1 Peturu 3:17 - Tennet

¹⁷ Abunna ming apirnannu ming ogonnu zoz ci Ta̱mu̱ta̱dde̱no̱, gerza ming apirnannu ming ogonnu kaal cik mu̱nye̱nu̱.

1 Peturu 3:17 ပူးပေါင်းရင်းမြစ်များ

Ma̱te̱yo̱ 26:39

Uk zin enne reena idic niko, kar ku̱lu̱le̱ kicin lo̱o̱c, ala Ta̱mu̱ta̱dde̱n, azi ne, “Baba! Ming elema i̱nna̱ aara uduc ci piryanzeto ngatinanni. Korongi anna zoz cunne ku̱tu̱gu̱we̱ iróng een cinanni.”

Ma̱te̱yo̱ 26:42

Utungek bo̱do̱k nogo kar kuk kala Ta̱mu̱ta̱dde̱n, azi ne, “Baba! Ming iróng i̱nna̱ aara uduc ci piryanzeto ngatinanni, tu̱gu̱ ki ci orongi i̱nna̱.”

Buk wa To̱ni̱a̱u̱ 18:21

Baling uk enne, u̱du̱wa̱k nogo, a̱nne̱k ne, “Ming aanya Ta̱mu̱ta̱dde̱n gool, kokko atin anna koboda.” Ottod zin Pa̱u̱lo̱ i̱bo̱ Ephesuskte kar kuk.

Buk wa To̱ni̱a̱u̱ 21:14

Baling iróng enne ngen aziye zoz cinna̱ng, kutungteya naga nonno do̱, kar kizetta ne, “Manyi, anyik li̱ngli̱ngo̱n cunne ku̱tu̱gu̱we̱.”

1 Peturu 1:6

Imma zin zo̱ze̱ necu, atalninnu niga oroot, kar zin i̱yo̱ko̱ ovvo niga apirnannu do̱yo̱i̱t kaale do̱o̱k cik atimannung ol.

1 Peturu 2:15

Orong Ta̱mu̱ta̱dde̱n i̱ge̱ta̱ abunna ming ogonnu kaal cik abunna kar amarta ol wak a̱zze̱ o̱o̱tti̱ tarbalik ozozung i̱ge̱ta̱ go̱o̱le̱ ci gerze.

1 Peturu 2:20

Iróng atin i̱nna̱ amuda gi̱i̱ imma ming a̱gi̱ddi̱ ol zo̱ze̱ ci gerze ogoni i̱nna̱ kar niim ru̱we̱ne̱t. Abarik, ming a̱gi̱ddi̱ ol zo̱ze̱ ci abunna ogoni i̱nna̱, kar niim ru̱we̱ne̱t ci ollu, a̱ma̱yu̱ki̱ atin Ta̱mu̱ta̱dde̱n.

1 Peturu 3:14

Ma wo̱ye̱ nu̱nu̱n ming apirnannu ngati ogonnu kaal cik abunna, ngen zin abarik Ta̱mu̱ta̱dde̱n a̱ma̱yu̱kku̱ng. “Ma o̱ngo̱o̱li̱nnu̱ zoz imma icima i̱no̱nnu̱ zoz ci ogonekku̱ng ol kaal cik gerzek.”

1 Peturu 4:15

Abarik zin ming apirnannu niga niko ko̱, iróng ogonnu ki ol wak a̱ru̱k ol icima ogoryak, icima ogonnu ki i̱rrki̱rryo̱wa̱, icima a̱du̱lo̱ne̱kku̱ zoz ci ol u̱gge̱.

1 Peturu 4:19

I̱yo̱ko̱ zin, imma niga ol wak apirnannu go̱o̱le̱ ci oronge Ta̱mu̱ta̱dde̱n ko̱, abunna ming arikku zi̱nze̱tti̱ ciggo̱k do̱o̱k E̱e̱t wa bali eenycanet kar ku̱tu̱gu̱ zoz ci abunna odohize.