1 Peturu 3:20 - Tennet

²⁰ E̱e̱ggi̱n zin bali ol ne̱ke̱, ol cik abure Ta̱mu̱ta̱dde̱n bali reena e̱rki̱nya̱i̱ balik aave Nowa lo̱o̱ta̱ ngatu ke̱, ere bali Ta̱mu̱ta̱dde̱n nogo baling ngen Nowa adiman i̱bo̱ ke̱. Abarik zin bali i̱i̱te̱n neci anyigzai ol cik e̱e̱ggi̱n tu̱rge̱, imma ol do̱o̱k utuddudde maame.

1 Peturu 3:20 ပူးပေါင်းရင်းမြစ်များ

Kananet 6:13

Iizek zin Ta̱mu̱ta̱dde̱n Nowa ne, “Kokko anna kadita ol lo̱o̱ta̱ veelek, ma̱rri̱t looci abbize kaala cik gerzek zo̱ze̱ cinne̱ng. Kodola anna kokko la̱du̱n kadita ol ki kaal ne̱k lo̱o̱ta̱ ko̱ bu̱k.

Kananet 6:3

Ize zin Manyi ne, “Iróng Vongizi cinanne atin adang e̱e̱t ci diiri udut, eci enne een daizoit; abak atin enne e̱rki̱nya̱ o̱bo̱n co̱de̱ ki moten ram (120).”

Kananet 6:5

Baling icin Manyi ol lo̱o̱ta̱ izeto gerze, i̱no̱ni̱t nege odohize zi̱nze̱tti̱nne̱ do̱o̱k kaal cik gerzek.

Kananet 6:8

Abarik Manyi atali ba̱li̱ye̱ Nowa do̱ niko.

Kananet 7:13

Ma̱i̱je̱ i̱i̱te̱n neci i̱tto̱zzo̱ Nowa ki logoz waginnek Shem ki Ham ki Japheth ki ngaa wainne ki ngaai cik logoz ne̱k e̱e̱ggi̱n i̱i̱yo̱ ko̱ do̱o̱k i̱bo̱.

Kananet 8:1

I̱no̱n zin Ta̱mu̱ta̱dde̱n zoz ci Nowa ki ollinne ki kaal ki elegje balik aavtte ki nonno i̱ba̱ ke̱, kar zin ki̱tto̱na̱ ngoot ku̱vu̱wa̱n lo̱o̱c, kar zin maama koot lo̱o̱ta̱ todowai.

Kananet 8:18

Iyokta zin Nowa ki ngaa wainne ki logoz ki ngaai wagge̱k re̱e̱nu̱n.

Ma̱te̱yo̱ 7:14

Ma̱i̱je̱ gool ci een lorit anyak aran ci luduci ko̱ een gool ci okkoyet baize ci abunna, i̱i̱zo̱ ol cikidik do̱ niko.

Lu̱ka̱ 12:32

“Ma o̱ngo̱o̱li̱nnu̱ gi̱i̱ imma, niga demezyaha cikidik ko̱, eci Be̱e̱ti̱nno̱ng wa aave ta̱mu̱-kenga atalne oroot ngati a̱a̱nyu̱ng ba̱a̱li̱ne̱t cinne.

Buk wa To̱ni̱a̱u̱ 2:41

Imma zin ol balik elemtta kaviyak ciginnek ko̱, a̱gga̱mto̱zi̱k nogo ba̱ti̱ti̱mo̱, e̱e̱ggi̱n wo̱ye̱ nege i̱bbo̱nge̱t i̱i̱yo̱ (3,000), otortozik nege ol cik a̱tu̱we̱ i̱i̱te̱ne̱ neci.

Roma 9:22

Orong Ta̱mu̱ta̱dde̱n ki̱ye̱la̱ mozinet ki doiz cinne ka̱gga̱we̱, ngati ol wak gerzek agano ki ru̱we̱ne̱t. Abarik enne alalnek ol ne̱ko̱ dee.

Evesos 5:26

Ogon enne zoz necu abunna nege ovvo e̱e̱ggi̱n ol cik abunna doize ci zoz cinne, idiman zin enne nogo kizeto ol cik a̱li̱le̱ ngati unye nogo maame.

I̱bu̱ru̱ 11:7

Imma bo̱do̱k tu̱we̱nte̱ ci e̱e̱t ci een zara Nowa, izik zoz bali i̱lo̱ti̱ke̱ Ta̱mu̱ta̱dde̱n ke̱ kar kuk ku̱tu̱gu̱ gi̱i̱ ci iróng enne acin bu̱k. Idiman zin i̱bo̱ ci a̱ddi̱ki̱re̱ kar ki̱ti̱ri̱z ol ciginnek. Utuburek zin Nowa olli lo̱o̱tu̱ nong, aanyik zin Ta̱mu̱ta̱dde̱n nonno kubunna eci enne anyak tu̱we̱ne̱t.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Peturu 1:9

eci niga urubtau gi̱i̱ ci orongnyu niga tu̱we̱nte̱ cunno̱ng, ti̱ri̱ze̱ne̱t ci zi̱nze̱tti̱ cuggo̱k.

1 Peturu 2:25

Ogonnu niga ba̱li̱ye̱ ki a̱zza̱ wak ajali. Imma zin i̱yo̱ko̱ oboddau, i̱vi̱ta̱u̱ tuwayoit wa azunne ruget cunno̱ng.

1 Peturu 3:19

Imma zin zo̱ze̱ ci Vongiz neci, uk Ki̱ri̱sto̱ uwahek zoz ci Ta̱mu̱ta̱dde̱no̱ vongizzok wak e̱ce̱bje̱ lagama.

1 Peturu 4:19

I̱yo̱ko̱ zin, imma niga ol wak apirnannu go̱o̱le̱ ci oronge Ta̱mu̱ta̱dde̱n ko̱, abunna ming arikku zi̱nze̱tti̱ ciggo̱k do̱o̱k E̱e̱t wa bali eenycanet kar ku̱tu̱gu̱ zoz ci abunna odohize.

2 Peturu 2:5

Imma e̱rki̱te̱ bali ngen Nowa aruge ke̱, iróng Ta̱mu̱ta̱dde̱n alalnek olli lo̱o̱tu̱ mu̱nye̱nu̱. I̱li̱b zin enne nogo tawana, eela zin enne ol turgerem ki Nowa wa bali uwahek ol zoz ci abunna.

2 Peturu 3:15

Abunna zin ming a̱gga̱yyu̱ niga zi̱nze̱tti̱nne̱ cuggo̱k, laliz zinin ci Manyi Ta̱mu̱ta̱dde̱n ci anyahakket ti̱ri̱ze̱ne̱t. Eteheraet gotoneti ci een Pa̱u̱lo̱ ba̱li̱ye̱ kaal ne̱ko̱ genyize ci aanyik Ta̱mu̱ta̱dde̱n nonno.