1 Peturu 5:9 - Tennet

⁹ Abunna zin niga do̱o̱k ming aburnnu kaal cik lo̱rye̱nta̱k. Okkomit tu̱we̱nta̱ kak. A̱gga̱yyu̱ ri̱t niga ol wak a̱tu̱we̱ lo̱o̱co̱we̱ do̱o̱k apirna ki i̱yo̱ko̱ niga ming apirnannu bu̱k ko̱.

1 Peturu 5:9 ပူးပေါင်းရင်းမြစ်များ

Lu̱ka̱ 22:32

Ma̱i̱je̱ anna kalawei i̱nne̱t Ta̱mu̱ta̱dde̱n, Si̱mo̱ne̱, kar wo̱ye̱ tu̱we̱ne̱t cunne iróng a̱zze̱. Kar ming okko i̱nna̱ uukce, eela gotonoggu tu̱we̱nta̱ kokkomit kak.”

Kaviyak wak Abunna Ta̱mu̱ta̱dde̱no̱ eher Joni 16:33

“Ku̱du̱wa̱u̱ng anna i̱ge̱t kaal ne̱ko̱, kar anyait gano ngatinanni. Anyakku atin no̱ngi̱tto̱n lo̱o̱ce̱ cu. Abarik inimet zin, kommoga anna no̱ngi̱tto̱n cik lo̱o̱tu̱.”

Buk wa To̱ni̱a̱u̱ 14:22

edemez nuyak kar bo̱do̱k ku̱du̱kta̱k nogo kokkomit kak tu̱we̱nte̱ cinne̱ng. A̱nne̱k nege nuyak ne, “Abunna la̱du̱n ming kamuda pirnanet ci a̱ppwe̱ kar ki̱tto̱z ba̱a̱li̱ne̱t ci Ta̱mu̱ta̱dde̱no̱.”

1 Ko̱ri̱nto̱ 10:13

Imma timaninet ci a̱kku̱na̱kku̱ng ko̱, a̱kku̱nna̱k gon ol do̱o̱k. Abarik zin gon Ta̱mu̱ta̱dde̱n azunne zoz ci u̱du̱wa̱ enne ngatinna, iróng anyike gi̱i̱ imma kitimannung kommog doiz cunno̱ng, abarik a̱a̱nyu̱ng i̱ge̱t doiz ci ommogju timaninet neci.

Evesos 4:27

eci burnenet nong aanyik lo̱rye̱ni̱t gool ci a̱li̱ngli̱nge̱ baize cunne.

Evesos 6:16

Aanycik tu̱we̱ne̱t cunno̱ng ku̱tu̱gu̱ ki i̱li̱b kar atin eeltai e̱le̱tti̱ ilanyai cik lo̱rye̱nta̱k meelek giir.

Kolosiya 2:5

Ki i̱yo̱ko̱ ming iróng anna kaavtte imma i̱ge̱t nga̱to̱de̱ ko̱, kaavtte anna imma i̱ge̱t vongiza, katalne zin zo̱ze̱ ci adimannu niga kaal cuggo̱k baiza ju̱rru̱m, kar ibilet ṯop tu̱we̱nta̱ zo̱ze̱ ci Ki̱ri̱sto̱.

1 Te̱se̱lo̱ni̱ka̱ 3:3

Abunna bo̱do̱k ming iróng e̱e̱ti̱ imma ngatinno̱ng a̱mi̱re̱ ki vu̱rru̱t zo̱ze̱ ci amarinnung ol zee ipirta ko̱. A̱gga̱c ju̱rru̱m een pirnanet cu talninet cinna ol wak a̱tu̱ zoz ci Ye̱su̱.

1 Ti̱mo̱te̱yo̱ 6:12

Zuute zoz ci a̱tu̱we̱ Ye̱su̱. Abunna ming a̱gga̱mi̱ zoz ci baiz wa aave udut bali aanyi Ta̱mu̱ta̱dde̱n. I̱ye̱la̱ i̱nna̱ tu̱we̱ne̱t zoz ci Ta̱mu̱ta̱dde̱no̱ kicinnet icima kiziyet ol cik meelek ke̱.

2 Ti̱mo̱te̱yo̱ 3:12

De̱de̱, ming aanyik e̱e̱ti̱ zinin Ta̱mu̱ta̱dde̱n ngati Ye̱su̱ Ki̱ri̱sto̱, abarik a̱gi̱d atin ol nonno.

2 Ti̱mo̱te̱yo̱ 4:7

Ku̱tu̱gu̱ gi̱i̱ ci abunna li̱ngli̱ngo̱nte̱ ci Ta̱mu̱ta̱dde̱no̱. Kedeca li̱ngli̱ngo̱n bali orong Ta̱mu̱ta̱dde̱n kar kidimanek nonno lo̱o̱ta̱ ngatu ke̱. Kuzute tu̱we̱ne̱t zo̱ze̱ cinne oroot.

I̱bu̱ru̱ 11:33

Tu̱we̱nte̱ ci ol ne̱ko̱, ommogit nege alaat cik lo̱o̱cco̱k u̱gge̱, abal ol de̱de̱, kar ku̱mu̱dda̱ zoz bali u̱du̱wa̱ Manyi, okko Danieli anyug u̱tu̱ge̱tti̱ cik maatetu.

I̱bu̱ru̱ 12:8

Anyak Ta̱mu̱ta̱dde̱n dooli cik meelek, ming iróng enne i̱lo̱ttu̱ng ki ming i̱lo̱t enne dooli ciginnek, iróng niga e̱e̱ggi̱nnu̱ dooli ciginnek de̱de̱.

Je̱mi̱s 4:7

Aanycik zin e̱le̱tti̱ ciggo̱k Ta̱mu̱ta̱dde̱n. Utuburet lo̱rye̱ni̱t, kar atin enne ki̱vi̱ru̱ng.

1 Peturu 1:6

Imma zin zo̱ze̱ necu, atalninnu niga oroot, kar zin i̱yo̱ko̱ ovvo niga apirnannu do̱yo̱i̱t kaale do̱o̱k cik atimannung ol.

1 Peturu 2:21

Atahalaung ba̱li̱ye̱ Ta̱mu̱ta̱dde̱n kar ipirta kaale cik gerzek, ki bali ming apirna Ki̱ri̱sto̱ ngatinno̱ng ke̱. I̱ye̱le̱kku̱ng enne gool necu kar unuwet.

1 Peturu 3:14

Ma wo̱ye̱ nu̱nu̱n ming apirnannu ngati ogonnu kaal cik abunna, ngen zin abarik Ta̱mu̱ta̱dde̱n a̱ma̱yu̱kku̱ng. “Ma o̱ngo̱o̱li̱nnu̱ zoz imma icima i̱no̱nnu̱ zoz ci ogonekku̱ng ol kaal cik gerzek.”

1 Peturu 4:13

Ataltto go̱o̱le̱ ci apirnannu ko̱ ki baling apirna Ki̱ri̱sto̱ ke̱. Okko atin zoz neci apirnannu niga ko̱, anyaha talinet ci a̱ppwe̱ oroot atin ming okko di̱ngdi̱ngo̱ni̱ cinne i̱ye̱la̱i̱.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.

O̱no̱zzo̱k 6:11

Kar kanyozik nogo do̱o̱k e̱co̱de̱ e̱co̱de̱ ru̱u̱ma̱ni̱ cik voorik, kar kaanyik kereyo arrak do̱yo̱i̱t baling u̱ru̱kte̱ nege, zee ku̱ru̱kte̱ du̱cca̱ha̱ ngonoggi ki gotonoggi do̱o̱k.

O̱no̱zzo̱k 7:14

Kabariza zin anna, “Ddi̱ki̱ryo̱i̱t, a̱gga̱ i̱nna̱.” Kar enne kize ne, “E̱e̱ggi̱n zin nege ol balik a̱vvu̱ piryanzete ci a̱ppwe̱ oroot; utunyyet nege ru̱u̱ma̱ni̱ cigge̱k kar kizeto voore bi̱ye̱te̱ cik Nyoono.