1 Ko̱ri̱nto̱ 5:5 - Tennet

⁵ Aanycik zin e̱e̱t neci a̱zzi̱t ci Sitano kar enne kuk kulal nonno oo do̱. Ma̱i̱je̱ atin vongizi cinne a̱ti̱ri̱z nonno ming i̱ki̱ya̱ i̱i̱te̱ni̱ ci okko Manyi Ye̱su̱ obodak lo̱o̱c.

1 Ko̱ri̱nto̱ 5:5 ပူးပေါင်းရင်းမြစ်များ

Ma̱te̱yo̱ 4:10

Obodike Ye̱su̱ nonno, “Nyehe ngatinanni, Sitan, e̱he̱rye̱ buwe ci Ta̱mu̱ta̱dde̱no̱ azi ne, ‘Di̱ngdi̱nga̱n Manyi Ta̱mu̱ta̱dde̱n kar li̱ngli̱ngo̱zi̱k nonno do̱.’”

Lu̱ka̱ 22:31

“Si̱mo̱ne̱, Si̱mo̱ne̱, a̱jji̱nne̱ Sitani kar ketegelung i̱ge̱t kiwagon labina.

Buk wa To̱ni̱a̱u̱ 26:18

kar oo ebere cigge̱k, tuhu nogo ngati mu̱hu̱ri̱ kicinnet nginti voori. Ooga nogo komize ci Sitano ki̱vi̱ta̱k Ta̱mu̱ta̱dde̱n, kar enne kalalek nogo mu̱nye̱n cigge̱k kar nege kidongte ki ol cik Ta̱mu̱ta̱dde̱no̱ a̱li̱le̱ zo̱ze̱ ci a̱tu̱ya̱ nege annita.’

1 Ko̱ri̱nto̱ 1:8

Azunnung atin enne i̱ge̱t okkomit kak zee ki̱ki̱ya̱ Ye̱su̱ Ki̱ri̱sto̱, kar abait baiz ci a̱li̱le̱ rok i̱i̱te̱ne̱ ci okko Manyi Ye̱su̱ obodak lo̱o̱c.

1 Ko̱ri̱nto̱ 11:32

Ming apahekket Manyi lo̱ki̱ko̱, amad enne baiz cinna, kar iróng atin apahoniket lo̱ki̱ko̱ ki ol cik lo̱o̱tu̱.

1 Ko̱ri̱nto̱ 5:13

Eci Ta̱mu̱ta̱dde̱n atin ci apahek ol wak iróng a̱tu̱we̱ ko̱ lo̱ki̱ko̱. E̱he̱rye̱ Warage ci Ta̱mu̱ta̱dde̱no̱ azi ne, “Ottoit e̱e̱t ci mu̱nye̱nu̱ orgene cunno̱ng.”

2 Ko̱ri̱nto̱ 10:6

Ming iziyu i̱nna̱ zoz ci ka̱du̱wa̱nna̱ naga ko̱, kedezza zin atin ol wak iróng o̱ngo̱o̱le̱.

2 Ko̱ri̱nto̱ 12:7

I̱yo̱ko̱ zin, kozozi anna zoz ci obod ki kaal cik a̱zi̱ze̱ balik kicina anna ke̱. I̱tto̱na̱i̱ anjilo ci Sitano kar ki̱ki̱ya̱ kaanya piryanzet, kar atin anna iróng kodongi ele.

2 Ko̱ri̱nto̱ 13:10

Keherakkung anna i̱ge̱t waraga cu ming ngen kuzucaung. Gi̱i̱ ci zin iróng anna kerenyekkung doize ci aanya Manyi annita, ming kokko ka̱kku̱na̱ku̱ng. Aanya ba̱li̱ye̱ enne doiz neci kar keelaung, iróng kegerezannung.

Vilipia 1:6

Ka̱gga̱ anna zoz ci kozozi ko̱, edeccak atin Ta̱mu̱ta̱dde̱n bali akane zoz ci abunna baize cunno̱ng ke̱, li̱ngli̱ngo̱n cinne zee ki̱ki̱ya̱ i̱i̱te̱ni̱ ci okko Ye̱su̱ Ki̱ri̱sto̱ obodak lo̱o̱c.

1 Ti̱mo̱te̱yo̱ 1:20

Ma̱i̱je̱ zin ol ne̱k ogon kaal ne̱ko̱ ko̱, ciko Hymenaeus ki Alizanduru, kodotiya anna nogo lo̱o̱c iróng ngen ki̱lo̱ti̱ nogo kar kedemez Sitani nogo, gerza ming odom nege Ta̱mu̱ta̱dde̱n.

2 Ti̱mo̱te̱yo̱ 1:18

Anyik Manyi bai ka̱mu̱yu̱k Onesiphorus kar kuruba eezet ming okko Manyi Ye̱su̱ obodak lo̱o̱c. A̱gga̱ ri̱t i̱nna̱ bu̱k eelawa enne go̱o̱lo̱we̱ cik meelek lo̱o̱ce̱ ci Ephesusi.

2 Peturu 3:12

Ki i̱yo̱ko̱ e̱re̱yyu̱ niga i̱i̱te̱n ci Ta̱mu̱ta̱dde̱no̱ zi̱nze̱tti̱nne̱ cuggo̱k oroot. A̱kku̱ atin i̱i̱te̱ni̱ neci ki li̱be̱ne̱t ci lo̱o̱tu̱, atuze ta̱mu̱-kengi ki i̱i̱ ki nye̱lo̱k ki munyuny gwo̱o̱ya̱ ne lai.

1 Jon 5:16

Ming acin e̱e̱ti̱ gooni ci ogon mu̱nye̱n cik wo̱ye̱ iróng anyahak nonno daiz, abunna ming alawek enne nonno Ta̱mu̱ta̱dde̱n kar keela nonno kuruba ruget ci aave udut. Een zoz neci ngati ol wak ogon mu̱nye̱n cik iróng anyaha daiz. Imma mu̱nye̱na̱ cik ogon e̱e̱ti̱ anyaha daiz ko̱, iróng anna kazi ne anyik nonno kala Ta̱mu̱ta̱dde̱n zo̱ze̱ ci mu̱nye̱n cik anyaha daiz ko̱.