1 Ko̱ri̱nto̱ 5:8 - Tennet

⁸ I̱yo̱ko̱ zin, ma adakku kwo̱o̱r go̱o̱le̱ ci anyakku marnonet ki mu̱nye̱n ki i̱yo̱ko̱ nyigita cik meertak reentik ko̱, abarik adait kwo̱o̱r go̱o̱le̱ ci abunna een de̱de̱ ci iróng anyak nyigit cik meertak.

1 Ko̱ri̱nto̱ 5:8 ပူးပေါင်းရင်းမြစ်များ

Lu̱ge̱z 12:15

A̱vvu̱t gwo̱o̱nya̱ turgerem, adait umune ci iróng anyak nyigit cik meertak. Imma i̱i̱te̱ne̱ ci een oo i̱i̱nya̱we̱ ne̱k e̱e̱ggi̱n turgerem ko̱, aarta nyigit cik meertak ce̱e̱zi̱nne̱ cuggo̱k. Ming adak e̱e̱ti̱ imma da̱i̱ne̱t cik amukcari anyak ubula gwo̱o̱nya̱ cik e̱e̱ggi̱n turgerem ko̱, ottoit e̱e̱t neci orgene ci olli Israilo.

Lu̱ge̱z 12:19

Imma i̱i̱nya̱ cik e̱e̱ggi̱n turgerem ko̱ abunna ming a̱zze̱ ovou ci amukcari ce̱e̱zi̱nne̱ cuggo̱k. Ming adak e̱e̱ti̱ imma umune ci amukcari, ottoit kuk reena orgene ci olli Israilo, ming een enne Israiloc icima i̱do̱ngo̱je̱ni̱t.

Lu̱ge̱z 12:8

Kar ba̱a̱li̱n neci ele kadait i̱di̱ cik eeza ne̱k ivad nege gwo̱o̱ya̱ ke̱, kar kadait kidongtek ki varany cik keet ci ogon ki itata ki umune ci iróng anyak nyigit cik meertak.

Lu̱ge̱z 13:6

Adait umunet cik iróng amukcari gwo̱o̱nya̱ turgerem, anyak i̱i̱nya̱ cik e̱e̱ggi̱n turgerem; kar zin i̱i̱te̱n ci een turgerem ko̱ adait kwo̱o̱r ci Manyi.

Lu̱ge̱z 13:7

Adait umune ci iróng amukcari i̱i̱nya̱ cik e̱e̱ggi̱n turgerem ko̱; ma anyakku gi̱i̱ imma ci amukcari udut orgene cunno̱ng, icima gi̱i̱ imma ci amukcari lo̱o̱ce̱ cunno̱ng.

Ma̱te̱yo̱ 16:12

Imma bali vu̱rrta̱, a̱gga̱c zin nege iróng Ye̱su̱ Ki̱ri̱sto̱ ozoz zoz ci nyigit cik meertak, abarik ozoz enne de̱mzi̱ne̱t ci gerze olli Varacis ki Saddocis.

Ma̱te̱yo̱ 16:6

Kar zin Ye̱su̱ kizek nogo ne, “U̱zu̱tte̱ e̱le̱tti̱, zo̱ze̱ ci kidikidir ci adakku da̱i̱ne̱t cik anyak nyigit cik meertak olli Varacis ki Saddocis.”

Marko 8:15

A̱nne̱k Ye̱su̱ nogo ne, “U̱zu̱tte̱ e̱le̱tti̱, egenyyit ngati nyigit cik meertak Varacisi ki He̱ro̱d.”

Lu̱ka̱ 12:1

Baling u̱lu̱tte̱ koole cik e̱e̱ggi̱n i̱bbo̱nge̱t cik meelek, oroco zin nege zoone oroot, akate zin Ye̱su̱ ozozik arrak nuyak ciginnek, “Ebeit e̱le̱tti̱ cuggo̱k ngati ol cik Varacisi e̱e̱ggi̱n volongnyok, ogon nege ki nyigita cik meertak.

Kaviyak wak Abunna Ta̱mu̱ta̱dde̱no̱ eher Joni 1:47

Baling icin Ye̱su̱ Nathanael ming a̱kku̱nna̱k nonno, izek nonno ne, “Cin e̱e̱t ci Israiloc de̱de̱, iróng anyak volong.”

1 Ko̱ri̱nto̱ 3:3

Ngen zin niga abakku baiz ci olli lo̱o̱tu̱, eci ngen anyakku meder, adangonu e̱le̱tti̱ne̱ cuggo̱k. Imma zin go̱o̱le̱ necu abakku ko̱, o̱do̱wi̱nu̱ niga ki olli lo̱o̱tu̱. Ogonnu kaal cik ogon olli lo̱o̱tu̱.

1 Ko̱ri̱nto̱ 5:1

Kiziya anna zoz ci azi ne, anyak ol u̱gge̱ cik een a̱li̱ya̱k orgene cunno̱ng, a̱li̱ya̱kze̱t ci gerze oroot ommog ol cik iróng a̱gga̱ zoz ci Ta̱mu̱ta̱dde̱no̱. Orooto e̱e̱ti̱ ki ngaa ci baatinne.

1 Ko̱ri̱nto̱ 5:6

Gerza zin zoz ci odongnyu niga e̱le̱tti̱. A̱gga̱yyu̱ niga nyigit cik meertak cikidik ming adak lata do̱o̱k?

2 Ko̱ri̱nto̱ 1:12

Katalninna gi̱i̱ye̱ co̱de̱ baize cinna, i̱ye̱le̱kke̱t zi̱nze̱tti̱ cigga̱c kabakta baiz ci abunna ki̱ti̱ri̱ztta̱ ol ju̱rru̱m, ommogje baling ngen kabak ki i̱ge̱t ke̱. Aanyyet Ta̱mu̱ta̱dde̱n deten ci kabahe, iróng een genyize ci lo̱o̱tu̱.

2 Ko̱ri̱nto̱ 2:17

Iróng naga kogonna ki ol uggak cik uwahek ol zoz ci Ta̱mu̱ta̱dde̱no̱ go̱o̱le̱ ci oronge ba̱a̱li̱ne̱t. Abarik zin naga do̱o̱k iróng kogon niko, kuwahekka ol zoz ci Ye̱su̱ Ki̱ri̱sto̱ wa een de̱de̱, kogon ki ol wak i̱tto̱na̱i̱ Ta̱mu̱ta̱dde̱na̱.

2 Ko̱ri̱nto̱ 8:8

Iróng anna kadangekkung abunna ming ogonnu kaal ne̱ke̱. Eci kicina ol wak a̱tu̱we̱ o̱ro̱gjo̱we̱ ugganik ming anyak zi̱nze̱tti̱ cik voorik orongnyet keeltta ol wak a̱tu̱we̱, korongi ku̱du̱wa̱u̱ng katimani anna rezinet cunno̱ng ming irezzu niga ol de̱de̱.

Evesos 6:24

Anyik Ta̱mu̱ta̱dde̱n kanyik deten ol do̱o̱k wak irez Manyitinna Ye̱su̱ Ki̱ri̱sto̱ rezinte ci iróng a̱da̱i̱.

1 Peturu 4:2

I̱ye̱le̱kke̱t zin zoz necu zoz ci azi ne, utungteu niga kaal cik mu̱nye̱nu̱ amin zi̱nze̱tti̱ ciggo̱k ko̱ do̱o̱k lo̱o̱c, orongnyu u̱tu̱gu̱z zoz ci Ta̱mu̱ta̱dde̱no̱ baize cunno̱ng.