1 Ko̱ri̱nto̱ 7:34 - Tennet

³⁴ Aanyik zin zoz necu e̱e̱t necu kengerto go̱o̱le̱ ci ogone enne kaal. Imma ngaa ci i̱llo̱i̱ mac, icima ngaa ci ngen ka̱ta̱gu̱zzo̱ ki e̱e̱t ci maci, arike nege zi̱nze̱tti̱ li̱ngli̱ngo̱n ci Manyi oroot. Ma̱i̱je̱ ngaa ci i̱ti̱ye̱, aave zinin cinne kaale cik lo̱o̱tu̱ ko̱ do̱ niko, orong bo̱do̱k ku̱tu̱gu̱we̱k e̱e̱t cinne kaal cik aanyik nonno katalo.

1 Ko̱ri̱nto̱ 7:34 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 10:13

A̱vi̱r e̱e̱ti̱ neci ma̱rri̱t enne ming iróng een tuwayoit, iróng enne een manyi eeza ne̱ke̱.”

Roma 6:13

Ma anyikku o̱o̱tti̱ ciggo̱k koottung go̱o̱le̱ ci gerze kar anyait mu̱nye̱n, abarik aanycik zi̱nze̱tti̱ ciggo̱k do̱o̱k Ta̱mu̱ta̱dde̱n ki i̱yo̱ko̱ ol wak balik ingane Ta̱mu̱ta̱dde̱n daiza ke̱. I̱yo̱ko̱ zin, u̱tu̱gu̱z kaal cik abunna.

1 Ko̱ri̱nto̱ 6:20

Utuwaung bali Ta̱mu̱ta̱dde̱n i̱ge̱t daize ci Ye̱su̱ Ki̱ri̱sto̱. Abunna zin niga ming a̱di̱ngdi̱nga̱nnu̱ Ta̱mu̱ta̱dde̱n e̱le̱tti̱ne̱ cuggo̱k.

1 Ko̱ri̱nto̱ 7:33

Ma̱i̱je̱ e̱e̱ti̱ ci uruco, i̱no̱n enne kaal cik lo̱o̱tu̱ ko̱ oroot, eci orong enne kaanyik ngaa cinne katalo.

1 Ko̱ri̱nto̱ 7:35

Ka̱du̱wa̱kku̱ng zin anna i̱ge̱t kaal ne̱ko̱, eci korongi kar keelaung. Iróng korongi kar keceba o̱o̱tti̱ cuggo̱k zo̱zzo̱we̱ ne̱ko̱. Abarik korongnyung abait labak kar bo̱do̱k u̱tu̱gu̱z kaal cik abunna, kar aartik zi̱nze̱tti̱ cuggo̱k do̱o̱k li̱ngli̱ngo̱n ci Manyi.

2 Ko̱ri̱nto̱ 11:28

Imma zo̱ze̱ ci kamuda ko̱ do̱o̱k, bo̱do̱k, kapirna odohize, abile zinin je̱e̱na̱ zo̱ze̱ ci ol wak a̱tu̱ Ta̱mu̱ta̱dde̱n ke̱le̱ci̱a̱nya̱i̱.

2 Ko̱ri̱nto̱ 8:16

I̱yo̱ko̱ zin, kanyike Ta̱mu̱ta̱dde̱n zany, eci enne aarik zoz ci abunna zinin ci Ti̱to̱ ki annita, ci irezzung i̱ge̱t oroot.

Vilipia 1:20

Gi̱i̱ zin ci korongi anna oroot ko̱ icu, karike zinin oroot, kar zin iróng adaka a̱li̱ya̱ni̱, abarik kanyai komiz ci kanime zoz, kar zoz ci Ki̱ri̱sto̱ ki̱di̱ngdi̱nga̱ne̱ eliye cinanni, go̱o̱le̱ ci ngen anna karugi icima ka̱da̱ha̱.

1 Te̱se̱lo̱ni̱ka̱ 5:23

Kala Ta̱mu̱ta̱dde̱n manyi gano ka̱a̱nyu̱ng abait labak, kidimanung izet caale udut. Ka̱a̱nyu̱ng baiz ki vongiz cunno̱ng do̱o̱k ki̱zze̱c ba̱ci̱no̱wa̱ zee kobodak Manyitinna Ye̱su̱ Ki̱ri̱sto̱ lo̱o̱c.

1 Ti̱mo̱te̱yo̱ 3:5

Ming iróng e̱e̱ti̱ abal orog wainne ju̱rru̱m, iróng wo̱ye̱ azunne ol wak a̱tu̱we̱ ke̱le̱ci̱a̱k Ta̱mu̱ta̱dde̱no̱.

1 Ti̱mo̱te̱yo̱ 5:5

Aarike ngaa ci boye a̱zze̱ rok e̱e̱t co̱de̱ ci eela to zinin cinne Ta̱mu̱ta̱dde̱n, ala nonno tu̱p kaal.

Ti̱to̱ 3:8

Een zoz ci ka̱du̱wa̱kku̱ng ko̱ de̱de̱. Korongi abunna ming odolnannu zo̱zzo̱we̱ ne̱ko̱ oroot, kar zin ol wak a̱tu̱ Ta̱mu̱ta̱dde̱n ku̱zu̱tte̱ zoz neci, kar ku̱tu̱gu̱zzo̱ kaal cik abunna odohize. Abunna kaala ne̱ko̱ do̱o̱k ming eela ol do̱o̱k.