1 Peturu 3:7 - Tennet

⁷ Anycik ol cik macik go̱o̱le̱ necu bu̱k ko̱to̱ngo̱o̱ltte̱ ngaai cigge̱k ming abakku bu̱k ko̱, i̱ti̱ri̱zze̱t nogo labak kizeto ngaai, kar niga do̱o̱k ozolit ruget ci aave udut, ki bali amuccu̱ng Ta̱mu̱ta̱dde̱n i̱ge̱ta̱ rugeta ko̱, kar atin i̱llo̱i̱ gi̱i̱ imma ci alam lawinet cunno̱ng ngati Ta̱mu̱ta̱dde̱no̱.

1 Peturu 3:7 ပူးပေါင်းရင်းမြစ်များ

Ma̱te̱yo̱ 18:19

“Ka̱du̱wa̱kku̱ng bo̱do̱k zoz cu dee, ming elemtta ol cik een rama zo̱ze̱ emani lo̱o̱ta̱ ngatu kaale cik a̱jji̱nnu̱, ogon atin Baba bu̱k ta̱mu̱-kenga.

1 Ko̱ri̱nto̱ 7:3

Abunna e̱e̱ti̱ ci maci ming abak ki ngaa cinne ju̱rru̱m, okko bo̱do̱k ngaa abak baiz ci ireze nege e̱le̱tti̱, iróng etteddo ebere cabak.

Evesos 3:6

Zoz zin ci i̱ye̱le̱ka̱ annit Ta̱mu̱ta̱dde̱n zoz ko̱ necu, ol wak iróng e̱e̱ggi̱n Ya̱u̱d izeto nege bu̱k dooli ciginnek zo̱ze̱ wa utuhu enne kaviyak ne̱ko̱, ozolit zin nege bu̱k ki olli Israilo kaal cik Ta̱mu̱ta̱dde̱no̱, urumte zin nege do̱o̱k kizeto ele co̱de̱. Ozol zin nege do̱o̱k kaviyak cik abunna bali u̱du̱wa̱ Manyi ngati Ye̱su̱ Ki̱ri̱sto̱ ke̱.

Evesos 4:30

Ma anyikku Vongiz ci A̱li̱le̱ Ta̱mu̱ta̱dde̱no̱ komoze, nonno ci a̱a̱nyu̱ng a̱gga̱c i̱i̱te̱n imma, ovvo atin niga abakku labak ki̱zze̱c mu̱nye̱na̱ ming okko Ye̱su̱ obodak lo̱o̱c.

Evesos 5:33

I̱yo̱ko̱ zin, i̱ya̱bzo̱ni̱ku̱ng abarik zoz necu i̱ge̱t e̱le̱tti̱, abunna e̱e̱ti̱ ming irez ngaa cinne ki i̱yo̱ko̱ ming irez enne ele cinne ko̱. Abunna bo̱do̱k ngaa ming aziye zoz ci e̱e̱t cinne ju̱rru̱m.

Evesos 6:18

Ma abilizzu lawinet Ta̱mu̱ta̱dde̱n. U̱tu̱gu̱z kaal ne̱ko̱ do̱o̱k ngati alaweku gonoggu wak a̱tu̱we̱ Ta̱mu̱ta̱dde̱n odohize doize ci Vongiz cinne kar enne keelaung.

Kolosiya 3:19

Aanycik ol cik macik kirezit ngaai cigge̱k. Ma odomnyu nogo.

1 Te̱se̱lo̱ni̱ka̱ 4:4

Anyik gon ngengene kalam ele cinne ngati okkoye ngaane, a̱gga̱mi̱t e̱le̱tti̱ ki̱li̱le̱c kar kirezzttung ol.

Ti̱to̱ 3:7

I̱ti̱ri̱zze̱t Ye̱su̱ agit kubunnta ju̱rru̱m detene cinne kommog kaal do̱o̱k. Aanyet gool ci elemannet Ta̱mu̱ta̱dde̱n kar zoz ci karike naga zi̱nze̱tti̱ ko̱ kamuda atin baize ci aave udut.

I̱bu̱ru̱ 1:14

E̱e̱ggi̱n anjilonya cik Ta̱mu̱ta̱dde̱no̱ vongizzok cik i̱tto̱na̱ Ta̱mu̱ta̱dde̱n kar ki̱li̱ngli̱ngto̱zi̱k ol wak amuda ti̱ri̱ze̱ne̱t ci Ta̱mu̱ta̱dde̱no̱.

1 Peturu 3:1

Niga ngaai, o̱to̱ngo̱o̱ltte̱ maccwa ciggo̱k, kar uggak cik abure zoz ci Ta̱mu̱ta̱dde̱no̱ ko̱, okko atin zoz cunno̱ng a̱tu̱yyu̱ niga Manyi ko̱ aanyik atin nogo kelemtta zoz ci Ta̱mu̱ta̱dde̱no̱ ci iróng niga a̱du̱wa̱kku̱ nogo.