1 Ko̱ri̱nto̱ 9:19 - Tennet

¹⁹ Ma wo̱ye̱ nu̱nu̱n iróng anna ke̱e̱ni̱ du̱ca̱i̱t ci e̱e̱t imma lo̱o̱ta̱ ngatu ko̱, abarik ku̱tu̱gu̱ ele cinanni kize du̱ca̱i̱t ci ol do̱o̱k kar kanyaha ol cik meelek ki̱vi̱ta̱ ku̱tu̱we̱c Ye̱su̱ Ki̱ri̱sto̱.

1 Ko̱ri̱nto̱ 9:19 ပူးပေါင်းရင်းမြစ်များ

Ma̱te̱yo̱ 18:15

“Ming abac gotoneti, imma mu̱nye̱nu̱ ngatunne, bit ngatinne lo̱mu̱k kar zin du̱wa̱k ba̱ci̱ neci. Ming elema gotoneti neci kar bo̱do̱k kize ne, lalean, a̱vvu̱t zin ki nonno labak.

Roma 1:14

Aanya Ta̱mu̱ta̱dde̱n kuwahek kaviyak ne̱k abunna ko̱ ol cik een Gi̱ri̱k ki cik iróng een Gi̱ri̱k, kar bo̱do̱k kuwahek ol wak egenyi ki wak tarbalik.

Roma 11:14

Korongi zin gool neci kanyike ol wak iróng e̱e̱ggi̱n Ya̱u̱d kaviyak cik abunna kar ol uggak cigannik kanyait meder kar ki̱vi̱ta̱k Ta̱mu̱ta̱dde̱n bak amuda ti̱ri̱ze̱ne̱t.

Roma 15:2

Abunna naga ol cik okkomit tu̱we̱nta̱ ko̱ ming kogon kaal cik abunna anyike locari katalo tu̱we̱nta̱, kar keela nonno kanyak tu̱we̱ne̱t ci okkomi kak.

1 Ko̱ri̱nto̱ 10:29

Abunna ming ungneku niga i̱di̱ng neci lo̱o̱c. Iróng een zo̱ze̱ ci o̱ngo̱o̱li̱nnu̱ niga zi̱nze̱tti̱nne̱ ciggo̱k, abarik utungtek i̱di̱ng neci lo̱o̱c zo̱ze̱ ci obod ki nonno. I̱yo̱ko̱ zin, nya ming ettedeka e̱e̱ti̱ lo̱ki̱ko̱ zo̱ze̱ ci e̱e̱t ci anyak ngo̱li̱ne̱t zinine cinne ko̱?

1 Ko̱ri̱nto̱ 10:33

Korongi gon anna ol do̱o̱k katalto kaale wak kogonni anna ko̱ go̱o̱lo̱we̱ do̱o̱k. Iróng anna korongi ku̱tu̱gu̱ kaal cik ele cinanni do̱, abarik korongi ku̱tu̱gu̱we̱k ol do̱o̱k kaal cik abunna, kar atin nege kurubta ti̱ri̱ze̱ne̱t ci Ta̱mu̱ta̱dde̱no̱.

1 Ko̱ri̱nto̱ 7:16

Niga ngaai wak a̱tu̱we̱nu̱, abunna ming a̱gga̱yyu̱ a̱ti̱ri̱z atin Ta̱mu̱ta̱dde̱n macwa cuggo̱k zo̱ze̱ ci tu̱we̱ne̱t cunno̱ng. Ogon bo̱do̱k niko, niga macwana cik a̱tu̱we̱nu̱ ko̱, a̱ti̱ri̱z atin Ta̱mu̱ta̱dde̱n ngaai cuggo̱k zo̱ze̱ ci tu̱we̱ne̱t cunno̱ng.

1 Ko̱ri̱nto̱ 9:1

Abunna zin niga ming a̱gga̱yyu̱ kowo anna labak i̱llo̱i̱ gi̱i̱ ci adiryan kaale cik lo̱o̱tu̱. Ke̱e̱ni̱ anna to̱ni̱a̱t ci Manyi Ye̱su̱ Ki̱ri̱sto̱. Kicina anna Ye̱su̱ Manyitinna. E̱e̱ggi̱nnu̱ niga ol balik kuwahekkung kaviyak cik Manyi ke̱ bak elemannu zoz cinne.

2 Ko̱ri̱nto̱ 12:14

Imma bali arrak oowa kicinnung lak rama, i̱yo̱ko̱ zin korongi ki̱ki̱ya̱ kicinnung bo̱do̱k. I̱llo̱i̱ zin atin gi̱i̱ ci ka̱jji̱nnu̱ng, ka̱gga̱ elem cinanni manyi. Iróng korongi kaal cuggo̱k, korongnyung i̱ge̱t e̱le̱tti̱. Ogonnu niga ki dooli cigannik, iróng wo̱ye̱ dooli cikidik atam be̱e̱ti̱nne̱ng, abarik be̱e̱ti̱nne̱ng ci atam dooli.

2 Ko̱ri̱nto̱ 4:15

Imma pirnante ci kamudanna ko̱ do̱o̱k, a̱kku̱ abunna keelannung. Kapirnanna abunna ol cik meelek ovvo a̱gga̱ bunnat ci Ta̱mu̱ta̱dde̱no̱, kar enne kalalek mu̱nye̱n cigge̱k, kar kinnatit nonno bak kanyike zany. Kar ko̱to̱ngo̱o̱ltte̱ nonno kar bo̱do̱k kalac nonno.

2 Ko̱ri̱nto̱ 4:5

Imma zin go̱o̱le̱ necu, ming kovvo naga kedemeza ol zoz ci obod ki e̱le̱tti̱ cigga̱k. Abarik, kedemezung zoz ci een Ye̱su̱ Ki̱ri̱sto̱, Manyi. Ke̱e̱ggi̱nna̱ du̱cca̱k cuggo̱k zo̱ze̱ cinne.

Ga̱la̱ti̱a̱ 5:1

I̱yo̱ko̱ zin iróng naga ngen kecebje, eci oogawet Ki̱ri̱sto̱ kotozzo labak. Ibilet okkomit kak baize ci a̱tu̱yyu̱ Ye̱su̱, ma ngen a̱mi̱ro̱ni̱kku̱ lo̱ti̱nno̱k wak Musesi, kar izet du̱cca̱k bo̱do̱k ki ba̱li̱ye̱.

Ga̱la̱ti̱a̱ 5:13

Gotonogga ki ngonogga tu̱we̱nta̱, atahalaung Ta̱mu̱ta̱dde̱n abunna ming abakku baiz ci abunna, kar aanyyait kaal. Ma zin anyikku kaal ne̱ko̱ kize ci ogonnu mu̱nye̱n. Abarik aanyyait kaal ne̱ko̱ kize ci irezzu ol.

1 Ti̱mo̱te̱yo̱ 4:16

Zuute ele cunne ki kaal cik edemezi ko̱. Tu̱gu̱ kaal balik ki̱lo̱ti̱ki̱ ke̱. Ming u̱tu̱gu̱ niko, a̱ti̱ri̱zi̱ ele cunne ki ol cik aziknin bu̱k.

2 Ti̱mo̱te̱yo̱ 2:10

I̱yo̱ko̱ zin, kinima no̱ngi̱tto̱n do̱o̱k zo̱ze̱ ci ol wak atahala Ta̱mu̱ta̱dde̱n, kar nege bu̱k kurubta ti̱ri̱ze̱ne̱t ngati Ye̱su̱ Ki̱ri̱sto̱, ki baiz wa a̱zi̱ze̱ aave udut.

1 Peturu 3:1

Niga ngaai, o̱to̱ngo̱o̱ltte̱ maccwa ciggo̱k, kar uggak cik abure zoz ci Ta̱mu̱ta̱dde̱no̱ ko̱, okko atin zoz cunno̱ng a̱tu̱yyu̱ niga Manyi ko̱ aanyik atin nogo kelemtta zoz ci Ta̱mu̱ta̱dde̱no̱ ci iróng niga a̱du̱wa̱kku̱ nogo.