1 Peturu 5:4 - Tennet

⁴ Kar ming okko Ki̱ri̱sto̱ alaani wa tuwayowu oboda, okko atin enne a̱a̱nyu̱ng alaanzet ci atin iróng ti̱ri̱ze̱ne̱t ki de̱ti̱ne̱t cinne aṯurneke.

1 Peturu 5:4 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 10:11

Emena Ye̱su̱ zoza dee kar zin kize ne, “Ke̱e̱ni̱ anna tuwayoit wa kabunna. A̱da̱i̱ tuwayoiti ci abunna zo̱ze̱ ci eeza ciginnek.

1 Ko̱ri̱nto̱ 9:25

Ming orong e̱e̱ti̱ kize ti̱i̱r, orong ming edemez enne ele arrak ngati a̱vi̱re̱ kar kize ti̱i̱r. Ogon enne niko kar ming anyak gi̱i̱ ci irawone ol kar enne kize oo. Abarik gon ol wak a̱vi̱r kar kurubta kaal, aruba gi̱i̱ ci iróng aave udut, ovvo ol wak a̱tu̱we̱ aruba gi̱i̱ ci atin aave udut.

2 Ti̱mo̱te̱yo̱ 4:8

I̱yo̱ko̱ kere gi̱i̱ ci okko Ta̱mu̱ta̱dde̱n aanya luluk ci abunna alaanzetu, eci anna kelemi zoz cinne. Aanya atin Manyi i̱i̱te̱ne̱ ci okko enne obodak lo̱o̱c, iróng enne anyak mu̱nye̱n, etted atin lo̱ki̱ko̱ labak. Iróng zin atin Manyi amuca annit do̱, amuc ol do̱o̱k wak irez nonno kar kerec i̱i̱te̱n ci okko enne obodane.

I̱bu̱ru̱ 13:20

Anyik bai Ta̱mu̱ta̱dde̱n ci gon a̱a̱nyu̱ng gano, go̱o̱le̱ ci bi̱ye̱ cik Ye̱su̱ ci een olom ci aave udut ko̱, bali obodai Manyi Ye̱su̱ daiza, Tuwayoit ci a̱ddi̱ki̱re̱ ommog veelek,

Je̱mi̱s 1:12

A̱mu̱yu̱k Ta̱mu̱ta̱dde̱n e̱e̱t ci abak baiz ci anime no̱ngi̱tto̱n wak atimane ol nonno, eci ming inim enne kaal ne̱ko̱ do̱o̱k labak, aanyik atin Ta̱mu̱ta̱dde̱n nonno baiz ci aave udut ki bali u̱du̱wa̱k enne ol wak irez nonno ke̱.

1 Peturu 1:4

Aanyyet kaal cik karagiz naga abak aavtte udut, aavtte ta̱mu̱-kenga kize cuggo̱k,

1 Peturu 2:25

Ogonnu niga ba̱li̱ye̱ ki a̱zza̱ wak ajali. Imma zin i̱yo̱ko̱ oboddau, i̱vi̱ta̱u̱ tuwayoit wa azunne ruget cunno̱ng.

1 Peturu 5:2

Ki i̱yo̱ko̱ tuwayoiti ko̱, u̱zu̱tte̱ ol cik Ta̱mu̱ta̱dde̱no̱ a̱a̱nyu̱ng enne ko̱, abunna ming azunnu nogo. U̱tu̱gu̱z li̱ngli̱ngo̱n necu zi̱nze̱tti̱nne̱ cik alali ki ming orong Ta̱mu̱ta̱dde̱n. U̱zu̱tte̱ nogo ci iróng een zoz ci orongnyu o̱ro̱bi̱ya̱, abarik aanycik kize li̱ngli̱ngo̱n ci a̱kku̱ zi̱nze̱tti̱nne̱ ciggo̱k.

1 Jon 3:2

Gonogga wak zinino, ke̱e̱ggi̱n naga de̱de̱ dooli cik Ta̱mu̱ta̱dde̱no̱, iróng naga ka̱gga̱ ogon e̱le̱tti̱ cigga̱c ku̱. Abarik ka̱gga̱ atin naga e̱le̱tti̱ cigga̱c kogon naga ki i̱yo̱ko̱ Ki̱ri̱sto̱ ko̱, ming okko enne obodak lo̱o̱c, eci kacin atin naga nonno de̱de̱.

O̱no̱zzo̱k 1:7

Icinnet, orkora enne ki di̱i̱z, kar ebere do̱o̱k kicinnet atin nonno, acin rok ol balik akati nonno; anyak atin olli lo̱o̱tu̱ do̱o̱k u̱lu̱wa̱ zo̱ze̱ cinne. De̱de̱, ogone atin! Amen.

O̱no̱zzo̱k 2:10

Ma zin o̱ngo̱o̱li̱nnu̱ gi̱i̱ imma zo̱ze̱ ci ovvo niga apirnannu. Ka̱du̱wa̱kku̱ng, arik atin lo̱rye̱nti̱ ol u̱gge̱ ngatinno̱ng lagam kar kitimanung, ovvo atin apirnannu gi̱de̱ne̱t i̱i̱nya̱ omoto. Izet ol cik abunnanu, u̱zu̱tte̱ zoz ci Ta̱mu̱ta̱dde̱no̱ ming a̱kku̱ daizi nu̱nu̱n, ka̱a̱nyu̱ng atin anna lulukwa cik alaanzetinu abakku udut.

O̱no̱zzo̱k 3:11

Ka̱kku̱ni̱ anna ataman. U̱zu̱tte̱ zoz ci anyakku niga ko̱, kar atin iróng e̱e̱ti̱ imma okkoye lulukwa cuggo̱k alaanzetinu.