1 Ko̱ri̱nto̱ 7:21 - Tennet

²¹ Baling awuyi Ta̱mu̱ta̱dde̱n ke̱, e̱e̱ni̱ da̱ i̱nna̱ du̱ca̱i̱t? Ma anyike zoz necu ku̱u̱c zinina, ming aanyi enne i̱nne̱t bak labak, bak zin go̱o̱le̱ ci orongi i̱nna̱ ke̱.

1 Ko̱ri̱nto̱ 7:21 ပူးပေါင်းရင်းမြစ်များ

Lu̱ka̱ 12:29

Ma arikku zi̱nze̱tti̱ ciggo̱k kaal cik adakku icima auddu; ma anyikku zi̱nze̱tti̱ kibilet je̱e̱na̱ zo̱ze̱ ci kaal ne̱ko̱.

Lu̱ka̱ 21:34

“U̱zu̱tte̱ e̱le̱tti̱, icima ovvo atin zi̱nze̱tti̱ cuggo̱k egerzanne zo̱ze̱ ci gerze, ki udenet merten ki ngo̱li̱ne̱t lo̱o̱c zo̱ze̱ ci baizo, okko atin i̱i̱te̱ni̱ neci a̱kku̱na̱kku̱ng kiwagon tarabai.

1 Ko̱ri̱nto̱ 12:13

Kogon naga bu̱k niko. A̱gga̱mto̱zi̱k ba̱li̱ye̱ ol ba̱ti̱ti̱mo̱ Vongize co̱de̱ ki ele co̱de̱, ming e̱e̱ggi̱nnu̱ Ya̱u̱d icima Gi̱ri̱k, ol cik e̱e̱ggi̱n du̱cca̱k icima ol cik iróng e̱e̱ggi̱n du̱cca̱k. Abarik Vongizi ci Ta̱mu̱ta̱dde̱no̱ a̱gga̱me̱t ba̱ti̱ti̱mo̱ eliye ci Ki̱ri̱sto̱, Vongize co̱de̱. I̱yo̱ko̱ kaude naga do̱o̱k Vongize co̱de̱.

1 Ko̱ri̱nto̱ 7:20

Abunna ming aave e̱e̱ti̱ a̱vvu̱ze̱t cinne bali la̱du̱n aave enne i̱i̱te̱ne̱ bali awenne Ta̱mu̱ta̱dde̱n nonno kar ki̱ki̱ya̱ ku̱tu̱ zoz ci Manyi Ye̱su̱.

1 Ko̱ri̱nto̱ 7:22

Eci e̱e̱ti̱ bali awu Manyi baling ngen enne een du̱ca̱i̱t ko̱, ize e̱e̱t ci abak labak i̱llo̱i̱ mu̱nye̱n; ogon bo̱do̱k niko, okko e̱e̱ti̱ ci iróng een du̱ca̱i̱t ko̱ baling awu Manyi nonno, ize enne du̱ca̱i̱t ci Ki̱ri̱sto̱.

Ga̱la̱ti̱a̱ 3:28

Ming anyakku tu̱we̱ne̱t ci Ye̱su̱ Ki̱ri̱sto̱ niko, i̱zzi̱ zoz ci bo̱do̱k kazi ne, e̱e̱ggi̱n ciko olli Ya̱u̱d, ovvo ciko e̱e̱ggi̱n ol wak een Gi̱ri̱k, icima uggak e̱e̱ggi̱n du̱cca̱k, ovvo uggak een jain, icima e̱e̱ggi̱n uggak ngaai, icima odot; eci naga do̱o̱k ke̱e̱ggi̱n ol co̱de̱ ngati Ye̱su̱.

Vilipia 4:11

Iróng anna ka̱du̱wa̱ zoz neci eci anna korongi kaal u̱gge̱ ngatinno̱ng, eci anna ka̱gga̱wa̱ gool ci baiz cinanni kurteke amut zinin kaale cik kanyai.

Vilipia 4:6

Ma anyikku zi̱nze̱tti̱ kibilet je̱e̱na̱ zo̱ze̱ ci kaalu, abarik alac Ta̱mu̱ta̱dde̱n kaale do̱o̱k zi̱nze̱tti̱nne̱ cik alali ngati anyikku nonno zany.

Kolosiya 3:11

Imma zin zo̱ze̱ cu, i̱llo̱i̱ e̱e̱t ci een Ya̱u̱do̱c icima ci een Gi̱ri̱k, icima e̱e̱t ci etted vi̱ca̱vi̱ca̱ icima iróng ettede, icima e̱e̱t ci een i̱do̱nge̱ni̱t icima ol cik abak lo̱o̱ce̱ ci een Scythian, ki e̱e̱t ci een du̱ca̱i̱t, icima iróng een e̱e̱t ci een du̱ca̱i̱t. Abarik zin olle ne̱ko̱ do̱o̱k, Ki̱ri̱sto̱ ci ommog kaal do̱o̱k, kar enne ka̱vvu̱ kaale do̱o̱k.

I̱bu̱ru̱ 13:5

Ma amanikku o̱ro̱bi̱ya̱ cik ollu, e̱le̱zzo̱ ki cik aanyai i̱nna̱ ko̱. Eci ize Ta̱mu̱ta̱dde̱n ne, “Iróng atin anna ko̱do̱te̱kku̱ng i̱ge̱t lo̱o̱c, iróng atin anna kungnekkung lo̱o̱c.”

1 Peturu 5:7

Kodongtek Ta̱mu̱ta̱dde̱n kaal wak gerzek ogonekku̱ng ol ko̱ do̱o̱k, eci enne een e̱e̱t ci azunnung.