1 Ko̱ri̱nto̱ 6:15 - Tennet

¹⁵ Iróng niga a̱gga̱yyu̱ e̱e̱ggi̱n e̱le̱tti̱ cuggo̱k cik Ki̱ri̱sto̱? Kadima anna wo̱ye̱ ele ci ize ci Ki̱ri̱sto̱ kar kurumte ki a̱li̱ya̱i̱t? Iróng een niko udut!

1 Ko̱ri̱nto̱ 6:15 ပူးပေါင်းရင်းမြစ်များ

Kananet 44:17

Ma̱i̱je̱ Yosevo ize ne, “Iróng wo̱ye̱ anna kogonni gi̱i̱ ci ibil ki necu udut! Okko e̱e̱ti̱ wa a̱gga̱me̱k du̱ca̱i̱ti̱ cinanne uduc ngatinne ke̱ do̱ ci atin een du̱ca̱i̱t cinanni. Imma niga do̱o̱k, i̱mi̱rrte̱ oot ngati be̱e̱ti̱nno̱ng yahe.”

Lu̱ka̱ 20:16

A̱kku̱ atin enne kar ki̱ki̱ya̱ ku̱ru̱k ol ne̱k ujura ma̱na̱ cinne ko̱ ka̱da̱i̱to̱, kar kaanyik ma̱na̱ ol u̱gge̱.” Baling iziyyet ol ne̱ke̱ zoz neci, izeto zin ne, “Gerza zoz necu ming ogone!”

Roma 12:5

Kogon zin bo̱do̱k naga niko, anyak ol cik meelek ngatinna, ke̱e̱ggi̱n naga ele co̱de̱ ngati Ki̱ri̱sto̱. Ka̱vvu̱to̱ naga ki i̱yo̱ko̱ ngintik ele co̱de̱ ko̱.

Roma 3:31

Kegerezanit naga lo̱ti̱nno̱k wak Musesi tu̱we̱nte̱ cinna? Iróng een niko! Kaanycik abarik naga lo̱ti̱nno̱k kokkomit kak.

Roma 3:6

Ka̱nne̱kku̱ng zin ne, i̱llo̱i̱, iróng een niko! Ming iróng enne abunna oroot, iróng wo̱ye̱ Ta̱mu̱ta̱dde̱n ettedik olli lo̱o̱tu̱ lo̱ki̱ko̱ ju̱rru̱m.

Roma 6:15

Ka̱gga̱ naga niko aanyyet de̱ti̱ne̱t ci Ta̱mu̱ta̱dde̱no̱ ka̱vvu̱t labak, aanyyet wo̱ye̱ zoz necu ke̱me̱dda̱k mu̱nye̱n eci iróng lo̱ti̱nno̱wa̱ abaleta? I̱llo̱i̱!

Roma 6:2

Iróng een niko! Ming iróng mu̱nye̱na̱ ngen abalet ko̱, nya bo̱do̱k ming kobodonik naga mu̱nye̱n ko̱?

Roma 7:13

Ming abunna lo̱ti̱nno̱wa̱, nya zin ci ozorzoran baiz cinanni kize gerza? Mu̱nye̱n cik aanya annit daiz ngati kogonne gi̱i̱ ci abunna lo̱ti̱nno̱we̱. Iróng een lo̱ti̱nno̱k de̱de̱ cik anyik baiz cinanni kize gerza.

Roma 7:7

I̱yo̱ko̱ zin kazi wo̱ye̱ naga ne? Een lo̱ti̱nno̱wa̱ mu̱nye̱n? Iróng een niko! Ming iróng lo̱ti̱nno̱wa̱ i̱ye̱le̱kke̱t mu̱nye̱n, iróng wo̱ye̱ da̱ anna ka̱gga̱ mu̱nye̱n de̱de̱. Iróng bo̱do̱k wo̱ye̱ anna ka̱gga̱ gi̱i̱ ci e̱e̱to̱ amanik zinin cinne gerze, eci azi lo̱ti̱nno̱wa̱ ne, “Ma anyai zinin ci a̱ppwe̱ ce̱e̱ze̱ ci e̱e̱t imma.”

1 Ko̱ri̱nto̱ 11:3

I̱yo̱ko̱ zin, korongi ku̱du̱wa̱u̱ng, Ki̱ri̱sto̱ ci abal ol cik macik do̱o̱k, okko e̱e̱ti̱ ci maci abal ngaa, ma̱i̱je̱ Ta̱mu̱ta̱dde̱n nonno ci abal Ki̱ri̱sto̱.

1 Ko̱ri̱nto̱ 12:27

I̱yo̱ko̱ e̱e̱ggi̱nnu̱ niga ele ci Ki̱ri̱sto̱, e̱e̱ggi̱nnu̱ niga do̱o̱k o̱to̱ cik ele neci.

1 Ko̱ri̱nto̱ 6:13

Azi i̱yo̱ko̱ e̱e̱ti̱ imma ne, “Adiman Ta̱mu̱ta̱dde̱n da̱i̱ne̱t kize cik kadak naga.” Een zin zoz necu de̱de̱, abarik atin Manyi egerzan da̱i̱ne̱t ki ol cik adak da̱i̱ne̱t ko̱ do̱o̱k. Iróng Ta̱mu̱ta̱dde̱n eenyca e̱le̱tti̱ cik ol cik diirik kize ci a̱li̱ya̱kze̱ti̱nu̱, abarik kanyak e̱le̱tti̱ kar ki̱li̱ngli̱ngto̱zi̱k Manyi Ye̱su̱, kar zin enne kuzute e̱le̱tti̱ cigga̱c.

1 Ko̱ri̱nto̱ 6:17

Ma̱i̱je̱ e̱e̱ti̱ ci arumek ele cinne Manyi, o̱do̱ye̱ enne ki nonno go̱o̱le̱ ci i̱no̱n enne.

1 Ko̱ri̱nto̱ 6:19

A̱gga̱yyu̱ niga e̱e̱ggi̱n e̱le̱tti̱ cuggo̱k ce̱e̱z ci Ta̱mu̱ta̱dde̱no̱, anyak Vongiz ci A̱li̱le̱ ci abak ngatinno̱ng, bali a̱gga̱ma̱nnu̱ ngati Ta̱mu̱ta̱dde̱no̱? Iróng niga abakku baiz cunno̱ng do̱.

1 Ko̱ri̱nto̱ 6:3

Iróng niga a̱gga̱yyu̱, kovvo atin naga kapahek anjilonya cik Ta̱mu̱ta̱dde̱no̱ lo̱ki̱ko̱? Ming kapahek atin naga anjilonya cik Ta̱mu̱ta̱dde̱no̱ lo̱ki̱ko̱, obokce zin atin ming kovvo naga kapahek lo̱ki̱ko̱ kaal cik baiz cu!

Ga̱la̱ti̱a̱ 2:17

“Ma̱i̱je̱ nu̱nu̱n ming korong naga ka̱vvu̱t ki Ta̱mu̱ta̱dde̱n ju̱rru̱m go̱o̱le̱ ci ka̱tu̱we̱ Ye̱su̱ Ki̱ri̱sto̱, kar zin ngatu kabaccit naga. Kazi wo̱ye̱ ne Ye̱su̱ ci okkoyyet mu̱nye̱ne̱? Iróng wo̱ye̱ kazi niko.

Ga̱la̱ti̱a̱ 3:21

Iróng lo̱ti̱nno̱wa̱ balik anyike Ta̱mu̱ta̱dde̱n Muses ke̱ ongorko ki zoz ci u̱du̱wa̱k enne ba̱li̱ye̱ Aburaham ke̱. Ming aanyyet lo̱ti̱nno̱wa̱ baiz ci aave udut, kamuda bunnat ngu̱me̱ ci Ta̱mu̱ta̱dde̱no̱ ngati kazunne lo̱ti̱nno̱k.

Ga̱la̱ti̱a̱ 6:14

Imma ngatinanni, iróng anna kodongi ele gi̱i̱ye̱ emani, daiz ci Manyi Ye̱su̱ Ki̱ri̱sto̱ keete wa een ta̱la̱ke̱c do̱ niko ci ka̱gga̱. Eci zo̱ze̱ ci a̱da̱kne̱ enne keete wa een ta̱la̱ke̱c, iditai zin zoz ci irez zinin cinanne, kar bo̱do̱k zoz ci lo̱o̱tu̱ kiditai ngatinanni.

Evesos 4:12

kar ol ciginnek ke̱de̱me̱zi̱t zoz ci a̱li̱ngli̱nge̱k nege Ta̱mu̱ta̱dde̱n kar ke̱le̱ci̱a̱ ci Ki̱ri̱sto̱ kanyak ol cik meelek.

Evesos 5:23

Eci e̱e̱ti̱ ci maci nonno ci abal ngaa cinne ki i̱yo̱ko̱ Ki̱ri̱sto̱ ming abal ol wak a̱tu̱ nonno ke̱le̱ci̱e̱ cinne ko̱, een enne Ti̱ri̱zo̱i̱t cinne̱ng.

Evesos 5:30

eci naga ol wak ka̱tu̱ Ki̱ri̱sto̱ ke̱e̱ggi̱n ol cik ele cinne.

Kolosiya 2:19

Okko e̱e̱ti̱ ci ogon niko ko̱, iróng enne ngen arume ki Ki̱ri̱sto̱ wa een oo ngati ol wak a̱tu̱ nonno ko̱ do̱o̱k. Kar ele do̱o̱k ka̱gga̱mo̱zi̱k oo, kaanyik ele kurumte nga̱to̱de̱, kar Ta̱mu̱ta̱dde̱n kaanyik kitilizet ki ci orong enne.