1 Te̱se̱lo̱ni̱ka̱ 1:1 - Tennet

¹ Keherikung anna Pa̱u̱lo̱, ki Silas, ki Ti̱mo̱te̱yo̱ waraga cu i̱ge̱t ol wak a̱tu̱we̱ ke̱le̱ci̱a̱k o̱rge̱ ci Te̱se̱lo̱ni̱ka̱, i̱ge̱t ol wak e̱e̱ggi̱nnu̱ ol cik Ta̱mu̱ta̱dde̱n wa een Be̱e̱ti̱nna̱ bali eenycanetta ki Manyi Ye̱su̱ Ki̱ri̱sto̱. Anyait deten ki baiz yahe tu̱we̱nte̱ ci zoz ci Ta̱mu̱ta̱dde̱no̱.

1 Te̱se̱lo̱ni̱ka̱ 1:1 ပူးပေါင်းရင်းမြစ်များ

Buk wa To̱ni̱a̱u̱ 15:22

Odolta zin to̱ni̱a̱ha̱ ki lo̱ddi̱ki̱re̱ ki ol cik ke̱le̱ci̱a̱k do̱o̱k, kar katahalta ol u̱gge̱ cigge̱k kar ki̱tto̱nni̱t koot o̱rge̱ ci een Antiyok ki Pa̱u̱lo̱ ki Barnabas. Ahala nege Judas wa een zara uggak ne Barsabbas ki Silas, e̱e̱ggi̱n nege lo̱ddi̱ki̱re̱ cik ol wak a̱tu̱we̱.

Buk wa To̱ni̱a̱u̱ 15:27

I̱yo̱ko̱ zin, ki̱tto̱na̱nna̱ Judas ki Silas abunna oobekkung keng ci waraga ci keherya naga ko̱.

Buk wa To̱ni̱a̱u̱ 15:40

Alayek ol cik a̱tu̱we̱ nogo Ta̱mu̱ta̱dde̱n kar zin Pa̱u̱lo̱ kengera Silas kar zin korkorrit bu̱k.

Buk wa To̱ni̱a̱u̱ 16:19

Baling iróng ma̱ci̱gi̱ du̱ca̱i̱t ci nga̱a̱ye̱ ko̱ ngen aruba o̱ro̱bi̱ya̱, a̱gga̱mi̱t Pa̱u̱lo̱ ki Silas kar ko̱o̱tte̱ ngati lo̱ddi̱ki̱re̱ baala.

Buk wa To̱ni̱a̱u̱ 16:25

Imma ba̱a̱li̱n kenga, alac Pa̱u̱lo̱ ki Silas Ta̱mu̱ta̱dde̱n kar bo̱do̱k ke̱be̱ni̱t lo̱ngnyo̱k, ma̱i̱je̱ gonoggja lagama aziye niko.

Buk wa To̱ni̱a̱u̱ 16:29

I̱jji̱n zin ddi̱ki̱ryo̱i̱ti̱ urez ci atukule lagam, a̱yi̱k enne ngati a̱bba̱ri̱te̱ kar zin ku̱yu̱we̱ kakatek u̱zu̱ngti̱nne̱ ngati Pa̱u̱lo̱ ki Silas.

Buk wa To̱ni̱a̱u̱ 17:11

Abunna da̱ ol cik Berea oroot ommog cik Te̱se̱lo̱ni̱ka̱, elemtta nege zoz ci Ta̱mu̱ta̱dde̱no̱ talninta oroot. Ikebit zin nege Waraga ci Ta̱mu̱ta̱dde̱no̱ odohize, acin kaal cik edemez Pa̱u̱lo̱ ko̱ ming een de̱de̱.

Buk wa To̱ni̱a̱u̱ 18:5

Baling i̱vi̱ta̱ ciko Silasi ki Ti̱mo̱te̱yo̱ lo̱o̱ce̱ ci een Macedonia, uwahek Pa̱u̱lo̱ olli Ya̱u̱do̱ zoz ci Ta̱mu̱ta̱dde̱no̱ odohize, a̱nne̱k ne, een bali Ye̱su̱, Ki̱ri̱sto̱.

Buk wa To̱ni̱a̱u̱ 19:22

I̱tto̱n zin ol wak gon eela nonno een rama Ti̱mo̱te̱yo̱ ki Erastus, koot lo̱o̱ce̱ ci Macedonia, baling ngen enne aave arrak do̱yo̱i̱t lo̱o̱ce̱ ci Asia.

Buk wa To̱ni̱a̱u̱ 20:4

Orkor enne ki Sopater ngerrti Pyrrhus o̱rge̱ ci een Berea, ki Aristarkas ki Secundus o̱rge̱ ci Te̱se̱lo̱ni̱ka̱, ki Gaius o̱rge̱ ci een Derbe, ki Ti̱mo̱te̱yo̱ bu̱k ki Tychicos ki Trophimos lo̱o̱ce̱ ci Asia.

Roma 1:7

Keherik anna waraga cu ol cik a̱li̱le̱ irez Ta̱mu̱ta̱dde̱n abak lo̱o̱ce̱ ci Romi, kar bo̱do̱k Ta̱mu̱ta̱dde̱n katahala nogo kizeto ol ciginnek. Anyik Ta̱mu̱ta̱dde̱n Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng i̱ge̱t do̱o̱k gano ki deten.

1 Ko̱ri̱nto̱ 1:2

Keherakkung i̱ge̱t waraga cu olli ke̱le̱ci̱a̱k Ta̱mu̱ta̱dde̱no̱ wak abak lo̱o̱ce̱ ci een Ko̱ri̱nto̱. Atahalaung Ta̱mu̱ta̱dde̱n i̱ge̱t izet ol ciginnek a̱li̱le̱ zo̱ze̱ ci oromtoziu niga Ye̱su̱ Ki̱ri̱sto̱. Ki bo̱do̱k ol wak lo̱o̱tu̱ do̱o̱k balik atahala Manyi, kar nege bu̱k ki̱di̱ngdi̱nga̱ni̱t zar cik Manyitinna Ye̱su̱ Ki̱ri̱sto̱ wa een Manyi cinne̱ng ki agit bu̱k.

2 Ko̱ri̱nto̱ 1:1

Annita Pa̱u̱lo̱ ci bali atahala Ta̱mu̱ta̱dde̱n kize to̱ni̱a̱t ci Ye̱su̱ Ki̱ri̱sto̱, kar ki̱li̱ngli̱ng zoz cinne, keheri waraga cu ki Ti̱mo̱te̱yo̱ wa een gotonet tu̱we̱nta̱. Keherika waraga cu ol wak ke̱le̱ci̱a̱k o̱rge̱ ci een Ko̱ri̱nto̱, ki ol wak a̱tu̱ zoz ci Ta̱mu̱ta̱dde̱no̱ lo̱o̱ce̱ ci Achaia.

2 Ko̱ri̱nto̱ 1:19

Eci annit ki Ti̱mo̱te̱yo̱ ki Silas cik kuwahekkung zoz ci Ye̱su̱ Ki̱ri̱sto̱ Ngerrti Ta̱mu̱ta̱dde̱no̱ wa een zoz cinne de̱de̱, iróng abaci. Ogon zoz ci een de̱de̱, iróng anyak zi̱nze̱tti̱ ram.

Ga̱la̱ti̱a̱ 1:2

Ki̱tto̱na̱nna̱ naga do̱o̱k gotonogget ki ngonogget wak a̱tu̱we̱ waraga cu ke̱le̱ci̱a̱nya̱ cik lo̱o̱c ci een Ga̱la̱ti̱a̱.

Ga̱la̱ti̱a̱ 1:22

I̱llo̱i̱ rok e̱e̱t co̱de̱ olle ne̱k ala Ta̱mu̱ta̱dde̱n ke̱le̱ci̱a̱nya̱i̱ cik Ju̱de̱ya̱ ko̱ ci a̱tu̱ Ye̱su̱ Ki̱ri̱sto̱.

Evesos 1:2

Anyik bai Ta̱mu̱ta̱dde̱n Be̱e̱ti̱nna̱ ki Manyi Ye̱su̱ Ki̱ri̱sto̱ ka̱a̱nyu̱ng deten ki a̱vvu̱ze̱t yahe.

Vilipia 1:1

Annita Pa̱u̱lo̱ ki Ti̱mo̱te̱yo̱ wak ke̱e̱ggi̱nna̱ du̱cca̱k cik Ye̱su̱ Ki̱ri̱sto̱ ko̱ cik keherya waraga cu. Keherika waraga cu ol wak a̱tu̱ zoz ci Ye̱su̱ Ki̱ri̱sto̱ o̱rge̱ ci een Vilip, keherika bu̱k lo̱ddi̱ki̱re̱ cik ke̱le̱ci̱o̱ veelek.

Kolosiya 1:1

Annita Pa̱u̱lo̱ ci keheri waraga cu, ki Ti̱mo̱te̱yo̱ wa een gotona tu̱we̱nta̱, atahala annit Ta̱mu̱ta̱dde̱n kar kize to̱na̱i̱t ci Ye̱su̱ Ki̱ri̱sto̱.

2 Te̱se̱lo̱ni̱ka̱ 1:1

Keherikung naga ciko Pa̱u̱lo̱ ki Silas ki Ti̱mo̱te̱yo̱ waraga cu ol wak ke̱le̱ci̱a̱k a̱tu̱ zoz ci Ta̱mu̱ta̱dde̱no̱ ki Manyitinna Ye̱su̱ Ki̱ri̱sto̱ o̱rge̱ ci een Te̱se̱lo̱ni̱ka̱.

1 Ti̱mo̱te̱yo̱ 1:2

Keheriki i̱nne̱t Ti̱mo̱te̱yo̱ wa een ngeranni de̱de̱ tu̱we̱nta̱. Kala Ta̱mu̱ta̱dde̱n Be̱e̱ti̱nna̱ ki Manyitinna Ye̱su̱ Ki̱ri̱sto̱ kar kaanyci deten ki bunnat ki a̱vvu̱ze̱t yahe.

2 Ti̱mo̱te̱yo̱ 1:2

Keherike waraga cu Ti̱mo̱te̱yo̱ wa kirezi ko̱, u̱tu̱gu̱ enne ki ngeranni tu̱we̱nta̱. Kala anna Ta̱mu̱ta̱dde̱n Be̱e̱ti̱nna̱ ki Manyitinna Ye̱su̱ Ki̱ri̱sto̱, kar kaanyci deten ki bunnat ki a̱vvu̱ze̱t yahe.

I̱bu̱ru̱ 13:23

Korongi ku̱du̱wa̱u̱ng i̱yo̱ko̱, oogtta ol Ti̱mo̱te̱yo̱ lagama. Ming arawa enne ngintu, korkoranna atin bu̱k ming kokko anna ki̱vo̱nnu̱ng.

1 Peturu 5:12

Eelanna Silasi ngati kehere waraga cu, ka̱gga̱ Silas niko ming een gotonet ci anyak deten. Een waraga ci keherakkung ko̱, waraga ci orongi kar ku̱du̱wa̱u̱ng abunna ming a̱gga̱yyu̱ deten ci Ta̱mu̱ta̱dde̱n ming een de̱de̱ kar abunna ming emenannu ngati a̱tu̱yyu̱ nonno.

1 Jon 1:3

Ka̱du̱wa̱kku̱ng naga i̱ge̱t gi̱i̱ ci kicinnta kar bo̱do̱k kizikta, kar abunna ming karume tu̱we̱nta̱. Kar naga bu̱k kurumte ki Be̱e̱ti̱nna̱ ki Ngerinne Ye̱su̱ Ki̱ri̱sto̱.

Ju̱da̱ 1:1

Annita Ju̱da̱ wa ke̱e̱ni̱ gotoni Je̱mi̱s, wa een du̱ca̱i̱t ci Ye̱su̱ Ki̱ri̱sto̱ ko̱ ci keheri waraga cu. Keherakkung i̱ge̱t ol wak atahaltai ki bo̱do̱k wak irez Ta̱mu̱ta̱dde̱n wa een Be̱e̱ti̱nna̱ kar bo̱do̱k Ye̱su̱ Ki̱ri̱sto̱ kuzute nogo.