1 Peturu 4:10 - Tennet

¹⁰ A̱ma̱yu̱ng i̱ge̱t deteni ci Ta̱mu̱ta̱dde̱no̱ a̱a̱nyu̱ng arizet ci abunna, kar niga abunna ming eelannu ol u̱gge̱. I̱li̱ngli̱ngte̱ zin ma̱yu̱we̱ne̱t necu ju̱rru̱m.

1 Peturu 4:10 ပူးပေါင်းရင်းမြစ်များ

Ma̱te̱yo̱ 20:28

Imma Ngerrti E̱e̱to̱ iróng a̱kku̱ ki̱vi̱ta̱ ol ki̱li̱ngli̱ngte̱k nonno, abarik, a̱kku̱ ki̱ki̱ya̱ ki̱li̱ngli̱nge̱k ol, kar kaanyik baiz cinne kize wawac ci ol cik meelek.”

Ma̱te̱yo̱ 24:14

Kar zin kaviyaha cik abunna obod ki ba̱a̱li̱ne̱t ci ta̱mu̱-kengo kuwaktozik lo̱o̱cco̱k do̱o̱k, bak aziye ol lo̱o̱co̱we̱, kar zin atin ṯurnenet ci lo̱o̱tu̱ ki̱ki̱ya̱.”

Ma̱te̱yo̱ 24:21

Eci a̱kku̱ atin zin piryanzet ci ommog veelek lo̱o̱c, a̱li̱be̱ne̱ atin Ce̱e̱z wa Ta̱mu̱ta̱dde̱no̱, ngati bali kanante ci lo̱o̱tu̱ rok i̱yo̱ko̱, iróng atin piryanzet necu a̱kku̱ bo̱do̱k.

Ma̱te̱yo̱ 24:45

“Ngene ci een du̱ca̱i̱t ci abunna elemi ngati a̱li̱ngli̱nge̱ zoz odohize kar bo̱do̱k kegeny, kar manyi ce̱e̱z kanyik nonno ka̱gga̱m kaal cik ce̱e̱zu̱ kar bo̱do̱k kadaiz ol ce̱e̱za̱?

Ma̱te̱yo̱ 25:17

Uwe bo̱do̱k du̱ca̱i̱ti̱ wa anyak lodet rama cik een dhahab ko̱ lodet ne̱ke̱ uk i̱li̱ngli̱nge̱, bak otorye lodetta cik een dhahab ko̱ kizeto lodet we̱c.

Ma̱te̱yo̱ 25:44

“Ovvo atin bo̱do̱k nege abarizek nonno, ‘Manyi kicinti i̱nne̱t nga ngati adaki magiz icima ngati a̱ru̱ki̱ koor, icima e̱e̱ni̱ e̱re̱nno̱i̱t o̱rge̱ cinna̱ng icima owo ollin i̱llo̱i̱ ru̱u̱ma̱ni̱, icima omori, icima aave lagama iróng zin naga ngen keelani ko̱?’

Marko 10:45

Eci Ngerrti E̱e̱to̱ iróng a̱kku̱ kar ol ki̱li̱ngli̱ngte̱k nonno, abarik a̱li̱ngli̱nge̱k enne ol, kar kaanyik ele cinne kize wawac ci ol cik meelek.”

Lu̱ka̱ 12:42

O̱bo̱de̱k zin Manyi nonno, “Ngene zin ci een e̱e̱t ci abunna kar ka̱gga̱m kaal cik li̱ngli̱ngo̱nta̱k ju̱rru̱m, nonno ci aarik alaani kize enne ddi̱ki̱ryo̱i̱t ci du̱cca̱k ciginnek, ci aanyik nogo o̱ro̱bi̱ya̱ cik da̱i̱nta̱k ming e̱de̱cca̱ nege nye̱lo̱k?

Lu̱ka̱ 19:13

Baling ngen enne kuk, utu zin enne du̱cca̱k waginnek een omoto kar kaanyik nogo o̱ro̱bi̱ya̱ lodet omoto cik een ziik. Kar enne kize ne, ‘I̱li̱ngli̱ngte̱ o̱ro̱bi̱ya̱ ne̱ko̱, zee koboda anna.’

Lu̱ka̱ 8:3

ki Joanna, ngaa ci Cuza wa een karan ci ce̱e̱z ci He̱ro̱di̱; ki Susanna; ki bo̱do̱k ngaai u̱gge̱ cik meelek. Eela ngaai ne̱ko̱ nogo kaale cigge̱k.

Roma 15:25

I̱yo̱ko̱, ngen anna kokko Jerusalema, kokkoye kaal cik eelanne ol cik a̱tu̱we̱ gonoggi nginati.

Roma 15:27

Ogon nege zoz necu do̱ zi̱nze̱tti̱nne̱ cik voorik. Agano nege ming ogon zoz necu. Ming ozol olli Ya̱u̱do̱ ki ol wak iróng een Ya̱u̱d ma̱yu̱we̱ne̱t ci Vongizo, ozol nege bu̱k ki olli Ya̱u̱do̱ kaal cik a̱ma̱yu̱we̱ Ta̱mu̱ta̱dde̱n nogo.

1 Ko̱ri̱nto̱ 15:10

Abarik kiize anna e̱e̱t imma bu̱k eci Ta̱mu̱ta̱dde̱n aanya deten cinne, iróng deteni ci Ta̱mu̱ta̱dde̱no̱ aave gaganiko ngatinanni. Ming ki̱li̱ngli̱nga̱ anna nu̱nu̱n oroot kommog to̱ni̱a̱k veelek, deten ci Ta̱mu̱ta̱dde̱no̱ ci a̱ma̱yu̱ka̱n.

1 Ko̱ri̱nto̱ 3:10

Imma detente ci Ta̱mu̱ta̱dde̱no̱ ko̱, aanya annit kize e̱e̱t ci ka̱li̱ngli̱ngi̱ ki i̱yo̱ko̱ e̱e̱ti̱ ci eenyet ce̱e̱z ko̱, kogonni zin anna ki i̱yo̱ko̱ e̱e̱ti̱ ci adawek ce̱e̱z lo̱o̱c go̱o̱le̱ ci abunna kodok kak, kar e̱e̱ti̱ imma ki̱ki̱ya̱ keteeheny ce̱e̱z neci kuk ta̱dde̱na̱. Abunna zin e̱e̱ti̱ ming azunne gool ci eenycine enne ko̱ ju̱rru̱m.

1 Ko̱ri̱nto̱ 4:7

Nya ci a̱a̱nyu̱ng i̱ge̱t a̱vvu̱t do̱ koola? Nya ci anyai i̱nna̱ ci iróng aruba ko̱? Gi̱i̱ta̱zi̱ zin ci ngen i̱nna̱ ruba baiza ko̱? Ming a̱a̱nyu̱ng Ta̱mu̱ta̱dde̱n kaal veelek, nya ming odongi i̱nna̱ ele ki ci ngen enne kaanyi i̱nne̱t ko̱?

2 Ko̱ri̱nto̱ 6:1

Imma gi̱i̱ye̱ wa ka̱li̱ngli̱ngo̱ni̱kka̱ naga Ta̱mu̱ta̱dde̱n, kilalekkung zin zo̱ze̱ cu: Abunna ming a̱li̱ngli̱ngnyu̱ bunnate ci Ta̱mu̱ta̱dde̱no̱ ju̱rru̱m.

2 Ko̱ri̱nto̱ 9:1

I̱yo̱ko̱, iróng korongi ketehereung zoz ci obod ki muci balik oowa ol wak a̱tu̱we̱ kar ki̱tto̱nto̱zzi̱k ollik Ta̱mu̱ta̱dde̱no̱ lo̱o̱ce̱ ci een Ju̱de̱ya̱, Jerusalema.

Evesos 3:8

Ma wo̱ye̱ nu̱nu̱n ming ke̱e̱ni̱ anna vu̱rru̱t oroot ngati olli Ta̱mu̱ta̱dde̱no̱ do̱o̱k, anyozia annit deten necu, atahala Ta̱mu̱ta̱dde̱n kar ki̱li̱ngli̱ng li̱ngli̱ngo̱n ci a̱di̱ngdi̱nge̱ oroot kar kuwaheung i̱ge̱t ol wak iróng e̱e̱ggi̱n Ya̱u̱d ko̱ kaviyak cik abunna Ki̱ri̱sto̱, anyak eezet ci iróng naga ka̱gga̱.

Evesos 4:11

Ki̱ri̱sto̱ zin nenen ci aanyik ol u̱gge̱ kizeto to̱ni̱a̱k, ovvo uggak e̱e̱ggi̱n a̱ri̱tto̱k cik zoz ci Ta̱mu̱ta̱dde̱no̱, ovvo uggak e̱e̱ggi̱n ol wak eron ovvo uwahek ol kaviyak cik Ta̱mu̱ta̱dde̱no̱ i̱do̱ngi̱ne̱, ovvo uggak e̱e̱ggi̱n tuwayok cik zoz ci Ta̱mu̱ta̱dde̱no̱ ki de̱me̱zzo̱k,

2 Ti̱mo̱te̱yo̱ 1:18

Anyik Manyi bai ka̱mu̱yu̱k Onesiphorus kar kuruba eezet ming okko Manyi Ye̱su̱ obodak lo̱o̱c. A̱gga̱ ri̱t i̱nna̱ bu̱k eelawa enne go̱o̱lo̱we̱ cik meelek lo̱o̱ce̱ ci Ephesusi.

Ti̱to̱ 1:7

Abunna ming abak baiz ci emede eci enne een tuwayoit ci Ta̱mu̱ta̱dde̱no̱. Gerza ming idica zinin, gerza ming een bba̱kco̱i̱t, gerza ming een e̱e̱t ci jo̱o̱re̱ttu̱, gerza ming anyak zinin ci a̱ppwe̱ o̱ro̱bi̱ya̱i̱.

I̱bu̱ru̱ 6:10

A̱gga̱m Ta̱mu̱ta̱dde̱n ol go̱o̱le̱ ci abunna, iróng enne erehek li̱ngli̱ngo̱ni̱ ci a̱li̱ngli̱nge̱kku̱ niga nonno ki rezinet ci irezzu niga nonno go̱o̱le̱ ci eelannu ol ciginnek ki ba̱li̱ye̱. A̱gga̱ zin enne niko ming emenannu ngati eelannu nogo.

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.

1 Peturu 5:12

Eelanna Silasi ngati kehere waraga cu, ka̱gga̱ Silas niko ming een gotonet ci anyak deten. Een waraga ci keherakkung ko̱, waraga ci orongi kar ku̱du̱wa̱u̱ng abunna ming a̱gga̱yyu̱ deten ci Ta̱mu̱ta̱dde̱n ming een de̱de̱ kar abunna ming emenannu ngati a̱tu̱yyu̱ nonno.