1 Ko̱ri̱nto̱ 9:22 - Tennet

²² Imma ming ka̱li̱ngli̱ngnya̱ ki e̱e̱t ci iróng a̱tu̱we̱ ju̱rru̱m, kobodane anna ele cinanni kar kanyahak nonno tu̱we̱ne̱t ci okkomi. Ku̱tu̱gu̱ anna kaal do̱o̱k kar ki̱ti̱ri̱z ol u̱gge̱ ki̱vi̱ta̱k Ki̱ri̱sto̱ kanyait tu̱we̱ne̱t ci okkomi.

1 Ko̱ri̱nto̱ 9:22 ပူးပေါင်းရင်းမြစ်များ

Roma 11:14

Korongi zin gool neci kanyike ol wak iróng e̱e̱ggi̱n Ya̱u̱d kaviyak cik abunna kar ol uggak cigannik kanyait meder kar ki̱vi̱ta̱k Ta̱mu̱ta̱dde̱n bak amuda ti̱ri̱ze̱ne̱t.

Roma 14:1

Elemtta e̱e̱t ci anyak tu̱we̱ne̱t ci dici, ma adangnyu nonno eci enne i̱no̱n kaal cik aavtte do̱ ngati kaal cik i̱no̱nnu̱ niga.

Roma 14:2

Anyak ol u̱gge̱ cik a̱tu̱we̱ aanyik tu̱we̱ne̱t cinne̱ng kadait kaal do̱o̱k, imma ol uggak wak anyak tu̱we̱ne̱t ci dici, adak zin nege jati do̱.

Roma 15:1

Imma naga ol wak ka̱tu̱we̱ ju̱rru̱m ko̱, abunna bu̱k ka̱ti̱ri̱z ol wak ngen tu̱we̱ne̱t cinne̱ng idica. Gerza ming kogon kaal cik katalne naga do̱.

Roma 15:2

Abunna naga ol cik okkomit tu̱we̱nta̱ ko̱ ming kogon kaal cik abunna anyike locari katalo tu̱we̱nta̱, kar keela nonno kanyak tu̱we̱ne̱t ci okkomi kak.

1 Ko̱ri̱nto̱ 10:33

Korongi gon anna ol do̱o̱k katalto kaale wak kogonni anna ko̱ go̱o̱lo̱we̱ do̱o̱k. Iróng anna korongi ku̱tu̱gu̱ kaal cik ele cinanni do̱, abarik korongi ku̱tu̱gu̱we̱k ol do̱o̱k kaal cik abunna, kar atin nege kurubta ti̱ri̱ze̱ne̱t ci Ta̱mu̱ta̱dde̱no̱.

1 Ko̱ri̱nto̱ 7:16

Niga ngaai wak a̱tu̱we̱nu̱, abunna ming a̱gga̱yyu̱ a̱ti̱ri̱z atin Ta̱mu̱ta̱dde̱n macwa cuggo̱k zo̱ze̱ ci tu̱we̱ne̱t cunno̱ng. Ogon bo̱do̱k niko, niga macwana cik a̱tu̱we̱nu̱ ko̱, a̱ti̱ri̱z atin Ta̱mu̱ta̱dde̱n ngaai cuggo̱k zo̱ze̱ ci tu̱we̱ne̱t cunno̱ng.

1 Ko̱ri̱nto̱ 8:13

I̱yo̱ko̱ zin, ming kanyike anna gotona tu̱we̱nta̱ kadak gi̱i̱ ci iróng enne orong kar ku̱tu̱gu̱ mu̱nye̱n, iróng bo̱do̱k anna ngen kadai da̱i̱ne̱t ne̱ke̱ udut, gerza ming kanyike nonno ku̱tu̱gu̱ mu̱nye̱n.

1 Ko̱ri̱nto̱ 9:19

Ma wo̱ye̱ nu̱nu̱n iróng anna ke̱e̱ni̱ du̱ca̱i̱t ci e̱e̱t imma lo̱o̱ta̱ ngatu ko̱, abarik ku̱tu̱gu̱ ele cinanni kize du̱ca̱i̱t ci ol do̱o̱k kar kanyaha ol cik meelek ki̱vi̱ta̱ ku̱tu̱we̱c Ye̱su̱ Ki̱ri̱sto̱.

1 Ko̱ri̱nto̱ 9:23

Kogonni anna kaal ne̱ko̱ do̱o̱k kar kaviyaha cik abunna katakuza ol do̱o̱k. Kar anna bu̱k kozol ki nogo ma̱yu̱we̱ne̱t ci Ta̱mu̱ta̱dde̱no̱.

2 Ko̱ri̱nto̱ 11:29

Ming anyak e̱e̱t imma ci iróng a̱tu̱we̱ ju̱rru̱m, ki̱no̱ni̱ anna nonno oroot, korongi keela. Ming anyak e̱e̱t ci a̱tu̱we̱ alaba ol wak a̱tu̱we̱ kabaccit zoz, ka̱bu̱ri̱ zin anna nong oroot.

Ga̱la̱ti̱a̱ 6:1

Gotonogga ki ngonogga, ming i̱ta̱k e̱e̱ti̱ imma mu̱nye̱n, imma niga ol ne̱k okkomnu Vongize ci Ta̱mu̱ta̱dde̱no̱ ko̱, o̱zo̱zze̱k nonno idic kar enne kobodak orgen cunno̱ng. Ming okko e̱e̱ti̱ adiman zoz neci, zuute ele cunne, gerza ming i̱i̱na̱k i̱nna̱ bu̱k mu̱nye̱n.