1 Peturu 4:12 - Tennet

¹² Niga gotonogga ki ngonogga tu̱we̱nta̱, ma a̱ku̱le̱kku̱ je̱e̱n icima anyikku zi̱nze̱tti̱ ku̱u̱ce̱t ngati apirnannu, a̱vvu̱na̱kku̱ng atin kaala cik gerzek kar kitimantung.

1 Peturu 4:12 ပူးပေါင်းရင်းမြစ်များ

1 Ko̱ri̱nto̱ 10:13

Imma timaninet ci a̱kku̱na̱kku̱ng ko̱, a̱kku̱nna̱k gon ol do̱o̱k. Abarik zin gon Ta̱mu̱ta̱dde̱n azunne zoz ci u̱du̱wa̱ enne ngatinna, iróng anyike gi̱i̱ imma kitimannung kommog doiz cunno̱ng, abarik a̱a̱nyu̱ng i̱ge̱t doiz ci ommogju timaninet neci.

1 Ko̱ri̱nto̱ 3:13

abarik zin atin li̱ngli̱ngo̱ne̱ cinne i̱ye̱la̱ gi̱i̱ ci ogon enne, eci atin i̱i̱te̱n imma i̱ye̱la̱i̱ atin kaala nginti voori. I̱ye̱la̱i̱ atin li̱ngli̱ngo̱ni̱ cinne gwo̱o̱ya̱ ngati atuzene ce̱e̱z neci, kar atin gwa̱a̱ kitiman li̱ngli̱ngo̱n cinne̱ng e̱co̱de̱ e̱co̱de̱.

2 Ti̱mo̱te̱yo̱ 3:12

De̱de̱, ming aanyik e̱e̱ti̱ zinin Ta̱mu̱ta̱dde̱n ngati Ye̱su̱ Ki̱ri̱sto̱, abarik a̱gi̱d atin ol nonno.

1 Peturu 2:11

Niga gotonogga ki ngonogga tu̱we̱nta̱, e̱e̱ggi̱nnu̱ niga e̱re̱nno̱k lo̱o̱ce̱ cu. Kilalekkung aarta e̱le̱tti̱ kaale cik gerzek amin zi̱nze̱tti̱ cuggo̱k, eci anyaha zoz necu jo̱o̱re̱ zi̱nze̱tti̱nne̱ cuggo̱k.

1 Peturu 4:4

I̱yo̱ko̱ zin u̱ku̱lte̱u̱ng ol wak iróng a̱gga̱ Ta̱mu̱ta̱dde̱n azi ne, inya ming iróng niga ngen orkoryyu imma nogo kaale cik gerzek ogon nege ko̱? I̱yo̱ko̱ abarik nege odomtung i̱ge̱ta̱.

1 Peturu 5:9

Abunna zin niga do̱o̱k ming aburnnu kaal cik lo̱rye̱nta̱k. Okkomit tu̱we̱nta̱ kak. A̱gga̱yyu̱ ri̱t niga ol wak a̱tu̱we̱ lo̱o̱co̱we̱ do̱o̱k apirna ki i̱yo̱ko̱ niga ming apirnannu bu̱k ko̱.