1 Peturu 4:16 - Tennet

¹⁶ Ming apirnannu niga ol cik e̱e̱ggi̱n Kiristian, ma anyikku a̱li̱ya̱n kadaung, abarik inatit Ta̱mu̱ta̱dde̱n eci anyaktu niga zar ne̱ke̱.

1 Peturu 4:16 ပူးပေါင်းရင်းမြစ်များ

Buk wa To̱ni̱a̱u̱ 11:26

Baling umuda enne nonno, anyahak zin nonno rok Antiyok. E̱de̱cca̱ Sauli ki Barnabas e̱rki̱t ngati edemez ol cik meelek ke̱le̱ci̱o̱. Akane ol Antiyokte arrak kar kutuwec nuyak zare cik een Kiristian.

Buk wa To̱ni̱a̱u̱ 26:28

Kar zin Agirippa kizek Pa̱u̱lo̱ ne, “Iróng wo̱ye̱ i̱nna̱ aanya annit kize Kiristian i̱i̱te̱n co̱de̱?”

Buk wa To̱ni̱a̱u̱ 28:22

Abarik zin i̱yo̱ko̱ korongnya kar kizikta i̱no̱ni̱ cunne, eci ka̱gga̱yya̱ ozoz ol zoz ci gerze obod ki ol wak a̱tu̱ Ye̱su̱ lo̱o̱co̱we̱ do̱o̱k.”

Buk wa To̱ni̱a̱u̱ 5:41

Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.

Vilipia 1:20

Gi̱i̱ zin ci korongi anna oroot ko̱ icu, karike zinin oroot, kar zin iróng adaka a̱li̱ya̱ni̱, abarik kanyai komiz ci kanime zoz, kar zoz ci Ki̱ri̱sto̱ ki̱di̱ngdi̱nga̱ne̱ eliye cinanni, go̱o̱le̱ ci ngen anna karugi icima ka̱da̱ha̱.

Vilipia 1:29

A̱a̱nyu̱ng enne baiz ci ogon niko zo̱ze̱ ci Ki̱ri̱sto̱, ma a̱tu̱yyu̱ nonno do̱ niko, abarik bo̱do̱k amudannu atin pirnanet zo̱ze̱ cinne,

2 Ti̱mo̱te̱yo̱ 1:12

I̱yo̱ko̱ a̱gi̱dda̱ ol zo̱ze̱ necu, iróng kanyai a̱li̱ya̱n, ma̱rri̱t ming ka̱tu̱ Ye̱su̱ wa atahalai. Ka̱gga̱ niko ming kazunne li̱ngli̱ngo̱n cinne bali aanya ke̱ zee ki̱ki̱ya̱ i̱i̱te̱ni̱ ci atin okko enne obodane.

Je̱mi̱s 2:7

Abarik niga odomtu zare cik abunna Manyi karumene naga ko̱.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

1 Peturu 4:11

Ming anyak e̱e̱ti̱ arizet zoza, aanyik nonno kuwahek ol zoz ci Ta̱mu̱ta̱dde̱no̱ wa een nonno ele. Ming anyak e̱e̱ti̱ zinin ci kar keela ol, anyik nonno keela ol doize bali aanyik nonno Ta̱mu̱ta̱dde̱n la̱du̱n ke̱. Kar ol kinnatit Ta̱mu̱ta̱dde̱n kaale do̱o̱k zo̱ze̱ ci Ye̱su̱ Ki̱ri̱sto̱. Imma zin zo̱ze̱ cinne aave di̱ngdi̱ngo̱ni̱ ki komiz atin udut. Amen.

1 Peturu 4:14

Abunna ming odomnyung ol zo̱ze̱ ci annuyu Ki̱ri̱sto̱ a̱tu̱yyu̱ nonno ko̱. A̱ma̱yu̱kte̱u̱ niga eci de̱ti̱ne̱t ki Vongiz ci Ta̱mu̱ta̱dde̱no̱ a̱vvu̱ ngatinno̱ng.

1 Peturu 4:19

I̱yo̱ko̱ zin, imma niga ol wak apirnannu go̱o̱le̱ ci oronge Ta̱mu̱ta̱dde̱n ko̱, abunna ming arikku zi̱nze̱tti̱ ciggo̱k do̱o̱k E̱e̱t wa bali eenycanet kar ku̱tu̱gu̱ zoz ci abunna odohize.