1 Peturu 2:23 - Tennet

²³ Ming nu̱nu̱n odom ol nonno, iróng enne abarizek nogo kodom bu̱k, ma baling apirna enne lo̱o̱ta̱ ngatu ke̱, ngen enne kutuburek e̱e̱t imma nong. Abarik zin enne a̱tu̱ Ta̱mu̱ta̱dde̱n wa apahek ol lo̱ki̱ko̱ ju̱rru̱m.

1 Peturu 2:23 ပူးပေါင်းရင်းမြစ်များ

Kananet 18:25

Iróng wo̱ye̱ i̱nna̱ a̱ru̱i̱ ol cik abunna ki cik gerzek nga̱to̱de̱, iróng wo̱ye̱ i̱nna̱ ogonni ol cik abunna ki cik gerzek kutubto. Iróng een niko. Abunna i̱nna̱ Manyi ettedi lo̱ki̱ko̱ ci lo̱o̱tu̱ go̱o̱le̱ ci abunna.”

Lu̱ka̱ 23:41

Edezet zin Ta̱mu̱ta̱dde̱n de̱de̱, eci kamuda naga de̱zi̱ne̱t go̱o̱le̱ ci kogonne naga kaal. Ma̱i̱je̱ e̱e̱ti̱ cu ngen ku̱tu̱gu̱ gi̱i̱ imma ci gerze.”

Lu̱ka̱ 23:46

Utuwe zin Ye̱su̱ egereny muluwe ci a̱ppwe̱, “Baba! Karike anna a̱zzi̱t cunne vongiz cinanni.” Baling u̱du̱wa̱ enne zoz necu, etteda zin zinin.

Lu̱ka̱ 23:9

U̱cu̱b zin He̱ro̱di̱ nonno ji̱ne̱nta̱ oroot, ma̱i̱je̱ Ye̱su̱ iróng abarizek nonno.

Buk wa To̱ni̱a̱u̱ 17:31

Eci aarik enne i̱i̱te̱n ci okko atin enne ettede lo̱ki̱ko̱ ju̱rru̱m ngati E̱e̱t wa atahala enne. Okko atin E̱e̱ti̱ bali atahala enne ke̱ etted lo̱ki̱ko̱ neci, kar zin Ta̱mu̱ta̱dde̱n ki̱ye̱le̱k ol do̱o̱k ming een zoz neci de̱de̱, ngati ingane enne E̱e̱t neci daiza.”

Buk wa To̱ni̱a̱u̱ 4:29

I̱yo̱ko̱, Manyi cin zoz cinne̱ng gerze i̱no̱n nege orong ku̱tu̱gu̱ze̱ta̱, kar anyik du̱cca̱k cigunnek kozozit zoz cunne ngati iróng o̱ngo̱o̱li̱nne̱.

Buk wa To̱ni̱a̱u̱ 7:59

Baling ovvocit nege Stephen, alawo zin enne, azi ne, “Manyi Ye̱su̱, bite vongiz cinanni.”

Buk wa To̱ni̱a̱u̱ 9:1

Ngen zin abarik Sauli emena a̱gi̱d nuyak cik Manyi dee. Uk enne ngati alaan ci a̱ddi̱ki̱re̱ wawaco

Roma 2:5

Abarik odoi i̱nne̱t oo kak, iróng orongi bodak Ta̱mu̱ta̱dde̱n. U̱tu̱gu̱ zin i̱nna̱ zoz ci gerze, i̱ta̱k zin mozinet ci Ta̱mu̱ta̱dde̱no̱ oo cunne, okko atin enne ettedeki lo̱ki̱ko̱ ming uk looci uṯurehe.

Evesos 6:9

Imma niga lo̱ddi̱ki̱re̱ cik een ma̱ci̱gi̱ ce̱e̱zi̱, u̱tu̱gu̱zze̱k du̱cca̱k cuggo̱k kaal cik abunna. Ma a̱gi̱ddu̱ nogo li̱ngli̱ngo̱na̱ oroot. A̱gga̱c een Ye̱su̱ Manyi cunno̱ng okko bo̱do̱k een Manyi cinne̱ng wa aave ta̱mu̱-kenga. Iróng enne enger ol.

2 Te̱se̱lo̱ni̱ka̱ 1:5

A̱kku̱ atin i̱i̱te̱ni̱ ci okko Ta̱mu̱ta̱dde̱n ettede lo̱ki̱ko̱ ci ollu ju̱rru̱m, kar kidiman ol balik a̱gi̱d ol zo̱ze̱ ci ba̱a̱li̱ne̱t ci okko Ta̱mu̱ta̱dde̱n abale lo̱o̱c.

2 Ti̱mo̱te̱yo̱ 1:12

I̱yo̱ko̱ a̱gi̱dda̱ ol zo̱ze̱ necu, iróng kanyai a̱li̱ya̱n, ma̱rri̱t ming ka̱tu̱ Ye̱su̱ wa atahalai. Ka̱gga̱ niko ming kazunne li̱ngli̱ngo̱n cinne bali aanya ke̱ zee ki̱ki̱ya̱ i̱i̱te̱ni̱ ci atin okko enne obodane.

2 Ti̱mo̱te̱yo̱ 4:8

I̱yo̱ko̱ kere gi̱i̱ ci okko Ta̱mu̱ta̱dde̱n aanya luluk ci abunna alaanzetu, eci anna kelemi zoz cinne. Aanya atin Manyi i̱i̱te̱ne̱ ci okko enne obodak lo̱o̱c, iróng enne anyak mu̱nye̱n, etted atin lo̱ki̱ko̱ labak. Iróng zin atin Manyi amuca annit do̱, amuc ol do̱o̱k wak irez nonno kar kerec i̱i̱te̱n ci okko enne obodane.

I̱bu̱ru̱ 12:3

Icinnet da̱ baiz bali anime enne gi̱de̱ne̱t a̱tte̱ ci olli mu̱nye̱nu̱ oroot, abunna iróng niga o̱ngo̱o̱li̱nnu̱ baiz bak aburnnu nong.

1 Peturu 3:9

Ming ogoneki e̱e̱ti̱ gi̱i̱ ci gerze icima odomnyin, icima amarninin, ma acaca, abarik lalek nonno, ma̱yu̱k nonno, tu̱gu̱we̱k kaal cik abunna eci bali atahalaung Ta̱mu̱ta̱dde̱n kar izet dooli ciginnek tu̱we̱nta̱. Azi Warage ci Ta̱mu̱ta̱dde̱no̱ ne,

1 Peturu 4:19

I̱yo̱ko̱ zin, imma niga ol wak apirnannu go̱o̱le̱ ci oronge Ta̱mu̱ta̱dde̱n ko̱, abunna ming arikku zi̱nze̱tti̱ ciggo̱k do̱o̱k E̱e̱t wa bali eenycanet kar ku̱tu̱gu̱ zoz ci abunna odohize.

O̱no̱zzo̱k 19:11

Kedenya anna ta̱mu̱-keng ming o̱o̱ye̱, kar zin anna kicin vartangec ci voori, imma E̱e̱ti̱ ci ottod vartangec ko̱ een e̱e̱t ci abunna kar kize de̱de̱. Etted enne lo̱ki̱ko̱ cinne ju̱rru̱m kar kuk illa.