1 Peturu 2:13 - Tennet

¹³ Aanycik e̱le̱tti̱ ciggo̱k alaat zo̱ze̱ ci Manyi, abunna ming elemannu alaanzet ci e̱e̱t ci diiri a̱gga̱me̱ lo̱o̱c ngatu ko̱ do̱o̱k, ommogje alaan ci riili oroot.

1 Peturu 2:13 ပူးပေါင်းရင်းမြစ်များ

Ma̱te̱yo̱ 22:21

O̱bo̱dde̱k zin nege Ye̱su̱, “Ri̱ri̱to̱n ci alaan ci a̱ddi̱ki̱re̱ Romi ki zar ciginnek.” Iizek zin enne nogo ne, “Abunna oroot, aanycik alaan ci a̱ddi̱ki̱re̱ Romi kaal ciginnek. Imma kaala cik Ta̱mu̱ta̱dde̱no̱, aanycik Ta̱mu̱ta̱dde̱n.”

Marko 12:17

U̱du̱wa̱k zin Ye̱su̱ nogo, “Aanycik zin alaan ci a̱ddi̱ki̱re̱ gi̱i̱ ci obod ki nonno, aanycik Ta̱mu̱ta̱dde̱n gi̱i̱ ci obod ki Ta̱mu̱ta̱dde̱n.” U̱ku̱lte̱k zin nege nonno.

Lu̱ka̱ 20:25

O̱bo̱dde̱k nege, “Ri̱ri̱to̱n ki zar cik alaan ci a̱ddi̱ki̱re̱ Romi.” Izek zin enne nogo ne, “Aanycik zin alaan ci a̱ddi̱ki̱re̱ Romi kaal ciginnek, kar aanycik Ta̱mu̱ta̱dde̱n kaal cik Ta̱mu̱ta̱dde̱no̱.”

Evesos 5:21

Izikto zin niga do̱o̱k zo̱ze̱ ci o̱ngo̱o̱li̱nnu̱ Ki̱ri̱sto̱.

Ti̱to̱ 3:1

Ti̱lo̱ ol wak a̱tu̱we̱ abunna ming aziye zoz ci gaalau ki ddi̱ki̱ryyo̱k wagge̱k. Abunna ming aziye zoz, kar ku̱tu̱gu̱zzo̱ kaal cik abunna odohize.

1 Peturu 2:17

O̱to̱ngo̱o̱ltte̱ ol do̱o̱k, irezit ol wak a̱tu̱ Ta̱mu̱ta̱dde̱n, akatek Ta̱mu̱ta̱dde̱n u̱zu̱ngtti̱ lo̱o̱c, o̱to̱ngo̱o̱ltte̱ bo̱do̱k alaat.

2 Peturu 2:10

Edez atin Ta̱mu̱ta̱dde̱n oroot ol wak i̱no̱n kaal cik gerzek ki wak ibbeze nege alaanzet ci alaatu. Odong ol ne̱ko̱ e̱le̱tti̱ kar kozozit mootiza, iróng nege o̱ngo̱o̱le̱ ngati otore kaal cik aavtte ta̱mu̱-kenga.