1 Peturu 4:13 - Tennet

¹³ Ataltto go̱o̱le̱ ci apirnannu ko̱ ki baling apirna Ki̱ri̱sto̱ ke̱. Okko atin zoz neci apirnannu niga ko̱, anyaha talinet ci a̱ppwe̱ oroot atin ming okko di̱ngdi̱ngo̱ni̱ cinne i̱ye̱la̱i̱.

1 Peturu 4:13 ပူးပေါင်းရင်းမြစ်များ

Ma̱te̱yo̱ 16:27

Eci okko Ngerrti E̱e̱to̱ a̱kku̱ di̱ngdi̱ngo̱nte̱ ci Baatinne orkora ki anjilonya ciginnek, okko amuc ol do̱o̱k kaale cik u̱tu̱gu̱ e̱e̱ti̱.

Ma̱te̱yo̱ 25:21

“O̱bo̱de̱k zin ddi̱ki̱ryo̱i̱ti̱ a̱nne̱k ne, ‘Abunna oroot, e̱e̱ni̱ i̱nna̱ du̱ca̱i̱t ci abunna, kar bo̱do̱k nyak zinin ci alali. A̱gga̱mu̱ i̱nna̱ lodet cik kidik ko̱ zinine ci alali, i̱yo̱ko̱ zin kaanyi atin gga̱m kaal cigannik meelek. I̱jja̱ ozolit talninet ki ddi̱ki̱ryo̱i̱t cunne.

Ma̱te̱yo̱ 25:23

“Ize zin ddi̱ki̱ryo̱i̱ti̱ ne, ‘Abunna oroot, du̱ca̱i̱t cinanni abunna kar kalal zinin. Alali i̱nne̱t zinin ngati a̱gga̱me̱ lodet cikidik, i̱yo̱ko̱ zin kaanyi ize ddi̱ki̱ryo̱i̱t ci abali kaal cik meelek. I̱jja̱ zin kozolit talninet ki ddi̱ki̱ryo̱i̱t cunne nga̱to̱de̱!’

Ma̱te̱yo̱ 25:31

“Ming okko Ngerrti E̱e̱to̱ a̱kku̱ di̱ngdi̱ngo̱nte̱ cinne ki anjilonya cik Ta̱mu̱ta̱dde̱no̱ do̱o̱k, okko atin enne aave lecere wa alaanzetinu, di̱ngdi̱ngo̱nte̱ ci a̱kku̱ ta̱mu̱-kenga.

Ma̱te̱yo̱ 25:34

“Kar zin alaani atin kizek ol wak aavtte a̱tte̱ ci a̱zzo̱ ko̱ ne, ‘I̱vi̱ta̱, niga ol balik u̱mu̱yu̱ng Baba ke̱, o̱o̱tte̱ kaal cik aragizu niga ba̱a̱li̱nte̱ ci ta̱mu̱-kengo bali adimanekkung enne baling ngen eenyce enne lo̱o̱c ke̱.

Ma̱te̱yo̱ 5:12

Ataltto, eci atin Ta̱mu̱ta̱dde̱n amuccu̱ng i̱ge̱t ta̱mu̱-kenga, ogon ki bali ming a̱gi̱d ol a̱ri̱tto̱k balik a̱vvu̱ o̱o̱we̱ cunno̱ng ke̱.

Marko 8:38

Ming adak e̱e̱ti̱ a̱li̱ya̱ni̱ zo̱ze̱ cinanni lo̱o̱ce̱ ci alawe ol kaal cik lo̱o̱tu̱ ko̱ ki bu̱u̱l cik mu̱nye̱nu̱ ko̱, adak atin a̱li̱ya̱ni̱ Ngerrti E̱e̱to̱ bu̱k zo̱ze̱ cinne ming okko enne a̱kku̱ di̱ngdi̱ngo̱nte̱ ci Baatinne ki anjilonya ciginnek a̱li̱le̱.”

Lu̱ka̱ 17:30

“Ogon zin atin looci bu̱k niko i̱i̱te̱ne̱ ci okko Ngerrti E̱e̱to̱ i̱ye̱la̱i̱.

Buk wa To̱ni̱a̱u̱ 16:25

Imma ba̱a̱li̱n kenga, alac Pa̱u̱lo̱ ki Silas Ta̱mu̱ta̱dde̱n kar bo̱do̱k ke̱be̱ni̱t lo̱ngnyo̱k, ma̱i̱je̱ gonoggja lagama aziye niko.

Buk wa To̱ni̱a̱u̱ 5:41

Iyokta zin to̱ni̱a̱ha̱ lo̱ki̱ka̱ talninta eci nege a̱gga̱ ming apirna nege zare cik Ye̱su̱.

Roma 5:3

Iróng zin ogon niko do̱o̱k! Katalne naga piryanzete ci kamuda eci ka̱gga̱ aanyyet piryanzet kinimet no̱ngi̱tto̱n,

Roma 8:17

A̱du̱wa̱kke̱t Vongizi cinne zoz bak ka̱gga̱ naga ki Ye̱su̱ Ki̱ri̱sto̱, aanyyet atin Ta̱mu̱ta̱dde̱n zoz ci u̱du̱wa̱ enne, kozol atin naga di̱ngdi̱ngo̱n ci Ye̱su̱, ming kipirta naga ki nonno.

Roma 8:18

Idica pirnanet ci kamuda naga lo̱o̱ta̱ ngatu ko̱, ming katubuz ki bunnat ci kovvo atin kamuda i̱i̱te̱n neci.

2 Ko̱ri̱nto̱ 1:5

Kozol naga piryanzet ci Ki̱ri̱sto̱ wa atahalai oroot, kar bo̱do̱k kozol bunnat ci eelannet enne agita oroot.

2 Ko̱ri̱nto̱ 1:7

Karikku̱ng naga i̱ge̱t zi̱nze̱tti̱ cigga̱k oroot, eci ka̱gga̱ naga ozolu niga piryanzet cinna, kar zin bo̱do̱k ozolu talninet cinna.

2 Ko̱ri̱nto̱ 4:10

Ahacet daizi agit e̱le̱tti̱ cigga̱c odohize ki̱ye̱la̱ daiz ci Ye̱su̱, kar rugeti cinne ki̱ye̱la̱i̱ e̱le̱tti̱ne̱ cigga̱c.

2 Ko̱ri̱nto̱ 4:17

Ka̱gga̱ kaal ne̱k gerzek i̱nna̱kke̱t ko̱, e̱e̱ggi̱n kaal cik obokce, a̱ra̱gje̱, iróng aavtte udut. Ming ki̱no̱n naga kaal cik anyahakket Ta̱mu̱ta̱dde̱n abak atin udut ta̱mu̱-kenga. Iróng pirnanet cinna anyaha gi̱i̱ imma.

Vilipia 3:10

Een gi̱i̱ ci korongi anna do̱o̱k abunna ka̱gga̱ Ki̱ri̱sto̱ ki doiz ci ingane nonno daiza kurug. Korongi kozolta ki nonno pirnanet cinne kar ka̱da̱k ki bali enne ke̱,

Kolosiya 1:24

I̱yo̱ko̱ zin, katalne anna eci kipira zo̱ze̱ cunno̱ng, eci u̱ce̱zi̱ ci eliye cinanni ko̱, korongi anna kedecak piryanzet bali apirnane Ki̱ri̱sto̱ zo̱ze̱ ci ol wak a̱tu̱we̱.

2 Ti̱mo̱te̱yo̱ 2:12

Ming kanime no̱ngi̱tto̱n cik a̱gi̱dde̱t ol zo̱ze̱ cinne, kovvo atin kabal lo̱o̱c ki nonno. Ming kutuburret nonno, aburnnet atin enne agit bu̱k.

1 Peturu 1:13

I̱yo̱ko̱ zin, abunna ming anyakku i̱no̱ni̱ne̱t cunno̱ng kar i̱li̱ngli̱ngte̱ zoz ci Ta̱mu̱ta̱dde̱no̱. Anyait urutoit baiza; aartik zi̱nze̱tti̱ deten ci a̱a̱nyu̱ng atin Ta̱mu̱ta̱dde̱n ming okko Ye̱su̱ Ki̱ri̱sto̱ a̱kku̱.

1 Peturu 2:21

Atahalaung ba̱li̱ye̱ Ta̱mu̱ta̱dde̱n kar ipirta kaale cik gerzek, ki bali ming apirna Ki̱ri̱sto̱ ngatinno̱ng ke̱. I̱ye̱le̱kku̱ng enne gool necu kar unuwet.

1 Peturu 5:1

Niga ddi̱ki̱rze̱t ci ke̱le̱ci̱o̱, ki ming karume anna ki i̱ge̱t ko̱, kilalekkung ke̱e̱ni̱ bbacait ci Ki̱ri̱sto̱ wa bali a̱gi̱d ol lo̱o̱ta̱ ngatu ke̱ ka̱da̱k, kokko atin anna kozola imma nonno di̱ngdi̱ngo̱n ci okko atin i̱ye̱la̱i̱ ke̱.

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.

Ju̱da̱ 1:24

A̱a̱nyu̱ng Ta̱mu̱ta̱dde̱n i̱ge̱t u̱zu̱tte̱ tu̱we̱ne̱t cunno̱ng, iróng enne a̱a̱nyu̱ng u̱yu̱kte̱, kar kuwuyung rok nginti aave enne di̱ngdi̱ngo̱nta̱ ki talninta.

O̱no̱zzo̱k 1:7

Icinnet, orkora enne ki di̱i̱z, kar ebere do̱o̱k kicinnet atin nonno, acin rok ol balik akati nonno; anyak atin olli lo̱o̱tu̱ do̱o̱k u̱lu̱wa̱ zo̱ze̱ cinne. De̱de̱, ogone atin! Amen.

O̱no̱zzo̱k 1:9

Ke̱e̱ni̱ anna Jon, gotonnu cunno̱ng tu̱we̱nta̱, kozol ki i̱ge̱t pirnanet, ki ba̱a̱li̱ne̱t ci Ta̱mu̱ta̱dde̱no̱, ki nimenet no̱ngi̱tto̱n zo̱ze̱ ci Ye̱su̱. Kaave ba̱li̱ye̱ anna lo̱o̱ce̱ ci aburuk maama een Patmos, kabai ki ci kecebje lagama, eci kuwahek ol zoz ci Ta̱mu̱ta̱dde̱no̱, kibbaci bo̱do̱k anna zoz ci Ye̱su̱.