1 Ko̱ri̱nto̱ 6:19 - Tennet

¹⁹ A̱gga̱yyu̱ niga e̱e̱ggi̱n e̱le̱tti̱ cuggo̱k ce̱e̱z ci Ta̱mu̱ta̱dde̱no̱, anyak Vongiz ci A̱li̱le̱ ci abak ngatinno̱ng, bali a̱gga̱ma̱nnu̱ ngati Ta̱mu̱ta̱dde̱no̱? Iróng niga abakku baiz cunno̱ng do̱.

1 Ko̱ri̱nto̱ 6:19 ပူးပေါင်းရင်းမြစ်များ

Kaviyak wak Abunna Ta̱mu̱ta̱dde̱no̱ eher Joni 2:21

Ma̱i̱je̱ da̱ Ce̱e̱z wa Ta̱mu̱ta̱dde̱no̱ ci ozoz enne ko̱, een ele cinne.

Roma 8:9

Imma niga ol ne̱k anyakku Vongiz ci Ta̱mu̱ta̱dde̱no̱ zi̱nze̱tti̱nne̱ ciggo̱k ko̱, iróng zin niga ngen aballu e̱le̱tti̱ kaale cik gerzek irez zi̱nze̱tti̱ cuggo̱k, iróng ucca bo̱do̱k annuyu kaal ne̱ke̱. Ovvo ol wak iróng anyak Vongiz ci A̱li̱le̱ iróng nege e̱e̱ggi̱n ol cik Ki̱ri̱sto̱.

1 Ko̱ri̱nto̱ 3:16

A̱gga̱yyu̱ e̱e̱ggi̱nnu̱ niga e̱le̱tti̱ne̱ Ce̱e̱z wa Ta̱mu̱ta̱dde̱no̱ kar Vongizi ci Ta̱mu̱ta̱dde̱no̱ kabak ngatinno̱ng.

1 Ko̱ri̱nto̱ 6:13

Azi i̱yo̱ko̱ e̱e̱ti̱ imma ne, “Adiman Ta̱mu̱ta̱dde̱n da̱i̱ne̱t kize cik kadak naga.” Een zin zoz necu de̱de̱, abarik atin Manyi egerzan da̱i̱ne̱t ki ol cik adak da̱i̱ne̱t ko̱ do̱o̱k. Iróng Ta̱mu̱ta̱dde̱n eenyca e̱le̱tti̱ cik ol cik diirik kize ci a̱li̱ya̱kze̱ti̱nu̱, abarik kanyak e̱le̱tti̱ kar ki̱li̱ngli̱ngto̱zi̱k Manyi Ye̱su̱, kar zin enne kuzute e̱le̱tti̱ cigga̱c.

1 Ko̱ri̱nto̱ 6:3

Iróng niga a̱gga̱yyu̱, kovvo atin naga kapahek anjilonya cik Ta̱mu̱ta̱dde̱no̱ lo̱ki̱ko̱? Ming kapahek atin naga anjilonya cik Ta̱mu̱ta̱dde̱no̱ lo̱ki̱ko̱, obokce zin atin ming kovvo naga kapahek lo̱ki̱ko̱ kaal cik baiz cu!

2 Ko̱ri̱nto̱ 5:15

A̱da̱i̱ Ki̱ri̱sto̱ zo̱ze̱ ci ol do̱o̱k, kar abunna ol wak aruge iróng ngen irez e̱le̱tti̱ cigge̱k do̱ niko, abarik abunna ming irez Manyi bali a̱da̱i̱ zo̱ze̱ cinne̱ng, kar Ta̱mu̱ta̱dde̱n kitingawe nonno daiza kurug bo̱do̱k.

2 Ko̱ri̱nto̱ 6:16

Iróng to̱do̱yo̱wa̱ ne̱k ala ol ko̱ e̱e̱ggi̱n cik Ce̱e̱z wa Ta̱mu̱ta̱dde̱no̱. Ke̱e̱ggi̱n naga e̱le̱tti̱ne̱ Ce̱e̱z wa Ta̱mu̱ta̱dde̱no̱, ki ming a̱du̱wa̱ Ta̱mu̱ta̱dde̱n eliya, “Kabaka atin anna ki ol ne̱ko̱ kar koto orgene cinne̱ng. Ke̱e̱ni̱ atin Ta̱mu̱ta̱dde̱n cinne̱ng, ovvo nege een ol cigannik.”

Ti̱to̱ 2:14

Aanyik enne ele cinne kize wawac, kar keelawet ba̱ci̱no̱we̱, kar kidimanit kizet caale, kar zin kaanyyet kizet ol ciginnek, kar koronggit ku̱tu̱gu̱z oroot kaal cik abunna do̱ niko.

Je̱mi̱s 4:5

Icima i̱no̱nnu̱ niga ozoz Waraga ci Ta̱mu̱ta̱dde̱no̱ zoz necu gaganiko, kar vongizi ci abak ngatinna ko̱ kanyak meder oroot.

1 Peturu 2:5

I̱yo̱ko̱ zin, niga bu̱k izetu biyen wak abak udut wak eenyconik kize ce̱e̱z ci abahe Vongizi ci Ta̱mu̱ta̱dde̱no̱. Izetu niga olli wawaco wak a̱li̱le̱ bu̱k. Ma go̱o̱le̱ ci a̱ti̱ri̱zu̱ng Ye̱su̱ Ki̱ri̱sto̱ ko̱, ovvo atin niga anyikku Ta̱mu̱ta̱dde̱n muci ci atin aanyik nonno katalo.