Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Peturu 2:11 - Tennet

11 Niga gotonogga ki ngonogga tu̱we̱nta̱, e̱e̱ggi̱nnu̱ niga e̱re̱nno̱k lo̱o̱ce̱ cu. Kilalekkung aarta e̱le̱tti̱ kaale cik gerzek amin zi̱nze̱tti̱ cuggo̱k, eci anyaha zoz necu jo̱o̱re̱ zi̱nze̱tti̱nne̱ cuggo̱k.

အခန်းကိုကြည့်ပါ။ ကော်ပီ




1 Peturu 2:11
35 ပူးပေါင်းရင်းမြစ်များ  

Abak zin da̱ Aburahami lo̱o̱ce̱ ci Philistino u̱u̱mu̱c.


“Ke̱e̱ni̱ ja i̱do̱nge̱ni̱t ci reng, kabai lo̱o̱ce̱ cunno̱ng. U̱tu̱ye̱yya̱ng ngin imma kar kuk kadawek ngaa wananni.”


Kar Ya̱ko̱bo̱ kizek nonno ne “E̱e̱ggi̱n e̱rki̱nya̱ cik kowoye anna lo̱o̱co̱we̱ o̱bo̱n co̱de̱ ki moten i̱i̱yo̱ (130). Idice annit e̱rki̱nya̱ kar kokkomit, iróng atubo ki e̱rki̱nya̱ cik owoye ciko baba.”


“U̱zu̱tte̱ e̱le̱tti̱, icima ovvo atin zi̱nze̱tti̱ cuggo̱k egerzanne zo̱ze̱ ci gerze, ki udenet merten ki ngo̱li̱ne̱t lo̱o̱c zo̱ze̱ ci baizo, okko atin i̱i̱te̱ni̱ neci a̱kku̱na̱kku̱ng kiwagon tarabai.


Abarik ku̱du̱kta̱k nogo gerza ming adak da̱i̱ne̱t cik aanyik ol to̱do̱yyo̱k ki bo̱do̱k a̱li̱ya̱kze̱t, ki da̱i̱ne̱t e̱le̱gi̱t ci adale icima ci anyak bi̱ye̱.


Ma adakku da̱i̱ne̱t cik amuci ol ta̱mu̱ta̱dde̱n ci adimanai azzine, ma adakku i̱di̱ng ci ngen anyak bi̱ye̱ icima e̱le̱gi̱t ci adal ol, ma e̱e̱ggi̱nnu̱ a̱li̱ya̱k. Ogonnu atin ju̱rru̱m ming azunnu lo̱ti̱nno̱k ne̱ko̱. Oot labak.


Gotonogga ki ngonogga tu̱we̱nta̱, eci Ta̱mu̱ta̱dde̱n i̱ti̱ri̱zze̱t bunnate cinne, kilalekkung zin aanycik e̱le̱tti̱ ciggo̱k do̱o̱k nonno, aanycik kizeto caale kar kubunnta ki wawa cik kapahek Ta̱mu̱ta̱dde̱n kar enne katalo ngatinno̱ng. Een necu gool ci a̱di̱ngdi̱nga̱nnu̱ niga Ta̱mu̱ta̱dde̱n.


Kacinni zinine cinanni, anyak kaal u̱gge̱ cik ooro zinine cinanni, kecebe lagame ci lo̱ti̱nno̱k cik mu̱nye̱nu̱, alamte kaala wak ki̱no̱ni̱ korongi ku̱tu̱gu̱.


Ming ogonnu kaal cik gerzek ko̱, ovvoyyu atin daiza. Abarik ming eelaung Vongizi ci A̱li̱le̱, utungttu kaal ne̱ke̱ amin zi̱nze̱tti̱ ko̱ do̱o̱k, urugttu zin atin niga.


Ke̱e̱ggi̱nna̱ naga ol cik ka̱li̱ngli̱nge̱kka̱ Ki̱ri̱sto̱ lo̱o̱ta̱ ngatu. Ming kuwahekka ol kaviyak cik Ki̱ri̱sto̱, Ta̱mu̱ta̱dde̱n ele ci anyike ol kiziyet zoz cinna̱ng. Kilalekkung zin anna i̱ge̱t de̱de̱ zo̱ze̱ ci Ki̱ri̱sto̱, abunna ming anyakku gano ki Ta̱mu̱ta̱dde̱n.


Imma gi̱i̱ye̱ wa ka̱li̱ngli̱ngo̱ni̱kka̱ naga Ta̱mu̱ta̱dde̱n, kilalekkung zin zo̱ze̱ cu: Abunna ming a̱li̱ngli̱ngnyu̱ bunnate ci Ta̱mu̱ta̱dde̱no̱ ju̱rru̱m.


Gotonogga ki ngonogga wak kirezi anna ko̱, eci Ta̱mu̱ta̱dde̱n u̱du̱wa̱ zoz cinne kar kaanyyet kizet dooli ciginnek, abunna naga do̱o̱k kabiliz ba̱ci̱nno̱k vongize cinna. Gerza ming kogon kaal cik gerzek, gerza ming ki̱no̱n i̱no̱ni̱ ci gerze. Abunna ko̱ngo̱o̱le̱ Ta̱mu̱ta̱dde̱n, kabak baiz ci caale. Ming ku̱tu̱gu̱zzo̱ naga niko, irezet atin Manyi oroot.


Imma ol cik elemtta Ye̱su̱ Ki̱ri̱sto̱, utungtek kaal balik gerzek irez nege ke̱ do̱o̱k korkorrit ki daiz ci Ye̱su̱ keete ci een ta̱la̱ke̱c bali ododine enne ke̱.


Niga ol wak iróng e̱e̱ggi̱n Ya̱u̱d, iróng niga e̱e̱ggi̱nnu̱ mo̱ddo̱ icima i̱do̱ngi̱ ngu̱me̱ ci Ta̱mu̱ta̱dde̱no̱, abarik izetu niga boor co̱de̱ ki i̱yo̱ko̱ ol wak een boor ci Ta̱mu̱ta̱dde̱no̱ a̱tu̱ nonno ko̱.


Eci kaale cik u̱tu̱gu̱we̱u̱ng Manyi Ye̱su̱, kecebje zin anna zo̱ze̱ ci ka̱li̱ngli̱ngo̱ni̱ke̱ nonno, kilalekkung zin anna i̱ge̱t abait baiz ci ol wak a̱tu̱we̱ balik atahalak Ta̱mu̱ta̱dde̱n ele cinne.


Tungek baiz ci logozu lo̱o̱c. Tu̱gu̱ kaal cik abunna odohize, ki tu̱we̱ne̱t Ta̱mu̱ta̱dde̱n ki rezinet ol, ki a̱vvu̱ze̱t yahe ki ol wak a̱tu̱ Manyi zi̱nze̱tti̱nne̱ cik alali.


Abaito zin ol ne̱k anyak tu̱we̱ne̱t ke̱ do̱o̱k, ngen zin nege a̱tu̱we̱ zo̱ze̱ ci okko Ta̱mu̱ta̱dde̱n ogoni. Ngen kurubta zoz bali u̱du̱wa̱ Manyi ke̱, icinnet nege kaal ne̱ke̱ meer reena many bak orongi. A̱gga̱ ming e̱e̱ggi̱n nege e̱re̱nno̱k ki i̱do̱ngi̱ lo̱o̱ta̱ ngatu.


Imma niga gotonogga ki ngonogga tu̱we̱nta̱, ka̱du̱wa̱kku̱ng kaal ne̱ke̱ ko̱ eci ka̱gga̱yya̱ niko ming ogonnu kaal cik abunna cik okkoyyung go̱o̱le̱ ci ruget wa aave udut.


Nya ci anyaha jo̱o̱re̱t ki dango orgene cunno̱ng? Een kaal ne̱k a̱vvu̱ zo̱ze̱ ci orongnyu niga kaal cik a̱ti̱ko̱nu̱ imma i̱ge̱t zi̱nze̱tti̱nne̱ ko̱, cik anyaha jo̱o̱re̱t.


Ke̱e̱ni̱ anna Peturu wa een to̱ni̱a̱t ci Ye̱su̱ Ki̱ri̱sto̱, keherakkung waraga cu ol wak atahala Ta̱mu̱ta̱dde̱n azanonnik lo̱o̱cco̱k u̱tu̱gu̱zzo̱ kiwagon ol cik een i̱do̱ngi̱, aavtte nege Pontacakte, Ga̱la̱ti̱a̱, Cappadociakte, Asia ki Bithynia.


Eci niga awuyyu nonno kize Be̱e̱ti̱nno̱ng, iróng zin Ta̱mu̱ta̱dde̱n ahal ol, abait baiz ci ogon ki ci abakku i̱do̱ngi̱ne̱ lo̱o̱ta̱ ngatu, kar o̱to̱ngo̱o̱ltte̱ Ta̱mu̱ta̱dde̱n.


Niga gotonogga ki ngonogga tu̱we̱nta̱, ma a̱ku̱le̱kku̱ je̱e̱n icima anyikku zi̱nze̱tti̱ ku̱u̱ce̱t ngati apirnannu, a̱vvu̱na̱kku̱ng atin kaala cik gerzek kar kitimantung.


I̱ye̱le̱kke̱t zin zoz necu zoz ci azi ne, utungteu niga kaal cik mu̱nye̱nu̱ amin zi̱nze̱tti̱ ciggo̱k ko̱ do̱o̱k lo̱o̱c, orongnyu u̱tu̱gu̱z zoz ci Ta̱mu̱ta̱dde̱no̱ baize cunno̱ng.


Gotonogga ki ngonogga tu̱we̱nta̱, i̱yo̱ko̱ keherakkung bo̱do̱k waraga necu kar kunu gooni bali arrak keherakkung oowa ke̱. Imma zin waraganyai ne̱ko̱ do̱o̱k, korongi ka̱a̱da̱u̱ng i̱ge̱t zo̱zzo̱k ne̱ke̱ kar i̱no̱ni̱t nogo do̱o̱k.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ