1 Peturu 5:3 - Tennet

³ Ma ogonnu ki alaata wak odong e̱le̱tti̱ olle ngati a̱gga̱me̱ ol. Abarik aanycik ol kicinnta li̱ngli̱ngo̱n cunno̱ng ngati a̱li̱ngli̱ngnyu̱ ju̱rru̱m.

1 Peturu 5:3 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 13:15

Ki̱ye̱le̱u̱ng zin anna i̱ge̱t gool ci ogonnu kaal, abunna ming ogonnu ki bali anna ke̱.

Buk wa To̱ni̱a̱u̱ 20:28

U̱zu̱tte̱ e̱le̱tti̱ ciggo̱k ki ol wak a̱a̱nyu̱ng Vongizi ci A̱li̱le̱, abunna ming aballu nogo. Izet tuwayok cik ke̱le̱ci̱a̱ ci Ta̱mu̱ta̱dde̱no̱, wak balik uuta Ye̱su̱ bi̱ye̱te̱ ciginnek ke̱.

1 Ko̱ri̱nto̱ 11:11

Imma ngati Manyi Ye̱su̱, iróng ngaa abak do̱ kutungek e̱e̱t ci maci lo̱o̱c, icima e̱e̱ti̱ ci maci abak do̱ kutungek ngaa lo̱o̱c.

1 Ko̱ri̱nto̱ 3:5

Ma i̱yo̱ko̱ ming ki̱no̱n ju̱rru̱m, een Apollos ngene? Ma Pa̱u̱lo̱ een ngene? Ke̱e̱ggi̱n naga do̱o̱k du̱cca̱k, i̱tto̱na̱ne̱t Manyi kar ki̱vi̱ta̱ kaanycung i̱ge̱t elemtta zoz ci Ki̱ri̱sto̱. Imma gon e̱e̱ti̱ imma ngatinna̱ng a̱li̱ngli̱ng li̱ngli̱ngo̱n ci aanyik Manyi nonno ki̱li̱ngli̱ng.

1 Ko̱ri̱nto̱ 3:9

Ke̱e̱ggi̱nna̱ naga ol cik ka̱li̱ngli̱nge̱ka̱ Ta̱mu̱ta̱dde̱n; ovvo niga e̱e̱ggi̱nnu̱ ma̱na̱ ci Ta̱mu̱ta̱dde̱no̱ ki ce̱e̱z cinne.

2 Ko̱ri̱nto̱ 1:24

Iróng naga ke̱e̱ggi̱nna̱ ol cik kodongnyya e̱le̱tti̱ kar ki̱ye̱ltte̱u̱ng zoz ci a̱tu̱yyu̱ Ta̱mu̱ta̱dde̱n. Ka̱li̱ngli̱ng naga do̱o̱k nga̱to̱de̱ abunna ming atalninnu, eci anyakku tu̱we̱ne̱t ci okkomi.

2 Ko̱ri̱nto̱ 4:5

Imma zin go̱o̱le̱ necu, ming kovvo naga kedemeza ol zoz ci obod ki e̱le̱tti̱ cigga̱k. Abarik, kedemezung zoz ci een Ye̱su̱ Ki̱ri̱sto̱, Manyi. Ke̱e̱ggi̱nna̱ du̱cca̱k cuggo̱k zo̱ze̱ cinne.

Vilipia 3:17

Gonogga tu̱we̱nta̱ do̱o̱k, abunna ming annuyu zoz cinanni, kar edemezta zoz ngati ol wak annu baiz ci karikka naga kize cunno̱ng ko̱.

Vilipia 4:9

I̱li̱ngli̱ngte̱ kaal cik edemeztu niga icima a̱gga̱ma̱nnu̱ icima iziktu icima icinntu ngatinanni. Kar Ta̱mu̱ta̱dde̱n ci een manyi gano ka̱vvu̱ ngatinno̱ng.

1 Te̱se̱lo̱ni̱ka̱ 1:7

Izetu ol cik i̱ye̱zzu̱ng ol wak elemtta zoz ci Ta̱mu̱ta̱dde̱no̱ lo̱o̱ce̱ ci een zara Macedonia ki lo̱o̱c ci Achaia do̱o̱k.

2 Te̱se̱lo̱ni̱ka̱ 3:9

Kaburnna wo̱ye̱ da̱ naga li̱ngli̱ngo̱n kar ka̱vvu̱tta̱ gaganiko, korongnyya zin ba̱li̱ye̱ ki̱ye̱ltte̱u̱ng baiz ci abahe ol wak a̱tu̱we̱. U̱tu̱gu̱z ki naga ko̱.

1 Ti̱mo̱te̱yo̱ 4:12

Ma anyik ol kibbeztin eci i̱nna̱ e̱e̱ni̱ idica, abarik anyik ol cik a̱tu̱we̱ kicinnet gool ci uwahe i̱nna̱ zoz ci Ta̱mu̱ta̱dde̱no̱, gool ci owowonu ki ol, gool ci ireze Ta̱mu̱ta̱dde̱n ki ol, gool ci a̱tu̱we̱ Ta̱mu̱ta̱dde̱n, ki gool ci abahe labak.

Ti̱to̱ 2:7

Abunna i̱nna̱ bu̱k ming ogoni kaal cik abunna kar ol kicinnet gool ci abunna ngatunne. Abunna kaala ne̱k ogoni ko̱ ming i̱ye̱la̱ de̱mzi̱ne̱t cunno̱ng.

1 Peturu 2:9

Abarik e̱e̱ggi̱nnu̱ niga zu̱we̱ ci atahala Ta̱mu̱ta̱dde̱n, olli wawaco ce̱e̱ze̱ cinne, zu̱we̱ ci a̱li̱le̱, ol cik Ta̱mu̱ta̱dde̱no̱, kar inatit nonno eci anyahaung ngati mu̱hu̱ri̱ kar icinnet ngintinne voori.