1 Peturu 2:17 - Tennet

¹⁷ O̱to̱ngo̱o̱ltte̱ ol do̱o̱k, irezit ol wak a̱tu̱ Ta̱mu̱ta̱dde̱n, akatek Ta̱mu̱ta̱dde̱n u̱zu̱ngtti̱ lo̱o̱c, o̱to̱ngo̱o̱ltte̱ bo̱do̱k alaat.

1 Peturu 2:17 ပူးပေါင်းရင်းမြစ်များ

Kananet 20:11

O̱bo̱de̱k zin Aburahami nonno, “Ka̱nne̱k anna ele cinanni, ‘I̱llo̱i̱ de̱de̱ ngo̱li̱ne̱t ci Ta̱mu̱ta̱dde̱no̱ ngatu, kar atin nege ku̱ru̱kta̱ annit zo̱ze̱ ci ngaa cinanni.’

Kananet 22:12

Izek zin anjilo nonno ne “Ma zin ogonik nonno gi̱i̱ imma. I̱yo̱ko̱ ka̱gga̱wa̱ ming o̱ngo̱o̱le̱ i̱nna̱ Ta̱mu̱ta̱dde̱n, eci iróng i̱nna̱ a̱ju̱ra̱ka̱ annit ngerunne ci o̱de̱ ṯok ko̱.”

Kananet 42:18

Kar i̱i̱te̱n ci een i̱i̱yo̱, a̱nne̱k zin Yosevo nogo ne, “U̱tu̱gu̱z zoz cu kar uruget, eci ke̱e̱ni̱ anna e̱e̱t ci ko̱ngo̱o̱le̱ Ta̱mu̱ta̱dde̱n:

Lu̱ge̱z 20:12

“To̱ngo̱o̱lle̱ baatunne ki yaatunne, kar bak u̱u̱mu̱c lo̱o̱ce̱ ci aanyi Manyi Ta̱mu̱ta̱dde̱n cunne ko̱.

Ma̱te̱yo̱ 22:21

O̱bo̱dde̱k zin nege Ye̱su̱, “Ri̱ri̱to̱n ci alaan ci a̱ddi̱ki̱re̱ Romi ki zar ciginnek.” Iizek zin enne nogo ne, “Abunna oroot, aanycik alaan ci a̱ddi̱ki̱re̱ Romi kaal ciginnek. Imma kaala cik Ta̱mu̱ta̱dde̱no̱, aanycik Ta̱mu̱ta̱dde̱n.”

Kaviyak wak Abunna Ta̱mu̱ta̱dde̱no̱ eher Joni 13:35

Ming irezonnu niga do̱o̱k e̱le̱tti̱, ovvo atin ol a̱gga̱ ming e̱e̱ggi̱nnu̱ niga nuyak cigannik.”

Roma 12:10

Irezto niga do̱o̱k oroot, irez ol wak a̱tu̱we̱ oroot kommog ele cunne.

Roma 13:7

Abunna zin ming a̱ru̱we̱kku̱ e̱e̱t kaal cik orong nege ngatinno̱ng. Ming orong mucuru, u̱ru̱ktte̱k. Abunna bu̱k niga ming o̱ngo̱o̱li̱nnu̱ ol wak agano ki to̱ngo̱o̱li̱ne̱t, abunna bo̱do̱k a̱di̱ngdi̱nga̱nnu̱ ol wak agano ki di̱ngdi̱nga̱ni̱ne̱t.

2 Ko̱ri̱nto̱ 7:1

Gotonogga ki ngonogga wak kirezi anna ko̱, eci Ta̱mu̱ta̱dde̱n u̱du̱wa̱ zoz cinne kar kaanyyet kizet dooli ciginnek, abunna naga do̱o̱k kabiliz ba̱ci̱nno̱k vongize cinna. Gerza ming kogon kaal cik gerzek, gerza ming ki̱no̱n i̱no̱ni̱ ci gerze. Abunna ko̱ngo̱o̱le̱ Ta̱mu̱ta̱dde̱n, kabak baiz ci caale. Ming ku̱tu̱gu̱zzo̱ naga niko, irezet atin Manyi oroot.

Evesos 5:21

Izikto zin niga do̱o̱k zo̱ze̱ ci o̱ngo̱o̱li̱nnu̱ Ki̱ri̱sto̱.

Vilipia 2:3

Ma anyakku meder icima zoz ci odongnyu e̱le̱tti̱, abarik izet ol cik gununik kar aanycik ol u̱gge̱ kizeto riile kommogit e̱le̱tti̱ cuggo̱k.

1 Ti̱mo̱te̱yo̱ 6:1

Anyik du̱cca̱k wak a̱tu̱ zoz ci Ta̱mu̱ta̱dde̱no̱ ko̱to̱ngo̱o̱ltte̱ ddi̱ki̱ryyo̱k wagge̱k, kar iróng e̱e̱ti̱ imma ozoz gerzet zare cik Ta̱mu̱ta̱dde̱no̱ ki de̱mzi̱ne̱t cinne.

I̱bu̱ru̱ 13:1

Gotonogga ki ngonogga tu̱we̱nta̱, e̱me̱dda̱ irezto niga do̱o̱k.

1 Peturu 1:22

I̱yo̱ko̱ i̱ti̱vi̱ltu̱ niga zi̱nze̱tti̱ cuggo̱k kizeto caale ngati elemnyyu zoz ci een de̱de̱, kar anyait rezinet ci een de̱de̱ ki gotonogget wak a̱tu̱we̱, irezit e̱le̱tti̱ cuggo̱k oroot, rezinet ci a̱kku̱ zinina.

1 Peturu 2:13

Aanycik e̱le̱tti̱ ciggo̱k alaat zo̱ze̱ ci Manyi, abunna ming elemannu alaanzet ci e̱e̱t ci diiri a̱gga̱me̱ lo̱o̱c ngatu ko̱ do̱o̱k, ommogje alaan ci riili oroot.

1 Peturu 5:5

Niga dooli wak kidik, wak ngen ingannu, abunna ming o̱ngo̱o̱li̱nnu̱ ol cik a̱ddi̱ki̱re̱. Abunna ming o̱ngo̱o̱li̱nnu̱ e̱le̱tti̱, eci azi buwe ci Ta̱mu̱ta̱dde̱no̱ ne, “Adang Ta̱mu̱ta̱dde̱n e̱e̱t ci odong ele abarik aanyik deten e̱e̱t ci iróng odong ele.”