1 Ko̱ri̱nto̱ 7:31 - Tennet

³¹ Ovvo ol wak anyak kaal cik meelek kaale cik lo̱o̱tu̱ ko̱, abunna ming abak nege ki i̱yo̱ko̱ iróng nege anyak kaal ne̱ko̱, eci looci ize ojon ngati okko aṯurneke.

1 Ko̱ri̱nto̱ 7:31 ပူးပေါင်းရင်းမြစ်များ

Lu̱ka̱ 21:34

“U̱zu̱tte̱ e̱le̱tti̱, icima ovvo atin zi̱nze̱tti̱ cuggo̱k egerzanne zo̱ze̱ ci gerze, ki udenet merten ki ngo̱li̱ne̱t lo̱o̱c zo̱ze̱ ci baizo, okko atin i̱i̱te̱ni̱ neci a̱kku̱na̱kku̱ng kiwagon tarabai.

1 Ko̱ri̱nto̱ 7:29

Gotonogga ki ngonogga tu̱we̱nta̱, ka̱du̱wa̱kku̱ng zoz cu, eci izeto idice i̱i̱nya̱ oroot cik kar looci kuṯurei. Imma zin i̱yo̱ko̱, anyik ol wak anyak ngaai kabaito ki ci iróng nege anyak ngaai, ci iróng nege arike zi̱nze̱tti̱ cigge̱k nogo do̱ oroot.

1 Ko̱ri̱nto̱ 7:30

Imma ol cik anyak u̱lu̱wa̱, gerza ming arike nege zi̱nze̱tti̱ cigge̱k u̱lu̱wa̱ do̱ niko. Ovvo ol cik anyak talninet, gerza ming arike nege zi̱nze̱tti̱ cigge̱k talninet do̱ niko. Imma ol cik utene kaal, gerza ming arike nege zi̱nze̱tti̱ do̱o̱k kaal cik utene nege ko̱ do̱.

1 Ko̱ri̱nto̱ 9:18

Karuba zin atin anna nya? Karuba zin atin gool ci kuwaheke kaviyak cik abunna ki̱zzi̱ rok gi̱i̱ ci a̱ru̱we̱ka̱ ol annita. Iróng zin anna Ka̱jji̱nni̱ nogo kar kanyca nege annit kaal cik agano ming aanya nege.

I̱bu̱ru̱ 12:27

Omone atin enne kaal wak eenycai do̱o̱k kuduccai, kirakttek kaala cik iróng omoti do̱ niko.

Je̱mi̱s 4:14

Nya, ming iróng niga bu̱k a̱gga̱yyu̱ gi̱i̱ ci a̱kku̱ loza. Nya ci een ruget cunno̱ng? Ogonnu niga kiwagon i̱do̱ye̱ ci a̱kku̱ do̱yo̱i̱t kar ki̱zzi̱ dakdak.

1 Peturu 1:24

Azi Waraga ci Ta̱mu̱ta̱dde̱no̱ ne, “Ogon ol cik diirik do̱o̱k ki arte, kar di̱ngdi̱ngo̱ni̱ cinne̱ng do̱o̱k ogon ki vu̱rre̱na̱ zara; odoi artenti kar vu̱rre̱na̱ ki̱ta̱zzo̱.

1 Peturu 4:7

Ize ojon i̱i̱te̱ni̱ ci aṯurneke kaala veelek. I̱yo̱ko̱ zin, abunna ming egenyyu oroot, abunna bo̱do̱k ming okkomnu lawinta kak.

1 Jon 2:17

Okko looci ki baiz ci ogon niko ko̱ a̱zze̱ ne dakdak, ma̱i̱je̱ e̱e̱ti̱ ci a̱li̱ngli̱ng zoz ci Ta̱mu̱ta̱dde̱no̱ abak udut.