1 Peturu 3:4 - Tennet

⁴ Abarik zin abunna ming a̱kku̱ zi̱zi̱wo̱ni̱ cunne zinina, zi̱zi̱wo̱n ci iróng aditai ki zinin ci abunna, een necu zoz ci riili ngu̱me̱ ci Ta̱mu̱ta̱dde̱no̱.

1 Peturu 3:4 ပူးပေါင်းရင်းမြစ်များ

Ma̱te̱yo̱ 11:29

A̱gga̱mtta̱ de̱mzi̱ne̱t cinanni ju̱rru̱m, kar edemezta zoz ngatinanni. Ke̱e̱ni̱ anna e̱e̱t ci alali zinin, amudannu atin yu̱bze̱ne̱t zi̱nze̱tti̱nne̱ cuggo̱k.

Ma̱te̱yo̱ 21:5

“Du̱wa̱k ol cik Zioni, ‘Icinnet, a̱kku̱na̱kku̱ng alaani cunno̱ng i̱ge̱ta̱, Een enne e̱e̱t ci iróng odong ele, ottod enne zi̱gi̱r owoye, owo mo̱o̱lte̱ ci zi̱gi̱ro̱.’”

Ma̱te̱yo̱ 23:26

E̱e̱ggi̱nnu̱ ru̱be̱ne̱ niga Varacis! Utunyyet arrak uduc ecito, kar zin bo̱i̱c bo̱do̱k ki̱zi̱zi̱ niko.

Ma̱te̱yo̱ 5:5

U̱mu̱yu̱k Ta̱mu̱ta̱dde̱n ol wak iróng odong e̱le̱tti̱ cigge̱k, ovvo atin nege aragiz lo̱o̱c.

Lu̱ka̱ 11:40

E̱e̱ggi̱nnu̱ niga ol cik alitannung zoz! Amire ki e̱e̱t ci adiman uduc eci bo̱i̱co̱ ko̱ ci adiman bo̱do̱k ecito ko̱?

Lu̱ka̱ 16:15

Kar zin enne kizek nogo ne, “Orongnyu niga i̱ye̱lta̱ e̱le̱tti̱ cuggo̱k izet ol cik abunnanu eberene cik ollu, ma̱i̱je̱ Ta̱mu̱ta̱dde̱n a̱gga̱ zi̱nze̱tti̱ ciggo̱k. Imma kaala cik irez ol cik lo̱o̱tu̱ oroot, e̱e̱ggi̱n kaal cik gerzek ngu̱me̱ ci Ta̱mu̱ta̱dde̱no̱.”

Roma 1:23

Utunget nege iróng ngen ala Ta̱mu̱ta̱dde̱n de̱de̱ wa aruge udut, abarik i̱di̱ngdi̱nga̱nni̱t to̱do̱yyo̱k wak oova ol keene iróng aruge, ki i̱yo̱ko̱, iballi, elegje, ki elegje wak a̱vu̱vu̱t lo̱o̱ta̱, aanyik e̱e̱ti̱ ci diiri kaal ne̱ko̱ kizeto ta̱mu̱ta̱dde̱ne̱t cigge̱k.

Roma 2:29

Abunna e̱e̱ti̱ ming een Ya̱u̱do̱c de̱de̱, etted wucic vi̱ca̱vi̱ca̱, o̱ngo̱o̱le̱ lo̱ti̱nno̱k cik Ta̱mu̱ta̱dde̱no̱. Amuda e̱e̱ti̱ rezinet ci Ta̱mu̱ta̱dde̱no̱ de̱de̱ go̱o̱le̱ ci aanyik enne Manyi zinin cinne, iróng een go̱o̱le̱ ci ettede ol vi̱ca̱vi̱cce̱t, een abarik Vongiza. Anyik Ta̱mu̱ta̱dde̱n ka̱ma̱yu̱k e̱e̱t, iróng een ol cik diirik.

Roma 6:6

Ka̱gga̱ naga odode baizi cinna bali reeni ke̱ ki Ye̱su̱ keete ci een ta̱la̱ke̱c, kar mu̱nye̱na̱ iróng aruba gool ci abaleta,

Roma 7:22

Kelemi zin anna zinine cinanni do̱o̱k lo̱ti̱nno̱k cik Ta̱mu̱ta̱dde̱no̱.

2 Ko̱ri̱nto̱ 10:1

I̱yo̱ko̱, kilalekkung anna Pa̱u̱lo̱ eliya i̱ge̱t go̱o̱le̱ ci kozoze muluwe ci alali abunna kiwagon Ki̱ri̱sto̱. Ming kaave anna ki i̱ge̱ta̱, kozozi “dalanzeta” ma̱i̱je̱ ming kaave reena ngatinno̱ng kozozi iróng “ko̱ngo̱o̱le̱” zoz!

2 Ko̱ri̱nto̱ 4:16

I̱yo̱ko̱ zin, eci naga ka̱gga̱ go̱o̱le̱ ci kapirnane zo̱ze̱ ci kuwahek ol zoz ci Ta̱mu̱ta̱dde̱no̱ kar ol cik meelek ko̱to̱ngo̱o̱ltte̱ Ta̱mu̱ta̱dde̱n, iróng zin kaburnna nong li̱ngli̱ngo̱ne̱ necu kar kibilizta de̱mzi̱ne̱t ol zoz ci Ta̱mu̱ta̱dde̱no̱. Ming ize ddi̱ki̱ro̱n nu̱nu̱n, eelannet Ta̱mu̱ta̱dde̱n odohize, aanyyet komiz zi̱nze̱tti̱nne̱.

Ga̱la̱ti̱a̱ 5:23

ki gool ci kozozik ol muluwe ci alali, aanyyet kanyait urutoit zoza. I̱llo̱i̱ lo̱ti̱nno̱k cik ongorko ki kaal ne̱ko̱.

Evesos 4:2

Ma odongnyu e̱le̱tti̱ cuggo̱k, izet gunune. Aanycik zi̱nze̱tti̱ kalalit. Abait ki ol rezinta.

Kolosiya 3:12

I̱yo̱ko̱ zin, ki ming atahalaung Ta̱mu̱ta̱dde̱n kar izet ol ciginnek a̱li̱le̱ ko̱, irezung zin enne i̱ge̱ta̱. Abunna zin ming amanikku ol, anyait bunnat, izet ol cik gununik, kar inimet no̱ngi̱tto̱n.

Kolosiya 3:3

Eci a̱da̱kttu̱ niga ba̱li̱ye̱, imma i̱yo̱ko̱ a̱lu̱gnye̱ baizi cunno̱ng ki Ki̱ri̱sto̱ ngati Ta̱mu̱ta̱dde̱no̱.

1 Te̱se̱lo̱ni̱ka̱ 4:11

Ki̱lo̱tu̱ng bo̱do̱k ka̱nne̱kku̱ng ne, abait baiz ci abunna aavtiyyu labak, i̱li̱ngli̱nge̱t li̱ngli̱ngo̱n azzine cuggo̱k kar urubta da̱i̱ne̱t ki bali ming ku̱du̱ktta̱u̱ng ke̱.

2 Te̱se̱lo̱ni̱ka̱ 3:12

Ki̱lo̱tta̱ zin naga ol cik ogon niko zare cik Manyi Ye̱su̱ Ki̱ri̱sto̱ abunna ming akannek zo̱o̱ lo̱o̱c kar ki̱li̱ngli̱nge̱t da̱i̱ne̱t cik adak nege.

1 Ti̱mo̱te̱yo̱ 2:2

Alayek Ta̱mu̱ta̱dde̱n alaat cik abal lo̱o̱c ki ol wak a̱ddi̱ki̱re̱ abal ol, ki ol wak abal nege, kar kabait labak go̱o̱le̱ ci kireze Ta̱mu̱ta̱dde̱n zi̱nze̱tti̱nne̱ cik abunna.

2 Ti̱mo̱te̱yo̱ 2:25

Abunna ming abariz ol wak adang nonno idic. Icima atin Ta̱mu̱ta̱dde̱n uhu zi̱nze̱tti̱ cigge̱k, kar kutungttek mu̱nye̱n lo̱o̱c, kar ka̱gga̱c zoz wa een de̱de̱.

Ti̱to̱ 3:2

Gerza ming ozoz e̱e̱ti̱ gerzet, abunna ming alit dango. Abarik, abunna ming e̱e̱ggi̱nnu̱ ol cik gununik, abunna ming i̱i̱rke̱nnu̱ olle do̱o̱k.

Je̱mi̱s 1:21

Ibilizet kaal wak gerzek lo̱rye̱nta̱k do̱o̱k wak aavtte orgene cunno̱ng odohize. Elemtta zi̱nze̱tti̱nne̱ cik alali zoz wa een de̱de̱, aarik Ta̱mu̱ta̱dde̱n zi̱nze̱tti̱ cuggo̱k kize ci a̱ti̱ri̱z vongizzok cuggo̱k.

1 Peturu 1:23

Eci Ta̱mu̱ta̱dde̱n a̱a̱nyu̱ng i̱ti̱rrtta̱i̱ bo̱do̱k, iróng een kaale cik aditai, abarik iróng aditai udut, go̱o̱le̱ ci kabahe kar kinimet zoz ci Ta̱mu̱ta̱dde̱no̱.

1 Peturu 3:15

Abarik o̱to̱ngo̱o̱ltte̱ Ki̱ri̱sto̱ kize Manyi zi̱nze̱tti̱nne̱ cuggo̱k. Abunna ming erewinnu ju̱rru̱m kar abarizet e̱e̱t ci a̱jji̱nne̱ orong ka̱gga̱ zoz ci anyakku niga arikku zi̱nze̱tti̱ ko̱.