1 Peturu 3:18 - Tennet

¹⁸ Eci a̱da̱i̱ ba̱li̱ye̱ Ki̱ri̱sto̱ lak co̱de̱ mu̱nye̱ne̱ cigga̱c. Iróng bali enne abaci gi̱i̱ imma. Abarik zin bali enne a̱da̱i̱ zo̱ze̱ ci ol cik ogon kaal cik gerzek kar kanyahak nogo Ta̱mu̱ta̱dde̱n, a̱ru̱we̱ bali enne ka̱da̱k, ma̱i̱je̱ bali Vongizi aanyik nonno kurug.

1 Peturu 3:18 ပူးပေါင်းရင်းမြစ်များ

Ma̱te̱yo̱ 27:19

Baling ngen aave Pilato lecere cinne lo̱ki̱ka̱, i̱tto̱na̱ zin ngaa cinne zoz cu: “Ma ogonik gi̱i̱ ci gerze e̱e̱t ci abunna eceb ol gaganiko ko̱, eci anna kipira o̱no̱zo̱we̱ cik a̱vvu̱na̱ka̱ zo̱ze̱ cinne.”

Ma̱te̱yo̱ 27:24

Baling icin Pilato okkom zoz ci oogane enne Ye̱su̱, abarik orong nyi̱li̱ kitinga, idima zin enne maam uduca kar kutuny azzin ciginnek ngati acine ol do̱o̱k. Kar kizek ne, “Kabunna anna, iróng atin bi̱ye̱ta̱ cik e̱e̱t necu adaka annita. Ize necu zoz cunno̱ng!”

Kaviyak wak Abunna Ta̱mu̱ta̱dde̱no̱ eher Joni 16:10

i̱ye̱le̱k atin De̱me̱zo̱i̱ti̱ nogo bunnat ci Ta̱mu̱ta̱dde̱no̱ a̱kku̱ go̱o̱le̱ ci kokkoye anna ngati Baba kar zin bo̱do̱k atin iróng ngen acinnang udut.

Buk wa To̱ni̱a̱u̱ 22:14

“Kar enne kize ne: ‘Atahalai bali Ta̱mu̱ta̱dde̱n wa ji̱ji̱ti̱gga̱c i̱nne̱ta̱ kar gga̱ zoz cinne kar cin E̱e̱t wa O̱de̱ Abunna kar bo̱do̱k zik zoz utuge cinne.

Buk wa To̱ni̱a̱u̱ 3:14

Een enne ba̱li̱ye̱ E̱e̱t wa Abunna O̱de̱ A̱li̱le̱ oroot, utuburtu abarik nonno, kar zin abarik i̱jji̱nne̱t Pilato abunna ming oogakkung e̱e̱t wa mu̱nye̱nu̱.

Roma 1:4

I̱ye̱la̱ Vongizi ci Ta̱mu̱ta̱dde̱no̱ een Ye̱su̱ Ki̱ri̱sto̱, Manyitinna Ngerrti Ta̱mu̱ta̱dde̱no̱ bali itingawe enne nonno daiza.

Roma 4:25

Aanyyet Ta̱mu̱ta̱dde̱n Ye̱su̱ kar ka̱da̱k mu̱nye̱ne̱ cigga̱c, kar kitingawe nonno daiza, kar naga kizet ol cik abunna ngu̱me̱ ci Ta̱mu̱ta̱dde̱no̱.

Roma 5:2

I̱ye̱le̱i̱t zin Ye̱su̱ Ki̱ri̱sto̱ agit wak ka̱tu̱ nonno ko̱ gool ci kar Ta̱mu̱ta̱dde̱n kelemaita eci enne anyak deten, ka̱tu̱ bo̱do̱k naga nonno. Katalninna karikka zi̱nze̱tti̱ i̱i̱te̱n ci okko Manyi odongnyet okkoyyet ta̱dde̱na̱, kar ka̱vvu̱t ki nonno udut ngati a̱di̱ngdi̱nga̱ne̱ ol nonno.

Roma 8:11

Imma Vongizi ci Ta̱mu̱ta̱dde̱no̱ bali ingane Ye̱su̱ daiza abak ngatinno̱ng do̱o̱k, nonno ci ingane Ki̱ri̱sto̱ daiza, a̱a̱nyu̱ng atin enne baiz ci een jor e̱le̱tti̱ne̱ cik daizak ko̱, Vongize cinne.

Roma 8:3

Iróng lo̱ti̱nno̱wa̱ balik aanyik Ta̱mu̱ta̱dde̱n Muses ke̱ aruguzeta eci mu̱nye̱na̱ amunyeta, ki i̱yo̱ko̱, eci naga ol cik diirik iróng kanime ku̱zu̱tte̱ nogo. Abarik zin Ta̱mu̱ta̱dde̱n aanyyet ruget ngati i̱tto̱na̱ne̱ Ngerinne kize e̱e̱t ci diiri ki olli mu̱nye̱nu̱ kar ki̱ki̱ya̱ kize wawac ci aara ol mu̱nye̱n. Aanyik Ta̱mu̱ta̱dde̱n ele ci Ye̱su̱ kize ci edeze enne mu̱nye̱n.

2 Ko̱ri̱nto̱ 1:24

Iróng naga ke̱e̱ggi̱nna̱ ol cik kodongnyya e̱le̱tti̱ kar ki̱ye̱ltte̱u̱ng zoz ci a̱tu̱yyu̱ Ta̱mu̱ta̱dde̱n. Ka̱li̱ngli̱ng naga do̱o̱k nga̱to̱de̱ abunna ming atalninnu, eci anyakku tu̱we̱ne̱t ci okkomi.

2 Ko̱ri̱nto̱ 13:4

Ming alali enne nu̱nu̱n ngati odode ol nonno ta̱la̱ke̱ca̱, itinga daiza, abak komize ci Ta̱mu̱ta̱dde̱no̱. Kalali naga ki bali Ki̱ri̱sto̱ ke̱. Abarik atin kabaito naga doize ci Ta̱mu̱ta̱dde̱no̱, ki bali Ki̱ri̱sto̱ ke̱, abunna ka̱li̱ngli̱nge̱kku̱ng.

2 Ko̱ri̱nto̱ 5:21

Abunna ming a̱tu̱we̱nu̱, ngen Ki̱ri̱sto̱ kabac zoz imma, Ta̱mu̱ta̱dde̱n ci anyaha nonno ki̱ki̱ya̱ ki̱ti̱ri̱z mu̱nye̱n cik ogon ol, ogon ki ci een Ye̱su̱ ele ci anyak mu̱nye̱n. Kar i̱yo̱ko̱ eci naga kowowo ki Ki̱ri̱sto̱, i̱ti̱vi̱la̱ Ta̱mu̱ta̱dde̱n mu̱nye̱n cigga̱c do̱o̱k.

Ga̱la̱ti̱a̱ 1:4

A̱gga̱yyu̱ niko aanyik Ye̱su̱ ele cinne kize wawac ci aara ol mu̱nye̱n ki bali ming odola Ta̱mu̱ta̱dde̱n wa een Be̱e̱ti̱nna̱, kar keelawet lo̱o̱ce̱ ci gerze kabahe anyak mu̱nye̱n ko̱.

Ga̱la̱ti̱a̱ 3:13

Ma̱i̱je̱ i̱yo̱ko̱ zin, eelawet Ki̱ri̱sto̱ to̱ri̱nte̱ ci anyaha lo̱ti̱nno̱wa̱ cik Musesi. Ogon enne zoz necu go̱o̱le̱ ci a̱da̱kne̱ enne keete wa een ta̱la̱ke̱c zo̱ze̱ ci gerze kogon naga, eci e̱he̱rye̱ lo̱ti̱nno̱we̱, azi ne, “Otore e̱e̱ti̱ ci a̱ru̱we̱k ol keet ci een ta̱la̱ke̱c.”

Evesos 3:12

Eci enne u̱tu̱gu̱ niko, aanyet Ki̱ri̱sto̱ agit kurumte ki nonno, kanime zin naga kotoz ngu̱me̱ ci Ta̱mu̱ta̱dde̱no̱ labak ci iróng ko̱ngo̱o̱le̱ gi̱i̱ imma.

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

I̱bu̱ru̱ 10:10

U̱tu̱gu̱ zin enne gi̱i̱ ci orong Manyi nonno ku̱tu̱gu̱, aanyik zin Ye̱su̱ Ki̱ri̱sto̱ ele cinne kize wawac ci aara ol mu̱nye̱n ne lai, lak co̱de̱, kizeto caale paz.

I̱bu̱ru̱ 9:14

Izikto zin ju̱rru̱m, ming anyak da̱ bi̱ye̱ta̱ cik kaal cik kapahek naga Ta̱mu̱ta̱dde̱n ko̱ doiz, imma ngati Vongiz ci A̱li̱le̱ udut, anyak bi̱ye̱ta̱ cik Ye̱su̱ komiz kommog bi̱ye̱ cik kaalu, aanyik enne ele cinne Ta̱mu̱ta̱dde̱n ngati a̱da̱kne̱ ki̱zze̱c rok mu̱nye̱n ngatinne. A̱vi̱la̱ atin bi̱ye̱ta̱ cik Ki̱ri̱sto̱ kaale cik kabaccit lo̱o̱ta̱ ngatu, kar atin kala icima ka̱li̱ngli̱ng zoz cinne ki̱zze̱c rok mu̱nye̱n cik okkoyyet daiza.

I̱bu̱ru̱ 9:26

Ming riil zoz ci apahek tuwayowa Ta̱mu̱ta̱dde̱n kaal odohize, aanyik weda Ye̱su̱ Ki̱ri̱sto̱ ele cinne Ta̱mu̱ta̱dde̱n kize wawac odohize odohize kanante ci lo̱o̱tu̱. Abarik aanyik enne ele cinne kize wawac lak co̱de̱, kar kaara mu̱nye̱n bu̱u̱llo̱k ki bu̱u̱llo̱k.

I̱bu̱ru̱ 9:28

Imma zin i̱yo̱ko̱, a̱da̱i̱ Ye̱su̱ Ki̱ri̱sto̱ lak co̱de̱ kize wawac ci aara ol cik meelek mu̱nye̱n. Obodak atin enne lo̱o̱c kar ki̱ki̱ya̱ kanyahak ti̱ri̱ze̱ne̱t ol wak ere nonno.

Je̱mi̱s 5:6

Etteddeu niga ol cik abunna lo̱ki̱ko̱ kar bo̱do̱k u̱ru̱kttu̱ ol cik gununik, ol balik iróng adangnyung bu̱k.

1 Peturu 3:19

Imma zin zo̱ze̱ ci Vongiz neci, uk Ki̱ri̱sto̱ uwahek zoz ci Ta̱mu̱ta̱dde̱no̱ vongizzok wak e̱ce̱bje̱ lagama.

1 Peturu 4:1

Ki i̱yo̱ko̱ baling apirna ele ci Ki̱ri̱sto̱ lo̱o̱ta̱ ngatu, a̱vvu̱t ju̱rru̱m, apirnannu atin niga ki i̱yo̱ko̱ enne ko̱ bu̱k, eci pirnanet ci ele cinne i̱ye̱le̱kke̱t i̱ti̱vi̱la̱ enne mu̱nye̱n cigga̱c.

1 Peturu 4:6

Eci zo̱ze̱ necu, uwaktozik ba̱li̱ye̱ kaviyaha cik abunna ol wak a̱da̱i̱to̱, kar atin vu̱rrta̱ ming okko apahonik nogo lo̱ki̱ko̱ kaale wak gerzek ogon nege baizowe cigge̱k, ma̱i̱je̱ vongizzowa cigge̱k ovvo atin arume ki Ta̱mu̱ta̱dde̱n.

1 Jon 1:9

Ma̱i̱je̱ ming kuturtak naga mu̱nye̱n cigga̱c Ta̱mu̱ta̱dde̱n, abunna enne kar atin kalaleita kar bo̱do̱k ki̱ti̱vi̱la̱ mu̱nye̱n cigga̱c ne veelek.