1 Ko̱ri̱nto̱ 5:6 - Tennet

⁶ Gerza zin zoz ci odongnyu niga e̱le̱tti̱. A̱gga̱yyu̱ niga nyigit cik meertak cikidik ming adak lata do̱o̱k?

1 Ko̱ri̱nto̱ 5:6 ပူးပေါင်းရင်းမြစ်များ

Ma̱te̱yo̱ 13:33

Oobek zin bo̱do̱k Ye̱su̱ nogo yabzinet imma ci azi ne, “Ogon ba̱a̱li̱ne̱t ci ta̱mu̱-kengo ki ngaa ci adima lata orocanek ki nyigit cik meertak. Ma̱i̱je̱ vu̱rrta̱ aabub kize a̱ppwa̱, kumukcar do̱o̱k, kibbit kuk tuwa.”

Lu̱ka̱ 13:21

Ogon ki nyigita cik meertak cik adima ngaa kar kongotanek ki ovou ci a̱ppwe̱ kar vu̱rrta̱ aabub kize lata.”

Roma 6:16

Abarik zin abunna ming ka̱gga̱ niko ke̱e̱ggi̱n naga du̱cca̱k cik ol wak ko̱ngo̱o̱le̱ naga. Ming ke̱e̱ggi̱n du̱cca̱k cik mu̱nye̱nu̱, okkoyet daiza, abarik zin abunna ke̱e̱ggi̱n du̱cca̱k cik Ta̱mu̱ta̱dde̱no̱ okkoyet bak karuba bunnat cinne.

1 Ko̱ri̱nto̱ 15:33

Ma anyikku ol u̱gge̱ kalabtaung i̱ge̱ta̱, “Ovvo atin gonoggu cik gerzek, egerzannung.”

1 Ko̱ri̱nto̱ 3:21

I̱yo̱ko̱ zin, i̱llo̱i̱ e̱e̱t imma ngatinno̱ng ci odong ele zo̱ze̱ ci ol cik diirik! A̱gga̱c e̱e̱ggi̱n kaala do̱o̱k kaal cuggo̱k,

1 Ko̱ri̱nto̱ 5:2

Kar abarik odongnyu e̱le̱tti̱ zo̱ze̱ necu. Omozinnu weete abarik, kar iróng ngen owowonu ki e̱e̱t ci ogon kaal cik gerzek ko̱.

Ga̱la̱ti̱a̱ 5:9

Izikto ju̱rru̱m, ogon ki i̱yo̱ko̱ nyigita cik meertak ming idice nu̱nu̱n, abarik zin edeca ele do̱o̱k.

2 Ti̱mo̱te̱yo̱ 2:17

Ogon dangonet cinne̱ng ki ngo̱do̱co̱ ci a̱bu̱kbu̱wa̱ne̱k uzun. Imma olle ne̱k anyaha gon dango ko̱, Hymenaeus ki Philetus,

Je̱mi̱s 4:16

Ki i̱yo̱ko̱ odongnyu niga e̱le̱tti̱ ko̱, een donginet e̱le̱tti̱ zoz ci lo̱rye̱nto̱.