1 Peturu 3:9 - Tennet

⁹ Ming ogoneki e̱e̱ti̱ gi̱i̱ ci gerze icima odomnyin, icima amarninin, ma acaca, abarik lalek nonno, ma̱yu̱k nonno, tu̱gu̱we̱k kaal cik abunna eci bali atahalaung Ta̱mu̱ta̱dde̱n kar izet dooli ciginnek tu̱we̱nta̱. Azi Warage ci Ta̱mu̱ta̱dde̱no̱ ne,

1 Peturu 3:9 ပူးပေါင်းရင်းမြစ်များ

Kananet 42:25

Erecanek zin Yosevo ol wak a̱li̱ngli̱ng bu̱k ke̱ ke̱le̱ze̱k labi lodet cigge̱k, kar bo̱do̱k kobodehe ngenngene o̱ro̱bi̱ya̱ ciginnek lo̱do̱ cinne, kar kanycik nogo da̱i̱ne̱t cik goolu. Baling u̱tu̱gu̱zze̱ kaala ne̱ko̱ do̱o̱k ngatinne̱ng,

Ma̱te̱yo̱ 19:29

Imma e̱e̱ti̱ ci ungnek ce̱e̱zi̱ icima gotonoggi icima ngonoggi icima baatinne icima yaatinne icima dooli icima kaal ciginnek zo̱ze̱ cinanni, amuda atin o̱bo̱n co̱de̱ (100) kaale ne̱k ungnek enne lo̱o̱c ke̱, kar atin karagiz baiz wa aave udut.

Ma̱te̱yo̱ 25:34

“Kar zin alaani atin kizek ol wak aavtte a̱tte̱ ci a̱zzo̱ ko̱ ne, ‘I̱vi̱ta̱, niga ol balik u̱mu̱yu̱ng Baba ke̱, o̱o̱tte̱ kaal cik aragizu niga ba̱a̱li̱nte̱ ci ta̱mu̱-kengo bali adimanekkung enne baling ngen eenyce enne lo̱o̱c ke̱.

Ma̱te̱yo̱ 5:39

Abarik zin ka̱du̱wa̱kku̱ng, ma alami e̱e̱t ci gerze. Ming apani e̱e̱ti̱ mucec co̱de̱, anyik kapan o̱to̱n co̱de̱ ke̱ bu̱k.

Ma̱te̱yo̱ 5:44

Abarik zin ka̱nne̱kku̱ng ne: Irezzit modden cuggo̱k, alayek ol wak a̱gi̱ddu̱ng Ta̱mu̱ta̱dde̱n,

Marko 10:17

Baling akate Ye̱su̱ we̱t, i̱vi̱ra̱k e̱e̱ti̱ imma nonno kar kakatek u̱zu̱ngti̱nne̱, kar zin ki̱jji̱no̱, ize ne, “De̱me̱zo̱i̱t ci abunna, ku̱tu̱gu̱ nya kar kumuda baiz ci aave udut?”

Lu̱ka̱ 10:25

Anyak i̱i̱te̱n imma ci ingazi de̱me̱zo̱i̱ti̱ ci lo̱ti̱nno̱k wak Musesi je̱e̱na̱ orong kitiman Ye̱su̱. Kar enne ki̱jji̱nno̱, “De̱me̱zo̱i̱t, ku̱tu̱gu̱ ucca anna nya kar karagiz baiz wa aave udut?”

Lu̱ka̱ 18:18

I̱jji̱n zin alaani imma nonno, “De̱me̱zo̱i̱t ci abunna ko̱, ku̱tu̱gu̱ anna nya kar kumuda baiz wa aave udut?”

Roma 12:14

Alac Ta̱mu̱ta̱dde̱n kar ka̱ma̱yu̱k ol wak gon a̱gi̱ddu̱ng; a̱ma̱yu̱we̱t nogo, ma otoryu.

Roma 12:17

Ming ogonekku̱ng e̱e̱ti̱ imma i̱ge̱t zoz ci gerze, ma acacannu zo̱ze̱ ci gerze. Abarik u̱tu̱gu̱z kaal cik abunna cik acin ebere do̱o̱k een de̱de̱.

Roma 8:28

Ka̱gga̱ bo̱do̱k naga ogon Ta̱mu̱ta̱dde̱n zoz ci abunna kaale cik i̱i̱na̱k ol wak irez nonno. E̱e̱ggi̱n ne̱ko̱ ol wak engera enne kizeto ol cik orong enne,

Roma 8:30

Utu zin Ta̱mu̱ta̱dde̱n ol balik odola atahala enne, imma ol ne̱k awu enne ko̱, elema enne kize ol wak abunna, kar kaanyik nogo kozolit komiz cinne.

Ga̱la̱ti̱a̱ 3:14

Imma zin i̱yo̱ko̱, aanyyet daizi ci Ye̱su̱ Ki̱ri̱sto̱ ngati a̱da̱kne̱ ngatinna ol wak iróng een Ya̱u̱d ma̱yu̱we̱ne̱t ki bali aanyik Ta̱mu̱ta̱dde̱n Aburaham oowa ke̱, kar zin ka̱mu̱yu̱k ol cik lo̱o̱tu̱ do̱o̱k. Kar ol wak a̱tu̱we̱ ku̱mu̱dda̱ Vongiz ci A̱li̱le̱ bali u̱du̱wa̱ Manyi ke̱ go̱o̱le̱ ci a̱tu̱we̱ne̱ nege.

Evesos 4:32

Abunna abarik ming irezonu niga do̱o̱k, abunna ming anyakku eezet zi̱nze̱tti̱nne̱, alaltek ol, ki i̱yo̱ko̱ ming alalnek Ta̱mu̱ta̱dde̱n ol zo̱ze̱ ci Ki̱ri̱sto̱ ko̱.

1 Te̱se̱lo̱ni̱ka̱ 5:15

Ma acacannu kaal cik gerzek ogonekku̱ng ol, abarik u̱tu̱gu̱zze̱k ol do̱o̱k kaal cik abunna.

I̱bu̱ru̱ 12:17

Imma bali vu̱rrta̱, ki ming a̱gga̱ i̱nna̱ ko̱, baling orong enne karagiz ma̱yu̱we̱ne̱t neci ngati baatinne, utubur zin baatinne. Iróng baatinne ngen alalek nonno baling uduta enne ti̱la̱lo̱ nu̱nu̱n.

I̱bu̱ru̱ 6:14

“Ka̱ma̱yu̱ki̱ atin anna i̱nne̱t de̱de̱ kar kaanyi dooli cik meelek.”

1 Peturu 5:10

Ma zin Ta̱mu̱ta̱dde̱n a̱a̱nyu̱ng i̱ge̱t deten do̱o̱k, ngati ipirtayyu niga, okko atin Ta̱mu̱ta̱dde̱n a̱a̱nyu̱ng okkomit kak kar bo̱do̱k ki̱ti̱ri̱zzu̱ng udut, nonno nenen ci i̱tto̱na̱ne̱ enne Ye̱su̱ Ki̱ri̱sto̱ kar ki̱ki̱ya̱ atahalaung ko̱.