1 Peturu 3:14 - Tennet

¹⁴ Ma wo̱ye̱ nu̱nu̱n ming apirnannu ngati ogonnu kaal cik abunna, ngen zin abarik Ta̱mu̱ta̱dde̱n a̱ma̱yu̱kku̱ng. “Ma o̱ngo̱o̱li̱nnu̱ zoz imma icima i̱no̱nnu̱ zoz ci ogonekku̱ng ol kaal cik gerzek.”

1 Peturu 3:14 ပူးပေါင်းရင်းမြစ်များ

Ma̱te̱yo̱ 10:28

Ma o̱ngo̱o̱li̱nnu̱ ol wak a̱ru̱k ele ci e̱e̱t ci diiri, iróng nege a̱ru̱k vongiz ci e̱e̱t ci diiri. Abarik o̱to̱ngo̱o̱ltte̱ Ta̱mu̱ta̱dde̱n wa uule kar ku̱ru̱k ele ki vongiz ci e̱e̱t ci diiri gwo̱o̱ye̱ ci apadpadi udut.

Ma̱te̱yo̱ 10:31

I̱yo̱ko̱ zin, ma o̱ngo̱o̱li̱nnu̱, e̱e̱ggi̱nnu̱ niga ol cik riilik ommogju niga iballi cikidik meelek ko̱.”

Ma̱te̱yo̱ 10:39

Ming orong e̱e̱ti̱ kuzute ruget cinne do̱ ki̱zzi̱ Ta̱mu̱ta̱dde̱n to, iróng enne azunne de̱de̱, ming okoloz baiz zo̱ze̱ cinanni, amuda atin.

Ma̱te̱yo̱ 16:25

Ming orong e̱e̱ti̱ kuzute baiz cinne, okoloz atin. Abarik ming okoloz e̱e̱ti̱ baiz cinne zo̱ze̱ cinanni, amuda atin baiz wa een de̱de̱.

Ma̱te̱yo̱ 19:29

Imma e̱e̱ti̱ ci ungnek ce̱e̱zi̱ icima gotonoggi icima ngonoggi icima baatinne icima yaatinne icima dooli icima kaal ciginnek zo̱ze̱ cinanni, amuda atin o̱bo̱n co̱de̱ (100) kaale ne̱k ungnek enne lo̱o̱c ke̱, kar atin karagiz baiz wa aave udut.

Marko 10:29

Kar zin Ye̱su̱ kobodek nogo, azi ne, “Ka̱du̱wa̱kku̱ng zoz ci een de̱de̱, ming anyak e̱e̱t co̱de̱ ci ungnek ce̱e̱z cinne icima gotonoggi icima ngonoggi icima yaatinne icima baatinne icima dooli ciginnek icima i̱jjo̱, eci enne azunne zoz cinanni ki kaviyak cik abunna Ta̱mu̱ta̱dde̱no̱,

Marko 8:35

Ming orong e̱e̱ti̱ imma ki̱ti̱ri̱z baiz cinne, okoloz atin, ma̱i̱je̱ e̱e̱ti̱ ci okoloz baiz cinne zo̱ze̱ cinanni ki kaviyak cik abunna, azunne atin.

Kaviyak wak Abunna Ta̱mu̱ta̱dde̱no̱ eher Joni 14:1

Izek Ye̱su̱ demezyak waginnek ne, “Ma anyikku zi̱nze̱tti̱ cuggo̱k ku̱u̱ce̱t, abarik aartik zi̱nze̱tti̱ Ta̱mu̱ta̱dde̱n, kar bo̱do̱k aartik zi̱nze̱tti̱ annita.

Kaviyak wak Abunna Ta̱mu̱ta̱dde̱no̱ eher Joni 14:27

Kungnekkung zin i̱yo̱ko̱ gano wananni kar a̱vvu̱te̱ labak. Iróng zin ka̱a̱nyu̱ng gano go̱o̱le̱ wagon anyike olli lo̱o̱tu̱ ol ko̱, ma anyikku zi̱nze̱tti̱ ku̱u̱ce̱t kar zin o̱to̱ngo̱o̱ltte̱ lo̱o̱c.

Buk wa To̱ni̱a̱u̱ 9:16

Ki̱ye̱le̱k atin anna nonno gool ci okko enne apirnane zo̱ze̱ cinanni.”

2 Ko̱ri̱nto̱ 12:10

Zoz zin ci katalne ko̱ nenen necu ming i̱llo̱i̱ annit komiz nu̱nu̱n, odomnya ol, icima kanyai no̱ngi̱tto̱n cik meelek kar kipira zo̱ze̱ ci Ki̱ri̱sto̱. Eci ming ke̱e̱ni̱ e̱e̱t ci kamuji, aanya atin Ki̱ri̱sto̱ doiz.

Vilipia 1:29

A̱a̱nyu̱ng enne baiz ci ogon niko zo̱ze̱ ci Ki̱ri̱sto̱, ma a̱tu̱yyu̱ nonno do̱ niko, abarik bo̱do̱k amudannu atin pirnanet zo̱ze̱ cinne,

Je̱mi̱s 1:12

A̱mu̱yu̱k Ta̱mu̱ta̱dde̱n e̱e̱t ci abak baiz ci anime no̱ngi̱tto̱n wak atimane ol nonno, eci ming inim enne kaal ne̱ko̱ do̱o̱k labak, aanyik atin Ta̱mu̱ta̱dde̱n nonno baiz ci aave udut ki bali u̱du̱wa̱k enne ol wak irez nonno ke̱.

Je̱mi̱s 5:11

Ki i̱yo̱ko̱ ming a̱gga̱yyu̱ ko̱, ku̱mu̱yu̱kte̱ naga ol balik inimet no̱ngi̱tto̱n. Iziktu niga niimenet ci bali anime e̱e̱ti̱ ci een zara Job no̱ngi̱tto̱n. Icinntu bo̱do̱k nya ci anyahak Manyi baiz ci Jobi bali vu̱rrta̱. Anyak Manyi rezinet ki deten ci a̱ppwe̱ oroot.

1 Peturu 3:6

Ki bali Sarah ming elemi zoz ci Aburahami anyike nonno kize e̱e̱t cinne a̱ddi̱ki̱re̱. Ovvo zin atin niga e̱e̱ggi̱nnu̱ dooli ciginnek wak een de̱de̱ ming ogonnu niga kaal cik abunna iróng o̱ngo̱o̱li̱nnu̱ gi̱i̱ imma.