik i̱ye̱zzu̱ng ol wak elemtta zoz ci Ta̱mu̱ta̱dde̱no̱ lo̱o̱ce̱ ci een zara Macedonia ki lo̱o̱c ci Achaia do̱o̱k.

1 Te̱se̱lo̱ni̱ka̱ 2:16

ngati alamnyet ming iróng kuwaheka ol wak iróng een Ya̱u̱d kaviyak wak Ta̱mu̱ta̱dde̱no̱ abunna, wak atin eela nogo. Imma go̱o̱le̱ necu, otorte ba̱ci̱no̱wa̱ cigge̱k, utubur Ta̱mu̱ta̱dde̱n nong. Edez atin Ta̱mu̱ta̱dde̱n nogo zo̱ze̱ necu vu̱rrta̱.

1 Te̱se̱lo̱ni̱ka̱ 2:7

Abarik baling ki̱vi̱ta̱ kabaito bu̱k, kar bo̱do̱k ke̱e̱ggi̱nna̱ to̱ni̱a̱k cik Ki̱ri̱sto̱, e̱e̱t wa atahalai, kuzutung kiwagon e̱e̱ti̱ doolinnu ming azunne dooli ciginnek.

1 Te̱se̱lo̱ni̱ka̱ 5:9

Eelannet atin Ta̱mu̱ta̱dde̱n, iróng orongnyet kar kedezzeta. Abarik ahalanet kar ki̱tto̱nna̱e̱t Manyitinna Ye̱su̱ Ki̱ri̱sto̱ ki̱ti̱ri̱ze̱ta̱.

2 Ti̱mo̱te̱yo̱ 4:1

Kilaleki zare cik Ta̱mu̱ta̱dde̱no̱ ki Ye̱su̱ Ki̱ri̱sto̱ wa atin okko apak lo̱ki̱ko̱ cik ol wak ngen aruge ki wak a̱da̱i̱to̱ bu̱k, kar zin go̱o̱le̱ ci okko enne a̱kku̱ ki ba̱a̱li̱ne̱t cinne, ki̱lo̱ti̱ki̱ zoz cu:

Ti̱to̱ 2:13

ming kere naga ma̱yu̱we̱ne̱t niko, a̱kku̱ atin ki di̱ngdi̱ngo̱n ming okko Ta̱mu̱ta̱dde̱n wa a̱ddi̱ki̱re̱ Ti̱ri̱zo̱i̱t cinna Ye̱su̱ Ki̱ri̱sto̱ obodak lo̱o̱c.

I̱bu̱ru̱ 10:27

Abarik e̱e̱ti̱ ci anyak mu̱nye̱n ko̱, abak ngo̱li̱nte̱ ci okko Ta̱mu̱ta̱dde̱n ettede lo̱ki̱ko̱, kar ol wak adite iina iróng aziye zoz cinne, atuze gwo̱o̱ye̱ ci apadpadi oroot.

I̱bu̱ru̱ 9:28

Imma zin i̱yo̱ko̱, a̱da̱i̱ Ye̱su̱ Ki̱ri̱sto̱ lak co̱de̱ kize wawac ci aara ol cik meelek mu̱nye̱n. Obodak atin enne lo̱o̱c kar ki̱ki̱ya̱ kanyahak ti̱ri̱ze̱ne̱t ol wak ere nonno.

1 Peturu 1:21

A̱tu̱yyu̱ zin niga Ta̱mu̱ta̱dde̱n zo̱ze̱ cinne, Ta̱mu̱ta̱dde̱n ci ba̱li̱ye̱ ingane nonno daiza kar ki̱di̱ngdi̱nga̱n nonno, aave zin tu̱we̱ne̱t cunno̱ng ki zoz ci arikku niga zi̱nze̱tti̱ Ta̱mu̱ta̱dde̱n.

1 Peturu 1:3

Kinnatit Ta̱mu̱ta̱dde̱n wa een Be̱e̱ti̱ Manyitinna Ye̱su̱ Ki̱ri̱sto̱. Aanyyet enne agit ti̱ra̱ne̱t ci een jor detente cinne a̱ppwe̱ ci karike naga zi̱nze̱tti̱ go̱o̱le̱ ci ingane Ye̱su̱ Ki̱ri̱sto̱ daiza.

1 Peturu 2:21

Atahalaung ba̱li̱ye̱ Ta̱mu̱ta̱dde̱n kar ipirta kaale cik gerzek, ki bali ming apirna Ki̱ri̱sto̱ ngatinno̱ng ke̱. I̱ye̱le̱kku̱ng enne gool necu kar unuwet.

1 Peturu 3:18

Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

2 Peturu 3:12

Ki i̱yo̱ko̱ e̱re̱yyu̱ niga i̱i̱te̱n ci Ta̱mu̱ta̱dde̱no̱ zi̱nze̱tti̱nne̱ cuggo̱k oroot. A̱kku̱ atin i̱i̱te̱ni̱ neci ki li̱be̱ne̱t ci lo̱o̱tu̱, atuze ta̱mu̱-kengi ki i̱i̱ ki nye̱lo̱k ki munyuny gwo̱o̱ya̱ ne lai.

2 Peturu 3:14

Gotonogga ki ngonogga tu̱we̱nta̱, ming ngen niga erewinnu ko̱, abait baiz ci a̱li̱le̱, i̱llo̱i̱ rok gi̱i̱ imma ci gerze, kar bo̱do̱k abait yahe.

O̱no̱zzo̱k 1:18

Ke̱e̱ni̱ anna e̱e̱t ci karugi, ka̱da̱ha̱ ba̱li̱ye̱, i̱yo̱ko̱ karugi udut, kanyai a̱tte̱ cinanni jooro cik daizak ki nginti daizo.”

O̱no̱zzo̱k 1:7

Icinnet, orkora enne ki di̱i̱z, kar ebere do̱o̱k kicinnet atin nonno, acin rok ol balik akati nonno; anyak atin olli lo̱o̱tu̱ do̱o̱k u̱lu̱wa̱ zo̱ze̱ cinne. De̱de̱, ogone atin! Amen.