1 Peturu 2:6 - Tennet

⁶ Ki ming a̱du̱wa̱ Ta̱mu̱ta̱dde̱n Warage cinne: “Icinnet, karike anna bee ci riili oroot nginti een Zion, een bee ci atahalai kar kize ci abilne ce̱e̱z, imma e̱e̱ti̱ ci a̱tu̱ nonno iróng atin adak a̱li̱ya̱ni̱.”

1 Peturu 2:6 ပူးပေါင်းရင်းမြစ်များ

Kananet 49:24

Imma laani cunne abile ṯop, ovvo azzina cigunnek e̱re̱ye̱ ju̱rru̱m, eci zo̱ze̱ ci a̱zzi̱t ci Manyi wa O̱de̱ Ya̱ko̱bo̱ wa anyak Komiz do̱o̱k, eci zo̱ze̱ ci Tuwayoit, Bee ci Israilo,

Ma̱te̱yo̱ 12:18

“Icu du̱ca̱i̱t cinanni wa bali katahala anna ke̱, wa o̱de̱ ṯok kirezi anna, katalne zo̱ze̱ cinne, karike atin anna Vongiz cinanni nonno, kar atin enne keela ol lo̱o̱co̱we̱ do̱o̱k kurubta lo̱ki̱ko̱ ci een de̱de̱.

Marko 12:10

Ngen i̱i̱te̱n imma niga ikebit zoz cu Warage ci Ta̱mu̱ta̱dde̱no̱ wa azi ne: “‘Okko bee bali abure ol wak eenyce ko̱ ize bee ci abilne ce̱e̱z kommog veelek;

Lu̱ka̱ 20:17

Egelem zin Ye̱su̱ nogo kar ki̱jji̱nno̱, “Azi zin keng ci zoz ci e̱he̱rye̱ Warage ci Ta̱mu̱ta̱dde̱no̱ ko̱ ne nya? “‘Okko bee bali abure ol wak eenyce ko̱ ize bee ci abilne ce̱e̱z kommog veelek.’

Lu̱ka̱ 23:35

Abile ol acine kar lo̱ddi̱ki̱re̱ kadacit nonno. Azi nege ne, “Eela enne ol u̱gge̱; anyik nonno keela ele cinne ming een enne de̱de̱ Ki̱ri̱sto̱ ci Ta̱mu̱ta̱dde̱no̱, wa bali atahalai.”

Kaviyak wak Abunna Ta̱mu̱ta̱dde̱no̱ eher Joni 7:38

Ki i̱yo̱ko̱ ming e̱he̱rye̱ Warage ci Ta̱mu̱ta̱dde̱no̱ azi ne, ming a̱tu̱ya̱ e̱e̱ti̱ imma annita, a̱rri̱ya̱ atin morena cik anyak maam cik rugeto zinine cinne.”

Buk wa To̱ni̱a̱u̱ 1:16

Kar enne kize ne, “Gotonogga ki ngonogga tu̱we̱nta̱, akat zoz bali e̱he̱rye̱ Warage ci Ta̱mu̱ta̱dde̱no̱ ke̱ mo̱o̱le̱t, ci ozoz bali Vongizi ci A̱li̱le̱ go̱o̱le̱ ci Da̱vi̱de̱ bali reena zo̱ze̱ ci Judasi wa bali okko aanyik Ye̱su̱ kecebe,

Roma 10:11

E̱he̱rye̱ Warage ci Ta̱mu̱ta̱dde̱no̱ zoz ci azi ne, “Ming arik e̱e̱ti̱ imma zinin cinne Ti̱ri̱zo̱i̱t, iróng atin a̱li̱ya̱ni̱ adak nonno.”

Evesos 1:4

Atahalait enne agit la̱du̱n baling ngen looci keteehenyai, kar kizet ol cik a̱li̱le̱ ki̱zze̱c mu̱nye̱na̱ ngu̱me̱ cinne kar naga kabait rezinta.

Evesos 2:20

Ogonnu niga kiwagon biyena wak eenyce ol ce̱e̱z ko̱. Imma to̱ni̱a̱ha̱ ki a̱ri̱tto̱k cik zoz ci Ta̱mu̱ta̱dde̱no̱, ogon nege kiwagon biyena wak akane ol teheenyinet ko̱. Ma̱i̱je̱ ngati Ki̱ri̱sto̱ Ye̱su̱, ogon enne kiwagon bee ci riili oroot i̱ti̱re̱ne̱ ce̱e̱z kodok kak.

2 Ti̱mo̱te̱yo̱ 3:16

A̱kku̱ Waraga ci Ta̱mu̱ta̱dde̱no̱ do̱o̱k Vongize ci Ta̱mu̱ta̱dde̱no̱, kar ke̱de̱me̱zi̱t zoz wa een de̱de̱, ci amad ol zo̱ze̱ ci mu̱nye̱nu̱, ki dimaninet zoz ci abaci, kar kedemez bunnat ci kabahe ju̱rru̱m,

1 Peturu 2:4

I̱vi̱tta̱k Ye̱su̱ Ki̱ri̱sto̱, een enne bee ci aave udut. Bee wa bali abure ol ke̱, abarik zin ba̱li̱ye̱ Ta̱mu̱ta̱dde̱n ci ahala nonno kar kirez.

1 Peturu 2:8

Azi bo̱do̱k ne, “Een enne bee ci adir ol kamarmarit, bee ci aanyik nogo ku̱yu̱kte̱.” Alam bee nogo eci iróng nege o̱ngo̱o̱le̱ kaviyak cik Ta̱mu̱ta̱dde̱no̱ bali odola enne kize cinne̱ng.

2 Peturu 1:20

Abunna zin ming a̱gga̱yyu̱, i̱llo̱i̱ a̱ri̱to̱i̱t ci a̱du̱wa̱ zoz Warage ci Ta̱mu̱ta̱dde̱no̱ kar bo̱do̱k ku̱du̱wa̱ ke̱ngti̱ cik zo̱zzo̱k ne̱ke̱ o̱o̱we̱ cinne do̱.

2 Peturu 3:16

Eher enne waraganyai ciginnek do̱o̱k zoz ci akati kaal ne̱ko̱ ele. Ozoz gon bali enne zoz ci odoi ngatinna, iróng zin naga ka̱gga̱ ke̱ngti̱ cik zo̱zzo̱k ne̱ke̱. Imma ol uggak wak iróng a̱gga̱ zoz ci Ta̱mu̱ta̱dde̱no̱ ju̱rru̱m, ovvo nege edemezek zo̱zzo̱k cik Pa̱u̱lo̱ ol volonga. Edemez nege ol bu̱k waraganyai cik Ta̱mu̱ta̱dde̱no̱ ko̱ volonga. A̱li̱b atin Ta̱mu̱ta̱dde̱n nogo zo̱ze̱ necu.