1 Peturu 2:15 - Tennet

¹⁵ Orong Ta̱mu̱ta̱dde̱n i̱ge̱ta̱ abunna ming ogonnu kaal cik abunna kar amarta ol wak a̱zze̱ o̱o̱tti̱ tarbalik ozozung i̱ge̱ta̱ go̱o̱le̱ ci gerze.

1 Peturu 2:15 ပူးပေါင်းရင်းမြစ်များ

Ma̱te̱yo̱ 25:2

Imma zin doolinne ne̱ke̱, tarbale cik een tu̱r, ovvo cik een tu̱r egenyi.

Ma̱te̱yo̱ 7:26

Ma̱i̱je̱ e̱e̱ti̱ ci aziye zoz cinanni ko̱, kar iróng a̱li̱ngli̱nge̱ go̱o̱le̱ ci koronge anna, ogon enne ki e̱e̱ti̱ ci tarbali eenycek ce̱e̱z nginti een azac.

Roma 1:21

A̱gga̱ ol ne̱ke̱ ming aave Ta̱mu̱ta̱dde̱n to, iróng zin nege a̱di̱ngdi̱nga̱n nonno, icima anyike zany. Abarik anyait i̱no̱ni̱ ci gerze, iditet zi̱nze̱tti̱ cigge̱k ne pit.

Ga̱la̱ti̱a̱ 3:1

Eehi olli Ga̱la̱ti̱a̱, aditennung iina, nya ci ecebannung o̱o̱tti̱? I̱ye̱la̱i̱ keng ci daiz ci Ye̱su̱ Ki̱ri̱sto̱ ju̱rru̱m ngatinno̱ng, ogon ki ci icinntu nonno ming odode keete ci een ta̱la̱ke̱c ka̱da̱k.

1 Te̱se̱lo̱ni̱ka̱ 4:3

Azi zin Ta̱mu̱ta̱dde̱n ne ma a̱u̱llu̱ e̱le̱tti̱ ngati orootonu ki ngaai, a̱gga̱mi̱t e̱le̱tti̱ ki̱li̱le̱c.

1 Te̱se̱lo̱ni̱ka̱ 5:18

aanycik Ta̱mu̱ta̱dde̱n odohize zany kaale do̱o̱k, eci een necu zoz ci odola Manyi kize cunno̱ng ngati a̱tu̱yyu̱ Ye̱su̱ Ki̱ri̱sto̱ wa atahalai.

1 Ti̱mo̱te̱yo̱ 1:13

Baling ka̱gi̱di̱ ol wak a̱tu̱ zoz ci Ye̱su̱, kar zin kodom nonno nu̱nu̱n, ngen Ta̱mu̱ta̱dde̱n eelanna annit dee, alaleya mu̱nye̱n wagannik ma̱rri̱t ngen bali anna kelema zoz cinne, kar bo̱do̱k ngen ka̱gga̱ kaal ne̱k balik kogonni ke̱.

Ti̱to̱ 2:8

Anyik de̱mzi̱ne̱t cunne kubunna kar iróng ol ibbez zoz neci. Imma ol wak orong kadangttin, adak a̱li̱ya̱ni̱ iróng amuda gi̱i̱ imma ci gerze kar kadangttet.

Ti̱to̱ 3:3

Ke̱e̱ggi̱n ba̱li̱ye̱ naga bu̱k tarbale ki i̱yo̱ko̱ ol ne̱k iróng a̱tu̱ zoz ci Ye̱su̱ ko̱, ol u̱gge̱ cik a̱ti̱kke̱t tu̱, kar kizetta du̱cca̱k cik kireza kaal cik orong e̱le̱tti̱ lo̱rye̱nta̱k. Anyak baizi cinna ṯeel ki meder. Kamartoyya ol, ovvo bo̱do̱k ol amarinetta.

1 Peturu 2:12

Aanycik ol kicinnet baiz cunno̱ng ming abunna orgene ci ol wak iróng a̱gga̱ Ta̱mu̱ta̱dde̱n, ma̱i̱je̱ nu̱nu̱n ming orong nege kimertung azi ne, abacu niga. Ovvo atin nege i̱i̱te̱ne̱ ci okko Ta̱mu̱ta̱dde̱n ettede lo̱ki̱ko̱, a̱di̱ngdi̱nga̱n Ta̱mu̱ta̱dde̱n kar koobtek Ta̱mu̱ta̱dde̱n kaal cik abunna ogonnu niga ba̱li̱ye̱.

1 Peturu 3:16

Abunna abarizek ol zoz ci abunna kar ol wak a̱du̱wa̱ki̱ kaal cik gerzek ngati Ki̱ri̱sto̱ ko̱, kadak nogo a̱li̱ya̱ni̱.

1 Peturu 3:17

Abunna ming apirnannu ming ogonnu zoz ci Ta̱mu̱ta̱dde̱no̱, gerza ming apirnannu ming ogonnu kaal cik mu̱nye̱nu̱.

1 Peturu 4:2

I̱ye̱le̱kke̱t zin zoz necu zoz ci azi ne, utungteu niga kaal cik mu̱nye̱nu̱ amin zi̱nze̱tti̱ ciggo̱k ko̱ do̱o̱k lo̱o̱c, orongnyu u̱tu̱gu̱z zoz ci Ta̱mu̱ta̱dde̱no̱ baize cunno̱ng.

2 Peturu 2:12

Imma ol ne̱ko̱ iróng a̱gga̱ gerziten cinne̱ng. Ogon nege ki i̱yo̱ko̱ elegje wak zarak iróng ozozi, a̱rri̱ta̱i̱ nege kize kaal cik a̱ru̱we̱ ka̱da̱i̱to̱. Ozoz zoz ci mu̱nye̱nu̱ ci iróng nege a̱gga̱. Egerzan atin nogo zoz ci gerze ogon nege ko̱.

Ju̱da̱ 1:10

Imma ol ne̱ko̱ odomnye zo̱ze̱ ci iróng nege bu̱k a̱gga̱, ogon nege kiwagon elegje cik iróng i̱no̱ne̱. Gi̱i̱ zin ci egerzan nogo ko̱ nenen necu.