1 Ko̱ri̱nto̱ 8:9 - Tennet

⁹ Abunna zin ming egenyyu, u̱tu̱gu̱z kaal cik acinnu niga abunna ngatinno̱ng go̱o̱le̱ ci iróng anyike ol cik amuje o̱o̱tti̱ ku̱tu̱gu̱zzo̱ mu̱nye̱n.

1 Ko̱ri̱nto̱ 8:9 ပူးပေါင်းရင်းမြစ်များ

Ma̱te̱yo̱ 18:10

“Ma zin ibbezzu do̱le̱c co̱de̱ ṯok doolinne ne̱ko̱. Ka̱du̱wa̱kku̱ng eci anjilonya cigge̱k acin ngu̱m ci Baatanni odohize wa aave ta̱mu̱-kenga.

Roma 15:1

Imma naga ol wak ka̱tu̱we̱ ju̱rru̱m ko̱, abunna bu̱k ka̱ti̱ri̱z ol wak ngen tu̱we̱ne̱t cinne̱ng idica. Gerza ming kogon kaal cik katalne naga do̱.

1 Ko̱ri̱nto̱ 10:24

Gerza ming adimanek e̱e̱ti̱ ele cinne kaal cik abunna do̱, abunna abarik ming adimanek ol u̱gge̱ bu̱k.

1 Ko̱ri̱nto̱ 10:28

Abarik ming a̱nne̱kku̱ng e̱e̱ti̱ imma ne, “Etted ol i̱di̱ng necu kize ci ta̱mu̱ta̱dde̱ne̱t wak adimanai azzine,” ma adakku, kar e̱e̱ti̱ ci a̱du̱wa̱kku̱ng ko̱ iróng ogon mu̱nye̱n, kar bu̱k enne ki i̱ge̱t iróng anyakku i̱no̱ni̱ ci gerze zi̱nze̱tti̱nne̱.

1 Ko̱ri̱nto̱ 10:29

Abunna ming ungneku niga i̱di̱ng neci lo̱o̱c. Iróng een zo̱ze̱ ci o̱ngo̱o̱li̱nnu̱ niga zi̱nze̱tti̱nne̱ ciggo̱k, abarik utungtek i̱di̱ng neci lo̱o̱c zo̱ze̱ ci obod ki nonno. I̱yo̱ko̱ zin, nya ming ettedeka e̱e̱ti̱ lo̱ki̱ko̱ zo̱ze̱ ci e̱e̱t ci anyak ngo̱li̱ne̱t zinine cinne ko̱?

1 Ko̱ri̱nto̱ 10:32

Abait baiz ci abunna, ci iróng acazu e̱e̱t imma, icima olli Ya̱u̱do̱, icima olli Gi̱ri̱yo̱, icima ol wak a̱tu̱ Ta̱mu̱ta̱dde̱n.

1 Ko̱ri̱nto̱ 8:10

Ming anyak e̱e̱t ci iróng zinin cinne anime ku̱tu̱gu̱ kaal ne̱ko̱, ming okko enne acinnin, i̱nne̱ta̱ ci anyai genyiz ko̱ ci aave ngati gon atuve ol ta̱mu̱ta̱dde̱ne̱t cik adimanai azzine ko̱, kar bo̱do̱k adait da̱i̱ne̱t cik atuve ol ta̱mu̱ta̱dde̱ne̱t niko, kar enne bu̱k kodola kadak da̱i̱ne̱t cik atuveku ta̱mu̱ta̱dde̱ne̱t cik adimanai keene ko̱.

1 Ko̱ri̱nto̱ 8:12

Ma go̱o̱le̱ necu abaccu niga ngati anyikku gotonogget cik amuje o̱o̱tti̱ kabaccit, u̱tu̱gu̱zzu̱ niga mu̱nye̱n ngati Ki̱ri̱sto̱.

1 Ko̱ri̱nto̱ 9:22

Imma ming ka̱li̱ngli̱ngnya̱ ki e̱e̱t ci iróng a̱tu̱we̱ ju̱rru̱m, kobodane anna ele cinanni kar kanyahak nonno tu̱we̱ne̱t ci okkomi. Ku̱tu̱gu̱ anna kaal do̱o̱k kar ki̱ti̱ri̱z ol u̱gge̱ ki̱vi̱ta̱k Ki̱ri̱sto̱ kanyait tu̱we̱ne̱t ci okkomi.

2 Ko̱ri̱nto̱ 11:21

Eci adaka annit a̱li̱ya̱ni̱ kar kizetta ne iróng naga kokkomna zo̱ze̱ neci. Ming odong nege e̱le̱tti̱, anna bu̱k, ma̱i̱je̱ ngatu, een gi̱i̱ ci tarbali kar ku̱tu̱gu̱.

2 Ko̱ri̱nto̱ 11:29

Ming anyak e̱e̱t imma ci iróng a̱tu̱we̱ ju̱rru̱m, ki̱no̱ni̱ anna nonno oroot, korongi keela. Ming anyak e̱e̱t ci a̱tu̱we̱ alaba ol wak a̱tu̱we̱ kabaccit zoz, ka̱bu̱ri̱ zin anna nong oroot.

2 Ko̱ri̱nto̱ 6:3

Iróng naga kalamnyya ol ngati a̱tu̱we̱ zoz ci Ye̱su̱, abunna iróng ol atin ibbez li̱ngli̱ngo̱n cinna ngati ka̱li̱ngli̱nge̱k Ta̱mu̱ta̱dde̱n.

Ga̱la̱ti̱a̱ 5:13

Gotonogga ki ngonogga tu̱we̱nta̱, atahalaung Ta̱mu̱ta̱dde̱n abunna ming abakku baiz ci abunna, kar aanyyait kaal. Ma zin anyikku kaal ne̱ko̱ kize ci ogonnu mu̱nye̱n. Abarik aanyyait kaal ne̱ko̱ kize ci irezzu ol.

Kolosiya 2:8

Ka̱du̱wa̱kku̱ng, ebeit e̱le̱tti̱ ju̱rru̱m, kar i̱llo̱i̱ e̱e̱t imma ci alabanung genyize ci anyak volong a̱kku̱ ngati ol cik diirik, de̱mzi̱ne̱t ci olli lo̱o̱tu̱, iróng ozoz zoz ci obod ki Ki̱ri̱sto̱.

1 Peturu 2:16

Abaito zin labak, ma anyikku baiz ci abakku ko̱ kize baiz ci ogonnu kaal cik gerzek. Abarik zin a̱vvu̱t izet du̱cca̱k wak Ta̱mu̱ta̱dde̱no̱ wak een de̱de̱.

2 Peturu 2:19

A̱nne̱k nege ol ne, aavtiyyu atin labak, imma nege e̱e̱ggi̱n du̱cca̱k cik baiz ci gerze, eci ol cik diirik e̱e̱ggi̱n du̱cca̱k cik kaal wak uuta nogo o̱o̱tti̱.

O̱no̱zzo̱k 2:14

I̱yo̱ko̱ zin kanyai anna kaal cikidik komozine ngatinno̱ng: Anyakku niga ol u̱gge̱ cik elemi de̱mzi̱ne̱t ci Balaami kar enne kedemez Balaki kalaba olli Israilo ki̱tto̱zo̱ mu̱nye̱n eci adahe da̱i̱ne̱t cik apahek ol to̱do̱yyo̱k, ki bo̱do̱k go̱o̱le̱ ci a̱li̱ya̱kze̱ti̱nu̱.